MATIUS 5:28 - Nanduk Ngget Tul Pidnak Wene

²⁸ Alat nde, an-nen yak kendeyeg-o: Ap-nen-e kwe mbi yik karuk, indi-net kwe na ukwe eberasola-ge, at indi-nen kwe na yebusu-o.

MATIUS 5:28 ပူးပေါင်းရင်းမြစ်များ

NDAK WIRIDNAK WENE 34:2

Mberamu-ge, o iri me nagawan Ewi nap Emot ambara Sikem-nen Ndina iri na karug-e, amawi bem nak mbaluk mberarik, tenagij-o.

2 SEMUEL 11:2

Nde, misik tarem-e keyama nggwe-ge Ndaut na nene luk men yosolar-e, at uwi ngguwa mbirik yamuk tak ereba na bem waring kil nosolat-nen yik kagaidnggal-e, kwe mondok konak mbi aboro marosola, yik kagaij-o.

AYUP 31:1

An-nen mondok watsa owak mbarosolar-e: ”Kweyap ndugum yik eneyasolar-e, mondok nindi-nen nok inpimin pug-o” luk owak mbarigi-o.

AYUP 31:9

An-nen nde nenggamirak onkwe nindi enpem puruk, tumende ombol nggwe lumuluk abage mbaroso ala-ge,

MBIRIGA WENE 20:17

Ap misik arengge: uwi min ogwe min ndegel ubugwi min owam min egelerai wam min at arengge mende oboksa min ukwe yurak pug-o” yij-o.

NGGOMO WENE 6:25

It entare konak iri-nen kindi lak tak purak pug-o. It enlengen kebem puwa iri na bem-nen kindi enpem mbutlurak pug-o.

MATIUS 15:19

Nde, meya yebet kagwi elem ap enarem-nen mborosolar-e, ap wurugwi min ap onkwe yebugwi min kwami terak yenpugwi min yariya wanugwi min enesiget wene ap enpem pugwi min ap onpok pugwi min mburusu-o.

MATIUS 5:22

Alat nde, an-nen yak kondosolar-e: Ta-nen nde at anggam imin isilepma yuwa nap iri na ebem-e wene mbarurag-o. Nde, ta-nen nde mondok meya wene at anggam yak tuwa nap iri na ebem-e wene mbarugwi nap yok nggok na-nen ebem wene mbarurag-o. Nde, ta-nen nde at anggam yak tosolar-e: ’Wid num kum tak yu-ge wa-e’ luk yak tuwa nap iri na-ge kan mare wulok tenak woraso sa iri na me pil ngguwa-o.

MATIUS 5:39

Alat nde, an-nen yak kendeyeg-o: Kit meya rak konpogola-ge, kit-nen na onggo it meya rak unpurak pug-o. Are, ap misik-nen nde kerabengan kigit nggwe nde lel kasola-ge, kar-e kerabengen ponok nggwe na min-et nuk kudtag-o.

OROMA 7:14

Imiri mbarak pidnak wene iri-ge Mbal Pem Nagawan Indi-nen pidnak wene-nen yusu-o luk nenaru yili-o. Alat nde, an-e ki nap-nen yusu-o. Nde, meya kwarugwi elem-nen nonggo posola an-e meya kwarugwi elem ndegel oboso-nen yusu-o.

2 PETERUS 2:14

It inndi kundig-e mbabi yugwi kwami iri na enpem enlengen yumburugwi me, ir-e meya kwarurak pem insili yoso bug-o. It iri-nen-e kwara inndi angin tubu yigit lak nap na enare pili-o. It inndi-nen ukwe akwe bem mbarak purak puk mamarak pidnak me, it iri-ge Mbal Pem Nagawan-nen inmbiri lamut tak inpidnak-nen yili-o.

1 YOANES 2:16

Nggweyak ma woraso mende pidsa-ge yu-o. Enaboro-nen ukwe ukwe yugwi mende min enlengen-nen karuk ukwe ukwe yugwi mende min nggweyak ma mende bem ap-nen ondomok entembel wanugwi mende min iri-ge Nineid eram-nen lobok yidnak mende-nen yusu-ge lag-o. Nggweyak ma-nen idnak mende-net yusu-o.