MATIUS 6:1 - Nanduk Ngget Tul Pidnak Wene

¹ ”Ap-nen yik kiniyujwakluk, kit-nen konak nak kwarugwi mende iri na ap inmbiri bem-et kwarurak pug-o. Iri nggal kwarogola-ge kit Kineid aid arem woraso-nen-e onggo wok kunduwa bug-o.

MATIUS 6:1 ပူးပေါင်းရင်းမြစ်များ

NDAWI ENGGA 112:9

At arengge-ge we irit insilobulo lak nap tembesa wok undusu-o. Ar-e pempa konak nak kwarosolat me, at nak mondok kek tak obogolat wolma-o.

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

NDANIEL 4:27

Iri bem-e an-nen nggomo kurusu yu ndak ndag-et kwari-o. Kar-e tuguruk meya kwarurak pug-o. Alat nde, konak mot mot nak kwarosolat wolmomtak na-e. Ap insilobulo lak nap enabuwa kasolat wolmin-o. Iri nggal kwarosola-ge, nap kar-e konak kalen pem-et woragun-o” luk yak tij-o.

MATIUS 16:27

Ap Amara na-ge at Eid abinal pem at-nen idnak aid nap inmin lobok yuwarig-e, ap onggo wok ondosolar-e, it-nen kwaridnak ndak ndag-et ondomok tak onggo wok unduwa-o.

MATIUS 16:6

Alama-ge, Yesus-nen it yak ondosolar-e: ”Kinndi kwara yebet kagolat wolmer-o. Parisi nap min Saruki nap min-nen idnak oroti lomboroso mende iri abiyem-o luk kwil kwalsa wolmer-o” luk yak indij-o.

MATIUS 23:13

”Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kir-e ap enabuwok Mbal Pem Nagawan-nen tenagaidnak wi tumende nggela labuk yili-t nde, kit-nen nggugwi na lak, nde, nin nap-nen ngguwokluk yidnag-et nde, kit-nen tu nggela labuk yili-o. [

MATIUS 23:5

It-nen kwarugwi mende-ge ap-nen iniyujwakluk nak kwarogolar-e, inmbiriwak pem-e tepan kere abak pogolat, unsum na mot pare yorogolat yili iri ker-o.

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

MATIUS 5:16

Nde, iri nggal-et kit-nen konak nak kwaridnak na karuk yuwarig-e, it-nen-e Kineid aid arem woraso iri erembel wanuwakluk, kit keneyaya-ge ap ennggendumu yaya yuwag-o.”

MATIUS 5:46

Nde, kit-nen nde kit kenabuwa kagwi nap iri na nak enabuwa kagola-ge, no bem Mbal Pem Nagawan-nen onggo wok kunduwa-o? Pemerinta enmanggim tol ndok wurugwi nap-nen na iri nggal kwarugwi-net yusu-o!

MATIUS 5:48

Iri bem-e kit Kineid aid arem woraso iri-ge iminep mbarak nak woraso nggal, kit na mondok iminep mbarak irit wolmer-o” luk yak indij-o.

MATIUS 6:16

”Kit-nen mburu ninggit lak, we woragolar-e, it enesiget siget kwarugwi nap-nen entare mambu le sa luk worali iri nggal wolmomtak pug-o. It iri na-ge ap-nen: ’At iri-ge mburu ninggit lak, we worasu-o’ yuwakluk, it entare mambu le sa woragwi-o. Nde, an-nen yak kendeyeg-o: It iri na-ge onggo ndak waniga nar-o.

MATIUS 6:9

Kit-nen tepan yogolar-e, yu nggal yurag-o: Nit Nineid aid arem woraso wa-e. Kat kunu-ge kek tak irit wolmag-o.

MARAKUS 8:15

Nde, Yesus-nen it yak ondosolar-e: ”Parisi nap min Erores min-nen idnak oroti lomboroso mende abiyem-o luk, mondok kwil kwalsa wolmer-o” luk yak indij-o.

