MATIUS 5:30 - Nanduk Ngget Tul Pidnak Wene

³⁰ Nde, kinggi kigit nggwe-nen ndowaga meya rak kobosola-ge, mbara mbo bi-o. Kat kebe ebis-et kan mare arem mbo kubuwa naru, kat kinggi misiget iri lak tak purak perak nde ob-o.

MATIUS 5:30 ပူးပေါင်းရင်းမြစ်များ

MATIUS 11:6

Nde, an nebem ala indi mberen yugwi buk nab-e enalen kujwag-o” luk yak indij-o.

MATIUS 13:21

Alat nde, ap iri na enarem-e emengen kundigit lak me, we mariget nak op woragwi-o. Nde, aid wene iri na bem ala angin pangin mende enpem mbosolat lel mberel onpogola-ge, ereya na-net wene keya bugwi-o.

MATIUS 16:23

Yosoloma-ge, Yesus na nden karuk-nen Peterus na yak tosolar-e: ”Sere wa-e. Kar-e an nombol nggwe mbiri-o. Kar-e an nuwok pijaksa mbud tak nuburak kerep nggal-nen yusu-o. Kat-nen perasu mende iri-ge Mbal Pem Nagawan-nen peraso nggal-e lag-o. Nggweyak ma nap-nen peragwi mende nak perasu-o” luk yak tij-o.

MATIUS 17:27

Alat nde, it iri na mbud tak unpurak kerep nggal kwarul naru, kat yi ma mburugundik, keyane wanugwi sugulud mberak pi-o. Nde, nanduk-net ulok ma keyane na wanugundig-e, emende penggera pak kasoma-ge, kerep tol misik kagun-o. Tol iri na wanosoluk, nit nenmberek nenmanggim it na wok indil mbiri-o” luk yak tij-o.

MATIUS 18:8

Nde, kat kinggi ala-nen na, kat kijok ala-nen na, kat meya rak kobosola-ge, mbara mbo bi-o. Kat kinggi min kat kijok min mbarag-et nde, kebe kuruk wolmomtag-e ob-o. Nde, kat kinggi mberen min kat kijok mberen min kundugu-t nde, nigi yoso buk kan mare arem kibil nggurag-e meya-o.

MATIUS 22:13

Iri ala-ge, nagawan na-nen ndegel ubugwi nap yak ondosolar-e: ’At yu-ge inggi ijok kere kamarak puruk ndamuk nak woraso sa iri me mbo bil nggwer-o. Iri me-ge yip nggu marogolat, eneyak nggirit marogolat woragwi sa-o’ luk yak indij-o.

MATIUS 25:20

Iri mbenarosola-ge, tol lima wanid nap na lobok yosolar-e, tol lima nambena wanid na pil lobok luk-nen yosolar-e: ’Nap wa-e. Kar-e tol lima wok nirigen-et nde, tol na bem-e lima yu nambena wanigi yu ki-o’ luk yij-o.

MATIUS 26:31

Mborogolar-e, Yesus-nen it yak ondosolar-e: ”Mbal Pem Nagawan engga mbarak pem-nen yosolar-e: ’Lomba wam yik karok woraso nap wurumu-ge, at olomba-ge ndibi ndi ma-o’ luk yidnak me, yawo kubu yu-ge kit pidsa-ge an keya nuburuk mburugub-o.

MATIUS 5:22

Alat nde, an-nen yak kondosolar-e: Ta-nen nde at anggam imin isilepma yuwa nap iri na ebem-e wene mbarurag-o. Nde, ta-nen nde mondok meya wene at anggam yak tuwa nap iri na ebem-e wene mbarugwi nap yok nggok na-nen ebem wene mbarurag-o. Nde, ta-nen nde at anggam yak tosolar-e: ’Wid num kum tak yu-ge wa-e’ luk yak tuwa nap iri na-ge kan mare wulok tenak woraso sa iri na me pil ngguwa-o.

MATIUS 5:29

Nde, kerengen kigit nggwe iri-nen ndowaga meya rak kobosola-ge, kerengen na kela mbo bi-o. Kat kebe ebis-et kan mare arem mbo kubuwa naru, kat kerengen misiget iri lak tak purak perak nde ob-o.

MARAKUS 9:43

Kat kinggi-nen nde meya rak kobosola-ge, kinggi mbarak pi-o. Kat kinggi ponok mbarak-net pem-et kuruk wolmomtag-e konag-o. Nde, kat kinggi mberen tag-et nigi yoso buk kan mare arem nggurag-e meya-o.

LUKAS 12:5

Nde, kit-nen aye kudtak nap perak mirik kenpeyeg-o. Kunduruk, kan mare arem mbo kunpurak amawi worak Mbal Pem Nagawan iri nak aye ker-o. Mondok aye kudtag-e Mbal Pem Nagawan-er-o.

LUKAS 17:2

Nde, ap li marik nggal ndeyak yeba ennggendumu ap misiger-o luk tet meya yuwakluk arem woraga pil nggusu nap iri perak nde, kerep nggulok mbi at urusuwak pem tiyong tak puruk, yi koma arem peleksa ibil nggurak perak ob-o.

OROMA 9:33

Kerep iri wene-ge Mbal Pem Nagawan engga bem-e yu nggal mbarak worasu-o: ”Kwara yebet ker-o. O Sion iri me-ge ap unuwok abis pijaksa mburak kerep an-nen pusu-o. Kerep nggulok na bem-e ab-e pijaksa mbud yuwa-o. Alat nde, kerep na ebem inndi angin tubu yuwa nab-e abog-e innggiri wuruwa bug-o” luk yij-o.

1 KORINTUS 8:13

Iri bem-e, nunggwi mende iri-nen an nanggam iri are purak ala karuk, an nanggam iri-ge are pimin naru, ino-ge abok na abok na namin pug-o.

NGGALATIA 5:11

Nowe nowosi wa-e. An-nen nde iniye ambasap wabugwi wene yil mburusu nggal-e noluk-nen an lel mberel nibili-o? An-e ndemeret iri wene yil mboroso ala-ge, Kerisut-nen idnak e lang pang tak iri-ge ap inndi mberen tak peleb-e lag-o.

1 PETERUS 2:8

engga wene misik-nen yosolar-e: ”Ap unuwok abis pijasa wosa mberak onposo kere irit ma-o” luk yij-o. Nde, it unuwok abis pija yugwi iri-ge ir-e Mbal Pem Nagawan-nen yidnak wene kuruk togola-nen pija yugwi-o. Iri yugwi-ge Mbal Pem Nagawan-nen it inmin-e: ”Irit ma-o” luk yidnak pem-nen kwatli-o.