MATIUS 5:3 - Nanduk Ngget Tul Pidnak Wene

³ ”Mbal Pem Nagawan imbiri bem inndi tebeluk worali nab-e, Mbal Pem Nagawan-nen tenagaidnak wi iri winde-nen yili me, enalen kali-o.

MATIUS 5:3 ပူးပေါင်းရင်းမြစ်များ

AYUP 42:6

Iri kwarosolar-e, an-nen yigi wene ereba na yebet kasolar-e, ’Niri nera-nen yigi-o’ luk ninggiri-nen o liri bem, mabe bem yeba koreyak worasu-o” luk yij-o.

NDAWI ENGGA 1:1

Meya yugwi nap-nen yidnak yidnak mondok kwarugwi buk nap min meya yugwi nap-nen kwarugwi mende kwarugwi buk nap min Mbal Pem Nagawan enlengenma nggal tak pugwi nap ereba na-nen kwarugwi mende kwarugwi buk nap iri-ge enalen kujwag-o.

NDAWI ENGGA 112:1

Nagawan Indo-nen ”Iri nggal kwarurag-o” yidnak ereba na bem inndi kundugu woragolat, at indi aye worak worali nab-e enalen kagolat wolmag-o.

NDAWI ENGGA 146:5

”An yongga noroso-nen yusu-o” luk Yakup Embal Pem Nagawan iri na winde luk woralat, Nagawan Indo at Embal Pem Nagawan ebem indi wat tak puruk worasu nab-e mondok alen kasolat wolmag-o.

NDAWI ENGGA 2:12

Nagawan Indo isilepma-ge mimo yoso me, Nagawan Indo isilepma yosolat ereya na-net lak tak kunpuwa naru, kwiye min-et Nagawan Indo eram tebe yer-o. Nde, Nagawan Indo indipma worali nab-e mondok enalen kagolat wolmag-o.

NDAWI ENGGA 34:18

Nagawan Indo-ge ”Ngge kwarimin-o?” luk inndi kabak yidnak nap inmin-et woraso-o. Inndi engga nggwe mbiridnak nab-e at-nen-e inmiri yoso-o.

NDAWI ENGGA 51:17

Nde, an-e Mbal Pem Nagawan kamanggim kan posolar-e, ”Niri nera-o” luk nindi abi kalok yusu irir-o. Indi nde kondok luk tebe yidnag-e kar-e keya bugun pug-o.

NDAWI ENGGA 84:12

Nagawan Indo Mondok Kamawi Worak wa-e. Kat kebem inndi wat tak puruk worali nab-e enalen kagolat irit wolmag-o.

NGGOMO WENE 8:32

Iri bem-e ap sujwe wa-e. An nene-t koler-o. An-nen mirik kunpusu yeba-ge kwarogola-ge, kenalen pem-et woragub-o.

YESAYA 30:18

Iri kwarugub-et nde, Nagawan Indo-ge kit kunpud kudtak tarem iri na towarak worasu-o. Nagawan Indo, Mbal Pem Nagawan iri-ge mondok ndak ndak nak kwaroso me, kit kenabuwa yurak iri-ge ar-e mondok lud tak puruk worasu-o. At ebem inndi mbung mbung tak worali nab-e enalen kagolat wolmag-o. 30:19-33 ayat yeba arem-e Mbal Pem Nagawan-nen at ilirak yane witli ereba na konak tak unpurak wene urul yak indidnak wene min Asiut nap enpem nggin yurak wene min mbarak worasu-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

MIKA 6:8

Iri nggal-e lag-o. Nagawan Indo-nen-e konak kwarurak irit mirik ninpij-o. Nde, iri-ge nit-nen kwarurak nenpem pusu-ge yu-o: Nit-nen mot mot kwarogolat, pempa enabuwa kagwi nggok tak pogolat, ninndi tebe luk, Nenmbal Pem Nagawan iri na imin kundik woragolat kwarurak irit nenpem pusu-o.

MATIUS 11:25

Iri na tarem-e Yesus-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Kat-nen-e inndi nggat nggat worak nap min inndi pindong tak nap min endam-nen kura bigen mende iri-ge enaru buk nap na nam-et yak indigen iri bem-e an-e wa yak kurusu-o.

MATIUS 11:6

Nde, an nebem ala indi mberen yugwi buk nab-e enalen kujwag-o” luk yak indij-o.

MATIUS 13:16

Alat nde, kir-e kenlengen kali bem na, keneyanggo-nen kulili bem na, kir-e kenalen kali-o.

MATIUS 19:14

Alat nde, Yesus-nen yosolar-e: ”Mbal Pem Nagawan-nen tenagaidnak wi iri-ge li marik yu nggal woragwi nap-nen winde yili me, li marik marik iri-ge an neram lobok yuwag-o. Langgal eneyali-ge meyog-o” luk yij-o.

MATIUS 24:46

Nde, ndegel poso nap iri-nen nde at eyabu wok tenak worasoma, eid wok yuwarig-e, ndegel poso nap na-ge alen kwarat kujwa-o.