LUKAS 11:35

Iri bem-e, kit kenarem worasu yaya iri ndamuk ma naru, kwara-t wolmer-o.

LUKAS 12:1

Iri kwarukmu-ge, ap kere kwarat irit ndok worogolar-e, anggam-nen anggam yumundosola, anggam-nen anggam yumundosola, kwarogola-ge, Yesus-nen nandug-et at owosirak na yak ondosolar-e: ”Parisi nap-nen idnak oroti lomboroso mende iri abiyem-o luk kwara wolmer-o. Nde, iri-ge Parisi nap-nen enaru-net nde, enesiget siget enaru buk nggal yugwi iri na nde yigi-o.

LUKAS 12:15

Yurug-e, Yesus-nen ap pidsa iri me worali na yak ondosolar-e: ”Ab-e enarengge kwarat winde yidnak iri na bem nak woragwi buk me, kinndi silobulo ukwe ukwe yugwi indi kenpem mbuma naru, kwara wolmer-o” luk yij-o.

LUKAS 16:15

Alat nde, Yesus-nen it yak ondosolar-e: ”Ap-nen kek tak yik kagwi iri-ge Mbal Pem Nagawan-nen teberak yik kaso me, ap enlengen pem-e nir-e lud tak nak kwarugwi-o luk yili-t nde, kit kinndi arem-e Mbal Pem Nagawan aru-o.

YOANES 12:43

Nde, ki nap-nen it unnu kek tak purak nak nggok tak pogolar-e, Mbal Pem Nagawan-nen it unnu kek tak purag-e marik tak piga-o.

YOANES 5:44

Nde, kit-nen-e: ’Mbal Pem Nagawan misiget nak iri-nen an kek tak nubuwa-o’ perali bug-o. Are, ki nap-nen kek tak kunpurak pem, kit na kit-net kentembel wok kerak mbili me, kir-e nggerak puruk-nen kinndi angin tubu yugub-o?

YIDNAK YIDNAK WENE 3:12

It ereba ndok worogola eneyaruk, Peterus-nen it yak ondosolar-e: ”Isarael nap wa-e. Kir-e noluk-nen wi langgu mbatli-o? Ap yu tula mburusu yu-ge nit mbek tak ninpidnak nap nit nondomok nenmawi-nen ki rak pidnak nggal tak puruk, noluk-nen nit yik neneyarok worali-o?

NGGALATIA 6:12

”Kit kiniye ambasap waber-o” luk watsa yak kindili nap-nen kwarugwi mende bem ija bija yuwokluk-net iri nggal yili-o. Iri nggal kwatli iri-ge Kerisut-nen idnak e lang pang tak pem ala, it lel mberel unpuwa naru-nen kwatli-o.

TUGURUK YIDNAK WENE 24:13

Alat nde, o nde ndamuk yosola-ge, yutluk nene yik tenak wolmakluk, wok til mbererenak wolmomtag-o. Kat-nen iri kwarosola, wa yak korosola-ge, Nagawan Indo Kembal Pem Nagawan-nen-e alen kebem puwa-o.

IBERANI 11:26

Nde, at-nen perasolar-e, Kerisut ebem-nen nggweyel nuburak iri perak nde onggo nggulok terak minik wanurak mende kagi. Nde, Mesira silobulo kwarat iri-ge ebe lak mende-o luk peragaid iri-ge, abok-nen onggo kwarat irit wanurak mende yik karuk-nen peragaij-o.

IBERANI 2:1

Iri bem-e, nit wok nunpuruk, nin tula nggwe ninpil mburuwa naru, Mbal Pem Nagawan-nen mul nindidnak wene kulige iri-ge kwara puksa tena wolmog-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

2 YOANES 1:8

Iri bem-e kit-nen yabu wanugup na onggo lak we irit wabugup naru, onggo ndak ndak wanobokluk, kwara wolmer-o.