MATIUS 5:7 - Nanduk Ngget Tul Pidnak Wene

⁷ Nde, nin nap unpud kali nab-e Mbal Pem Nagawan-nen it unpud kujwa me, enalen kali-o.

MATIUS 5:7 ပူးပေါင်းရင်းမြစ်များ

2 SEMUEL 17:28

It-nen wok indil lobok yogolar-e, yi kenangga nunggwi min kuali min yemara ebem nene yugwi min nggandum mbato min jelai mbato min nggandum mbato amburu bem woraidnak min kuma mimi min kuma mimi nggok min tamuk amburu min mentega nggal keju min sapi agamo amburu min lomba erep min irit Ndaut min at imin nugwi nap min nembaga ereba nogolat enmawi lak yidnak ala karuk, wok indil lobok yiga-o.

2 SEMUEL 22:26

Nagawan Indo wa-e. Kar-e ap kat kimin tugup lak worali nap inmin-e tugup lag-et woraso-o. Nde, konak nak kwarugwi nap inmin-e konag-et kwat onposo-o.

NDAWI ENGGA 112:4

Mot mot kwarugwi nap min ndak ndak kwarugwi nap min unpud kagwi nap min enabuwa kagwi nap min enambigir-e ndamuk arem-net nde, yaya abinal-e enpem poso-o.

NDAWI ENGGA 112:9

At arengge-ge we irit insilobulo lak nap tembesa wok undusu-o. Ar-e pempa konak nak kwarosolat me, at nak mondok kek tak obogolat wolma-o.

NDAWI ENGGA 37:26

It-nen nde pempa uwi yagurak pem wok ondogolat, ereb-e we wok ondogolat yugwi-o. It inlirak-nen na inmbiringgat tak unpurak irit kwat yugwi-o.

NDANIEL 4:27

Iri bem-e an-nen nggomo kurusu yu ndak ndag-et kwari-o. Kar-e tuguruk meya kwarurak pug-o. Alat nde, konak mot mot nak kwarosolat wolmomtak na-e. Ap insilobulo lak nap enabuwa kasolat wolmin-o. Iri nggal kwarosola-ge, nap kar-e konak kalen pem-et woragun-o” luk yak tij-o.

OSEA 1:6

Iri luk, imbirig-e, an nogwe iri na-ge la kwe misik ndagij-o. Iri yosola, Nagawan Indo-nen yosolar-e: ”Osea wa-e. An-nen-e Isarael nab-e enabuwa kagit lak yosolat, it meya yidnag-e mondok nemberam tak pigit lak yosolat yimin me, kara iri unu-ge ’Abuwa kagwi buk’ yari-o.

OSEA 2:1

Iri bem-e kat-nen kat kelem Isarael nap unnu yosolar-e: ”Mbal Pem Nagawan ilirak, Nagawan Indo-nen kenabuwa kaso nap” luk unnu yurag-o.

OSEA 2:23

An-nen-e nilirag-e it unuwi nggweyak pem unpumu, enalen pem irit wolma-o. Nde, it unnu yogolat ’Enabuwa kaso buk’ yugwi ereba na-ge an-nen enabuwa kaso-o luk mirik inpimin-o. Nde, it erep unnu yarogolat, ’At ilirag-e lak’ yugwi ereba na-ge ’Kir-e an nilirag-o’ yak indimin-o. Iri yosola, it-nen onggo yogolar-e: ’Kar-e nit Nenmbal Pem Nagawan-nen yusu-o’ luk yuwa-o” luk yij-o.

MIKA 6:8

Iri nggal-e lag-o. Nagawan Indo-nen-e konak kwarurak irit mirik ninpij-o. Nde, iri-ge nit-nen kwarurak nenpem pusu-ge yu-o: Nit-nen mot mot kwarogolat, pempa enabuwa kagwi nggok tak pogolat, ninndi tebe luk, Nenmbal Pem Nagawan iri na imin kundik woragolat kwarurak irit nenpem pusu-o.

MARAKUS 11:25

Nde, kit-nen tepan yuwokluk yukmu, ap-nen meya rak kinpidnak pem kinndi puru yidnak mbi worala-ge, Kineid aid arem woraso-nen kit meya yidnak amberam tak puwakluk, kit-nen na meya rak kinpidnak iri-ge kenmberam tak per-o.