MATIUS 25:34

Iri luk, Nagawan na-nen at inggi kigit nggwe wolma nap na yak ondosolar-e: ’An Neid-nen imbiringgat tak kinpid nap wa-e. Lobok yer-o. Nggweyak ma yu me ndak wirid kuri-nen kit kenmanggim lid lud tak pidnak nagawan-nen tenagaidnak wi yu winde yil lobok yer-o.

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

MATIUS 8:11

An-nen yak kendeyeg-o: Ap kwarat, mo luwaso sa-nen na, mo mboso sa-nen na, lobok yuwarik, Mbal Pem Nagawan-nen tenagaidnak wi iri me mburu nokluk, Abaram min Isak min Yakub min inmin kore yuwa-t nde,

MARAKUS 10:14

Met onpogolikma karuk, Yesus na isilepma luk, at owosirak yak ondosolar-e: ”Li marik marig-e an neram lobok yuwag-o. Ap inndi-ge li marik yu inndi nggal kwat ma nap-net Mbal Pem Nagawan-nen tenagaidnak wi winde momtak nap-nen yili me, langgal eneyali meyog-o.

LUKAS 11:28

Yesus-nen yosolar-e: ”Iri yigen-et nde, Mbal Pem Nagawan-nen yidnak wene na kuluruk, iri-nen yidnak yidnak kwatli nab-e enalen-e terak menna kagolat wolma-o” luk yij-o.

LUKAS 18:14

Iri luk, Yesus-nen it yak ondosolar-e: ”An yak kendeyeg-o. It na mborogolar-e, at Parisi nap iri-ge lag-o. Are, pemerinta enmanggim tol ndok woroso nap iri na nde Mbal Pem Nagawan-nen lud tak obosola, ama mbirij-o. Iri kwarid iri-ge ap-nen nde inndi kek yuwa nab-e teberak unpuwa-o. Nde, ap-nen nde inndi tebe yuwa nab-e, kek tak unpuwa-o” luk yij-o.

LUKAS 22:29

Nde, an Neid-nen nagawan tak nibid nggal, iri nggal kit na nagawan tak kinpimin-o.

LUKAS 22:30

An-nen tenagaidnak wi-nen nunggwi mende min yi min totno nul-o. Nde, kir-e nagawan-nen kore yugwi ondoro duabelas na bem kore luk Isarael nap enlem duabelas na tena unpuruk woragub-o” luk yij-o.

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

YOANES 20:29

Yak tosoloma-ge, Yesus-nen at yak tosolar-e: ”Kat kerengen-nen an neyaruk, kat kindi angin tubu yigen-o. Nde, enlengen-nen an neyagit lag-et nde, an nebem inndi angin tubu yili nab-e enalen kujwa-o” luk yak tij-o.

TUGURUK YIDNAK WENE 8:2

Nagawan Indo Kenmbal Pem Nagawan-nen lit kunpuruk tu erepma nembaga nggwe kinmin wasolar-e, olengen empat pulu (40) woraigep iri yebet ker-o. Nde, tu erepma nggwe-t lit kunpuruk lobok yid iri-ge, kit kenarem-e ngge kwarak worasu-o? luk, kinndi kasolat, an-nen enpem pimin wene-ge ndak ndag-et kwaruwa, lak? luk-nen kinndi kasolat-nen kenabut mbarij-o.

YAKOBUS 1:10

Nde, arengge worak nap na Mbal Pem Nagawan-nen teberak obosola-ge, alen min-et wolmag-o. Nde, enarengge worak nab-e tusuwangge engen isi lera mbusu nggal, lak ma-o.

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.

NAM PARA WENE 19:9

Iri luk, aid nap iri-nen an yak norosolar-e: ”Wene yu mbari-o: ’Lomba Wam Marik-nen kwe wanosola saguwa sa lobok yuwakluk yonggo unpuwa nab-e inmbiringgat-nen yili-o’ ”. Nde, aid nap iri-nen tuguruk yak norosolar-e: ”Wene yu-ge Mbal Pem Nagawan-nen yidnak ndemeret wene-net yusu-o” luk yij-o.

NAM PARA WENE 22:14

It unsum masa ngget tak pili nab-e unluk wolmomtak e iri na engen nonggolat, o siri iri nggogolar-e, kerep pak tumende nggwe nggogolat yurag-e it nak-net yili me, enalen kujwag-o.

NAM PARA WENE 3:17

Kit-nen yogolar-e: ’Nit nenarengge kwarat, yi mende ndi mende ombo-nen yili-o. Nit-nen lak mende misik nendam worasu bug-o’ luk yili-t nde, kir-e kinpinil konmbomo na lak, we kunsu nggwarak worali iri-ge kenaru buk worali-o. Kinsilobulo na lak, kenlengen na ngguru, kunsum na lak, we koro nderak worali-o luk kenaru bug-o.