MATIUS 5:39 - Nanduk Ngget Tul Pidnak Wene

³⁹ Alat nde, an-nen yak kendeyeg-o: Kit meya rak konpogola-ge, kit-nen na onggo it meya rak unpurak pug-o. Are, ap misik-nen nde kerabengan kigit nggwe nde lel kasola-ge, kar-e kerabengen ponok nggwe na min-et nuk kudtag-o.

MATIUS 5:39 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:24

Iri yosoloma, iri nggal kwat ma-o luk urul poso nap Sendekia-nen-e Mika eram panggosa lasolat, inggi nggambu Mika erare lel kasolat-nen yak tosolar-e: ”Nagawan Indo Indi-ge an-e keya nuburuk, kat nak wene yak kirij-a?” luk yak tij-o.

NGGOMO WENE 20:22

Meya kwat konpogola-ge, onggo onggo kwarurak pug-o. Nagawan Indo ebem kinndi wat tak puruk wolmer-o. At-nen-e yongga-t kunduwa-o.

YESAYA 50:6

An-nen-e an nombol-e an nitli nap enambigit nuk kagi-o. An nerabengen-e an nondoksu lit yaga pinili nap enambigit nuk kagi-o. Ap-nen nggweyel nobogolat, wusi tebal nobogola-ge, nerare kurakit lak, larok nak yigi-o.

TEPAN OMBO-NEN KWARURAK WENE 19:18

Kit kwat kinpidnak pem onggo purak pug-o. Kinsilepma na ap enpem purak pug-o. Kit kondomok kenabuwa kali nggal kit na kit-net nabuwa kabuwa wolmer-o. An-e Nagawan Indo-nen yusu-o.

MIKA 5:1

Nagawan Indo-nen yosolar-e: ”Mbetleyem Eperata wa-e. Kar-e Yewura nggweyak pem-nen o siri kunu lak, marig-et nde, kat kebem-nen Isarael tena unpuruk wolmomtak nagawan amawi worak misik mendak pimin-o. Nde, at iri-ge mondok o nanduk ereba na-net woraso-nen yusu-o” luk yij-o.

MATIUS 5:40

Ap misik-nen-e kat kabare sum waneyekluk kebem wene mbarosola-ge, kat-nen-e lambuksa amberam sum min-et wok ti-o.

LUKAS 22:64

It-nen at erare muruk tak puruk-nen kin wok obogolar-e: ”Ta-nen kirij-o? Kat-nen yi-o!” luk yiga-o.

LUKAS 6:7

Worasola-ge, imiri mbarak pidnak wene enaru nap min Parisi nap min-nen-e ”We woragwi tarem-nen ap ki rak posola-ge, at inggiri wuruwog-o” lug-e, Yesus na abut mbarogolat enlengen waruk yiga-o.

YOANES 18:23

Yosoloma-ge, Yesus-nen at yak tosolar-e: ”An-e wene mboroksa yigi ala-ge, ’Wene mborok tak pigen-e iri nggal-o’ luk pidsa inmbiri bem yi-o. Alat nde, an lud tag-et yigi ala-ge, noluk-nen nirigen-o?” luk yij-o.

1 KORINTUS 6:7

Nde, kit na kit-net wene mbal kerak mbili iri bem-e mondok urugwe nggwe yili-o. Lag-et nde, enne nak-nen watsa kenpem pogola, kenne lak momtag-e meya-a? Kenarengge wanogola, larok momtag-e meya-a?

1 TESALONIKA 5:15

Nde, meya kwarurak pem ap-nen onggo onggo kwaruwa naru, kwara wolmer-o. Kit kennggamtak inmin konak nak wolmomtak pem na irit, ap pidsa inmin konak nak wolmomtak pem na irit, pempa kenmawi kondogolat wolmer-o.

IBERANI 12:4

Kir-e meya yogolat woragwi mende imin wim pogolar-e, awo keneyabi wirik pigit lag-o.

YAKOBUS 5:6

Kir-e meya kwarigit lak nap enpem wene mbarogolat, ondogolat yigeb-et nde, ir-e onggo kindigit lag-o.

1 PETERUS 3:9

Mbal Pem Nagawan-nen wene mbo kinpid iri-ge, at-nen idnak imbiringgat mende wok kendeyekluk wene mbo kinpidnak me, ap-nen meya rak konpogola, onggo it meya rak unpurak pug-o. Ap-nen meya wene yak kondogola, onggo meya wene yak undurak pug-o. Are, inmbiringgat tak enper-o.