MATIUS 5:8 - Nanduk Ngget Tul Pidnak Wene

⁸ Nde, inndi marak kopkap lak worali nab-e it-nen Mbal Pem Nagawan kujwa me, enalen kali-o.

MATIUS 5:8 ပူးပေါင်းရင်းမြစ်များ

NDAK WIRIDNAK WENE 32:30

Nde, Yakup-nen yosolar-e: ”An-e Mbal Pem Nagawan kagi-t nde, nurug-et worasu-o” yosoluk, o yig nggwisa sa iri na unu-ge Piniel irit yarij-o.

2 SEMUEL 22:27

Kat kimin marak woragwi nap inmin-e kar-e marak irit woraso-o. Alat nde, lugud tak kwarugwi nap inmin-e sirid mbaroso-o.

NDAWI ENGGA 15:2

Mondok konak nak kwaroso iminep mbarak nap, pempa lud tak nak kwaroso nap, at arem-nen ndemeret wene yoso nap irit wolma-o.

NDAWI ENGGA 24:4

Ap indi-nen na meya yebet kaso buk min ebe-nen na meya kwaroso buk nap min enesiget owak mbaroso buk nap min kugwiwak erembel wanoso buk nap min

NDAWI ENGGA 51:10

Mbal Pem Nagawan wa-e. Kat-nen an nindi-ge ngget kopkap lak irit kwasa keya nibi-o. An nindi-ge kundik woraso elem iri na bem-nen ngget tak irit nibi-o.

NDAWI ENGGA 51:6

Kat-nen-e ndemeret ab-e mot mot wolmomtak irit perasu-o. An nindi-ge kindi nggat nggat elem-nen kobong tak nibi-o.

NDAWI ENGGA 73:1

Mbal Pem Nagawan iri-ge Isarael nap, inndi kopkap lak woragwi nap inmin-e mondok ndemeret konak kwat onposo-o.

NGGOMO WENE 22:11

Ap indi mbek tak wolmomtak nak yebet kasolat, wene konak yek ngek nak yosolat kwaroso nab-e nagawan anggam indi kundik irit kwat ma-o.

YIDNAK YIDNAK WENE 15:9

Mbal Pem Nagawan-nen-e it min nit min neneyasolar-e, arik tak nggal-e mondok lag-o. It inndi angin tubu yidnak pem-et it inndi mbek tak inpidj-o.

1 KORINTUS 13:12

Yawo kali yu-ge papalo arem-e isisiyap nak kaidnak nggal-et kali-o. Alat nde, abok-nen-e nenpe lid pid mbul-o. Yawo-ge an-e kwara naru yusu bug-et nde, abok-nen-e Mbal Pem Nagawan-nen an aru yusu nggal, an-nen na mondok kwara naru yimin-o.

2 KORINTUS 7:1

Nanggamirak kenabuwa worak wa-e. Urul pidnak wene oboksa-ge nit-nen idnak me, nit na nit-net nondomok marak nap yogolar-e, nenpe min ninndi min kik tak nunpurak mende iri marak puruk, Mbal Pem Nagawan indi aye min woragolar-e, mondok marak iminep mbarak irit wolmog-o.

TITUS 1:15

Marak nap enmanggim-e pidsa marak nak worasu-o. Alat nde, meya kwarugwi nap min inndi angin tubu yugwi buk nap min-e it inndi min yebet kagwi indi min kop kap tobok tak-nen yusu me, it enmanggim-e siyag-et ter-o luk marak worasu-ge lag-o.

IBERANI 10:22

Iri bem-e, nit-nen Mbal Pem Nagawan eram panggosa mborogolar-e, ninndi mot mot tak puruk, ninndi ndemeret kwara angin tubu luk, meya yebet kagwi na mbek tak ninpidnak pem-net, kop kap lak yi bem nenpe mat ninpidnak pem-net panggosa mburuwog-o.

IBERANI 12:14

Ap pidsa inmin kundik wolmomtak pem kenmawi konder-o. Nde, mbek tak worabokluk na kenmawi yer-o. Mbek tak woragwi buk nab-e ap misiget ter-o luk Nagawan Indo kujwa bug-o.

IBERANI 9:14

Kerisut eyabi-nen-e terak minik irit kwat nonposo-o. Nde, Kerisut-nen at ondomok indi wesera Mbal Pem Nagawan amanggim posolar-e, mondok iminep mbarak mende pid iri-ge urug-et pem-et woralik nalik woraso Konak Indi bem-net pij-o. At eyabi-nen-e nir-e ebe lak mende kwarugwi ninndi iri na mat nunpuruk, nir-e uruk nak woraso Mbal Pem Nagawan na ndegel tenak wolmakluk, marak nunpurag-e ndag-o.

YAKOBUS 3:17

Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.

YAKOBUS 4:8

Kit-nen-e Mbal Pem Nagawan eram panggosa mborogola-ge, at-nen-e kit kendam panggosa lobok yuwa-o. Meya yugwi nap wa-e. Kininggi marer-o. Kinndi mberen nap wa-e. Kinndi mbek tak per-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

NAM PARA WENE 22:4

Woragolar-e, at erare kagolat, it inmbiriwak pem-e Mbal Pem Nagawan unu mbarak wolma-o.