MATIUS 5:46 - Nanduk Ngget Tul Pidnak Wene

⁴⁶ Nde, kit-nen nde kit kenabuwa kagwi nap iri na nak enabuwa kagola-ge, no bem Mbal Pem Nagawan-nen onggo wok kunduwa-o? Pemerinta enmanggim tol ndok wurugwi nap-nen na iri nggal kwarugwi-net yusu-o!

MATIUS 5:46 ပူးပေါင်းရင်းမြစ်များ

MATIUS 11:19

Nde, Ap Ambara an lobok yosolar-e, mburu min yi min nasola karuk, it-nen yogolar-e: ’Nunggwi mende karum karum naso nap, anggut engen amburu ndonggosa naso nap, pemerinta enmanggim tol ndok wurugwi nap min meya yugwi nap min ennggam iri nde ker-o!’ Mbal Pem Nagawan indi tenggerak iri-ge at-nen kwaroso bem-nen enaru rak poso-o” luk yij-o.

MATIUS 18:17

Alat nde, at-nen nde it iri na enne na kuligit lak ala-ge, wene iri-ge lambuk tak inpidnak nap inmbiri bem-net yurag-o. Yukmu nde, at-nen-e lambuk tak inpidnak nap na enne na kuligit lag-et ala-ge, at iri na-ge Mbal Pem Nagawan aru buk nap nggal, pemerinta enmanggim tol ndok woroso nap nggal irit yik kagolat wolmomtag-o.

MATIUS 5:47

Nde, kit-nen-e kit kennggamirak nak wa yak indili iri-ge ap erep-nen na iri nggal kwarugwi me, terak minig-e ngge-o? Mbal Pem Nagawan enaru buk nap-nen na iri nggal-et kwarugwi-nen yusu-o!

MATIUS 6:1

”Ap-nen yik kiniyujwakluk, kit-nen konak nak kwarugwi mende iri na ap inmbiri bem-et kwarurak pug-o. Iri nggal kwarogola-ge kit Kineid aid arem woraso-nen-e onggo wok kunduwa bug-o.

MARAKUS 2:15

Iri rak puruk, Yesus na mberarik, Lewi ama-nen nunggwi mende nasola-ge, at imin mbiridnak pemerinta enmanggim tol ndok wurugwi nap kwarat min ap pidsa-nen meya yugwi nab-o luk enperagwi nap min-e totno Yesus owosirak inmin mburu ningga-o.

MARAKUS 2:16

Nonggola-ge, it Parisi nap imiri mbarak pidnak wene enaru nap erep-nen kaiganggal-e, Yesus na-ge meya yugwi nap min pemerinta enmanggim tol ndok wurugwi nap min mburu totno nonggola eneyarug-e, it-nen at owosirak na kin wok onpogolar-e: ”At yu-ge noluk-nen meya yugwi nap min pemerinta enmanggim tol ndok wurugwi nap min mburu totno nili-o?” luk kin wok inpiga-o.

LUKAS 15:1

Misik tarem-e pemerinta enmanggim tol ndok wurugwi nap min meya yugwi nap min kwarat Yesus-nen yidnak wene kuluwokluk ndok wiri-ga-o.

LUKAS 18:13

Alat nde, pemerinta enmanggim tol ndok woroso nap iri na-ge mboksa nggal mendak worasolat-nen at erengen-e mbal nggwe lik kudtak na kwiye me, at ambik imigwak lel kasolat-nen yosolar-e: ’Mbal Pem Nagawan wa-e. An-e meya yoso nap-nen yusu-o. Nabuwa ki-o!’ luk yij-o.”

LUKAS 19:2

O iri me-ge isilobulo worak nap pemerinta enmanggim tol ndok wurugwi nap enanggul pem kek tak unu-ge Sakius irit woragaij-o.

LUKAS 19:7

Iri kwarosola kaiga nap pidsa-nen unlum ne yol ngol mbogolar-e: ”E! Ar-e meya yoso nap na ama worayekluk mburusu-o!” luk yiga-o.

LUKAS 3:12

Yak ondosoloma-ge, pemerinta enmanggim tol ndok wurugwi nap ereb-e it na yi ma unpuwakluk Yoanes erem lobok yogolat-nen at kin wok obogolar-e: ”Mul Nondoso Nap wa-e. Nir-e ngge kwarul-o?” luk yogola-ge,

LUKAS 5:29

Iri luk, Lewi na-ge at ama-nen Yesus ijok kerengge nggulok mbi sagosola-ge, pemerinta enmanggim tol ndok wurugwi nap kwarat min ap erep min-e it inmin totno ningga-o.

LUKAS 5:30

Nonggolat woragola-ge, Parisi nap erep min imiri mbarak pidnak wene enaru nap erep min-nen-e insili karug-e, Yesus owosirak yak ondogolar-e: ”Kir-e noluk-nen pemerinta enmanggim tol ndok wurugwi nap min meya yugwi nap erep min inmin totno nunggwi mende nili-o?” luk yiga-o.

LUKAS 7:29

Yosoloma-ge, ap pidsa min pemerinta enmanggim tol ndok wurugwi nap min Yesus-nen wene iri yosola, kuliga-o. Iti iri-nen-e Mbal Pem Nagawan-nen: ”Iri nggal, yu nggal kwarurag-o” yidnak iri na ndak-ndak kwarogola-ge, Yoanes-nen yi ma inpij-o.

LUKAS 7:34

Nde, Ap Ambara an lobok yosolar-e, mburu min yi min nasola-ge, kit-nen yogolar-e: ’Suguru kondosolat, anggut engen amburu ndonggosa nasolat, pemerinta enmanggim tol ndok wurugwi nap min meya yugwi nap min ananggam kwat yosolat yusu yu ker-o!’ luk yak nirigeb-o.