LUKAS 6:35

Lag-o! Kir-e kunuwim nap enabuwa kagolat, it inmin konag-et kwarogolat yugup na-e. Kunuang luru wok unduruk, uwi yagurak yebet kudtak pug-o. Iri kwarugup ala-ge, onggo nggulok wanogolat, Kek tak Woraso Mbal Pem Nagawan ilirak kwat yugub-o. Mbal Pem Nagawan-nen-e wa yugwi buk nap min meya yugwi nap min-e enabuwa nak kaso-o.

OROMA 11:30

Enlem nin nap kir-e nanduk Mbal Pem Nagawan-nen yidnak wene kuruk togolat woraigeb-et nde, yawo-nen-e it Yawuri nap-nen Mbal Pem Nagawan-nen yidnak wene kuruk tidnak pem, Mbal Pem Nagawan-nen kit kunpud kasu-o.

1 KORINTUS 7:25

Nde, ap sujwe min ndugum min enmanggim wene-ge Nagawan Indo-nen ”Irit kwaru-o” luk yak nirigit lag-et nde, Nagawan Indo-ge an nubud kaso bem, at iri mot mot kwaroso nab-o luk neberagwi nap an nindi-nen peraidnak irit yimin-o.

2 KORINTUS 4:1

Ap unpud kaso elem pem Mbal Pem Nagawan-nen-e yabu yu-ge nit nen-pem pamu me, nit ninndi nggwirik yusu bug-o.

EPESUS 4:32

Are, kit na kit-net nanggau kanggau yogolat, kinndi yanggorak wolmer-o. Mbal Pem Nagawan-nen Kerisut ebem kit meya yidnak amberam tak puruk urugom tak kinpid nggal, iri nggal-et kit na kit-net meya rak kinpidnak ala-ge, ”Ob-o. Ereba mag-o” luk yanggosa keya burag-o.

KOLOSE 3:12

Kir-e Mbal Pem Nagawan ilirak-net yiii-o. Ar-e kit kenabuwa karuk, at arengge rak kenpeyekluk lenak kinpij-o. Iri bem-e, kit-nen na ap enabuwa kagolat, kinndi konag-et woragolat, kinndi teberak woragolat, yanggonak nak woragolat, kinndi mamak puruk woragolat wolmer-o.

1 TIMOTIUS 1:13

Nanduk woralar-e, an-e at obok posolat, lel mberel obosolat, nisilepma-nen meya rak obosolat yigi-t nde, iri tarem-e an at ebem nindi angin tubu yigit lak, naru buk worasolat-nen kwarigirik me, Mbal Pem Nagawan-nen an nubud kagaij-o.

1 TIMOTIUS 1:16

Alat nde, yu bem-nen Mbal Pem Nagawan-nen an nabuwa kagaij-o. An meya nggulok yoso iri bem-nen Kerisut Yesus-nen mamak puruk woraso na an nebem nam tak pamu-o. Nde, iri yid iri-ge it abok at ebem inndi angin tubu yogola, unlug-et woralik nalik momtak elem wanuwa nap enmanggim mul ondosolat-nen kwat nibij-o.

IBERANI 4:16

Iri bem-e, Mbal Pem Nagawan indi op koreyak worasu sa at eram wok yogolar-e, ninndi kwiye lag-et wok yuwog-o. Nit nenabuwa kasolat, nit ninndi kabak yidnak tarem-nen we irit yongga nunduwakluk wok yuwog-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

YAKOBUS 2:13

Ap enabuwa kagwi buk nap enpem wene mbarosolar-e, enabuwa lag-et enpem wene mbaruwa-o. Alat nde, ap enabuwa kagwi nab-e nenpem wene mbaruwa-o luk unmud kudtak pug-o.

YAKOBUS 3:17

Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.

1 PETERUS 2:10

Nde, nanduk woragolar-e, kir-e Mbal Pem Nagawan ilirak woragit lag-et woraigep, nde, yawo-ge kir-e Mbal Pem Nagawan ilirak-nen yili-o. Nanduk Mbal Pem Nagawan-e kit kunpud kagit lag-et nde, yawo-ge kunpud kasu-o.