MATIUS 6:12 - Nanduk Ngget Tul Pidnak Wene

¹² Ap-nen nit meya rak ninpidnak na nenmberam tak pili nggal, kat-nen na nit meya yidnak kamberam tak pi-o.

MATIUS 6:12 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:34

kat-nen-e aid arem-nen enne kulurag-o. Kat kilirak-nen meya yidnag-e kamberam tak purug-e, kat-nen wok unpuruk, kat-nen onmborak wok indigen o yu tuguruk wok unpuruk lobok yi-o.

1 NAGAWAN NAGAWAN-NEN KWARIDNAK WENE 8:39

kat woraso sa aid arem-nen kuluruk, it meya yidnak kamberam tak posoluk yongga indi-o. Ap enarem-nen yebet kagwi oboksa-ge kat karig-et nak karu-o. Iri bem-e ap ondomoktak-nen kwarugwi ndak ndag-et kwat onposolat wolmin-o.

1 NAGAWAN NAGAWAN-NEN KWARIDNAK WENE 8:50

Enabuwa karug-e, it-nen kimin meya yidnak min kimin eyak wurugwi min-e kamberam tak onposolat, it unuwim nap-net nde, it konak kwat unpugwi nap tak inpi-o.

NDAWI ENGGA 130:4

Alat nde, kar-e kat kindi aye worak wolmakluk nit meya yidnak kamberam tak poso-nen yusu-o.

NDAWI ENGGA 32:1

At meya yidnak amberam tak posolat, at-nen lugud tak kwaridnak pem ”Meya kwarigi-o” yosola, ”Ereba mag-o” luk wene lak tak pidnak nab-e alen kasolat wolmag-o.

MBIRIGA WENE 34:7

An-nen enabuwa kasolar-e, ap nderak pem lud kwarat enabuwa yosolat, it meya yidnak nemberam tak inpimin-o. Alat nde, meya lugud tak kwatli nab-e mondok abu abu angin worak enpem posolar-e, ineidtak-nen meya yidnak pem-e at ilirak-nen na, oworak omborak-nen na, ap tap kenan pem ala na, tap empat pem ala na, mondok angin worag-et enpem posolat woramin-o” luk yij-o.

YESAYA 1:18

Nagawan Indo-nen yosolar-e: ”Wene yu lak tak puwog-o. Kir-e meya kwarugwi iri na-nen ndowaga mimi kan ngen nggal-et nde, an-nen-e masa yeben mbin mare nggal loro mbereng tak kinpimin-o. Kit meya yidnag-e kwarat angin worag-et nde, kit meya yidnag-e abu abu nemberam tak pimin-o.

NDANIEL 9:19

Nagawan Indo wa-e. Nenne kuli-o. Nagawan Indo wa-e. Nit meya yidnak kamberam tak pi-o. Nagawan Indo wa-e. Kwara lombot nunpuruk, ndag-et nak kwat ninpi-o! Nde, Yerusalem min kat kilirak min iri-ge kat kondomok karengge me, ap oboksa-nen enaru yogolar-e, kar-e ndemeret Mbal Pem Nagawan-net yusu-o yuwakluk, ndag-et nak yongga nindi-o!” luk tepan yigi-o.

MATIUS 26:28

Yu-ge an neyabi-nen yusu-o. Nde, an neyabi-ge Mbal Pem Nagawan-nen urul pidnak neyabi yu-ge ap kwarat-nen meya yidnak na amberam tak puwakluk-nen nggilaridnak neyabi-nen yusu-o.

MATIUS 9:2

Wok yosoloma-ge, ap erep-nen-e kambung puk tak woraso nap mbi nene yoso ondoro mbinggirik worasola, ondoro min kud turuk Yesus eram ibil lobok yiga-o. Ibil lobok yogolikma-ge, Yesus-nen it ap iri na inndi angin tubu yidnak na kasoluk-nen kambung puk tak woraso nap iri yak tosolar-e: ”Nambara wa-e. Kwiye kasu meyog-o. Kat meya yidnak iri-ge namberam tak pigi-o” luk yak tij-o.

MARAKUS 11:25

Nde, kit-nen tepan yuwokluk yukmu, ap-nen meya rak kinpidnak pem kinndi puru yidnak mbi worala-ge, Kineid aid arem woraso-nen kit meya yidnak amberam tak puwakluk, kit-nen na meya rak kinpidnak iri-ge kenmberam tak per-o.

LUKAS 11:4

Ap-nen meya rak ninpidnak nenmberam tak pili me, kat-nen na nit meya yidnak kamberam tak pi-o. Nit ninndi ngaruwakluk keya nunpurak pug-o’ ” luk yij-o.

LUKAS 13:4

Nde, o Siloam-nen o mot na tud yosolar-e, ap delapan belas iri yemen inpid iri na ngge perali-o? Nde, iri kwaridnak pem-e kit-nen peragolar-e: ’Yerusalem woragwi nap ereb-e meya yidnag-e marig-et nde, it yemen inpid iri-ge meya yidnak kwarat ala nen kwat inpij-o’ luk perali-a?

LUKAS 6:37

Yuruk, at-nen yosolar-e: ”Mbal Pem Nagawan-e kit kenpem wene mbaruwa naru, kit-nen ap enpem wene mbarurak pug-o. Nde, Mbal Pem Nagawan-nen kit meya yidnak onggo kenpem puwa naru, kit-nen na it nin meya yidnak onggo enpem purak pug-o. Mbal Pem Nagawan-nen kit meya yidnak amberam tak puwakluk, kit-nen na nin nap meya yidnak kenmberam tak per-o.

YIDNAK YIDNAK WENE 13:38

Nanggamirak wa-e. Wene yu-ge kenaru mer-o. Ap yu na ebem-e kit meya yogolat woraidnag-e ambaram tak puruk, urugom tak kunpurak wene irit yak kundusu-o.

EPESUS 1:7

Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

EPESUS 4:32

Are, kit na kit-net nanggau kanggau yogolat, kinndi yanggorak wolmer-o. Mbal Pem Nagawan-nen Kerisut ebem kit meya yidnak amberam tak puruk urugom tak kinpid nggal, iri nggal-et kit na kit-net meya rak kinpidnak ala-ge, ”Ob-o. Ereba mag-o” luk yanggosa keya burag-o.

KOLOSE 3:13

Kit na kit-net kennggam imin mamak puruk woragolat, kit meya rak kinpidnak mbi worala-ge, ”Wiwa-o” luk yak kerak mbogolar-e, lak tak pogolat wolmer-o. Nagawan Indo-nen kit meya yidnak amberam tak pid nggal, kit-nen na iri nggal-et nin nap-nen meya rak kinpidnak mondok kenmberam tak per-o.