MATIUS 5:23 - Nanduk Ngget Tul Pidnak Wene

²³ Iri bem-e, kat-nen nde Mbal Pem Nagawan amanggim purak mende iri posolar-e, wam wosa kan pugwi sa iri me peyekluk yosoma, kat-nen kanggam indi puru rak pidnak iri na yebet karug-e,

MATIUS 5:23 ပူးပေါင်းရင်းမြစ်များ

NDAK WIRIDNAK WENE 41:9

Yak turak meya ala karuk, abok nggwe-nen-e nagawan yi kenang toso iri na-nen yosolar-e: ”Yawo an meya yigi pareyeg-o.

OSEA 6:6

Nde, an namanggim wam wosa pogolat, an namanggim wam wosa kan pogolat kwatli-t nde, an mondok nindingen-e an mondok kwara kenaru yogolat, pempa nabuwa kagolat kwarurak irir-o.

MATIUS 23:19

Kenlengen ngguru yu-ge wa-e. Mondok nggulog-e ngge-o? Mbal Pem Nagawan amanggim pugwi mende iri nde nggulok, lak? Are, Mbal Pem Nagawan amanggim pugwi mende na lenak poso wam wosa pugwi sa iri na nde nggulog-a?

MATIUS 5:24

purak mende iri-ge wam wosa kan pugwi sa eralu iri me keya buruk, ereya na-net kanggam na eram wene teyok tak pil mbutluk-nen tuguruk lobok yosolar-e, purak mende iri-ge Mbal Pem Nagawan amanggim purag-o.

MATIUS 8:4

Alama-ge, Yesus-nen at yak tosolar-e: ”Kat kwat kibidnak yu-ge ap mondok yak undurak pug-o. Are, tepan ombo eram mburugundik, ambut tak kibidnak iri nuk kasola-ge, ap pidsa-nen ’Ndemeret ki yamu-o’ yuwakluk, Musa-nen yidnak yidnak kwarosolar-e, Mbal Pem Nagawan amanggim pugwi mende irit pi-o” luk yak tij-o.

MARAKUS 11:25

Nde, kit-nen tepan yuwokluk yukmu, ap-nen meya rak kinpidnak pem kinndi puru yidnak mbi worala-ge, Kineid aid arem woraso-nen kit meya yidnak amberam tak puwakluk, kit-nen na meya rak kinpidnak iri-ge kenmberam tak per-o.

LUKAS 19:8

Nde, Sakius ama nggwigarik woragolar-e, Sakius na men luk, Nagawan Indo yak tosolar-e: ”Nagawan Indo wa-e. An narengge pidsa erep menggesa ereb-e insilobulo lak nap tembesa wok indimin-o. Nde, an-nen onmbol pem laruk enarengge wanidnak nap na enarengge uwi yak ondosolar-e, ondolmasa empat pem wok indimin-o” luk yij-o.

1 SEMUEL 15:22

Yosoloma, Semuel-nen yosolar-e: ”Nagawan Indo-nen indingen kasu-ge at-nen yidnak yidnak kwarurak iri, lak? Are, at amanggim wam wosa kan purak iri-a? At amanggim wosa kan purak iri-ge marik-nen yusu-o. Alat nde, at-nen yidnak yidnak kwarurak iri perak nde mondok nggok-nen yusu-o. Lomba omok pugwi iri-ge marik-nen yusu-o. Alat nde, inndi-net at-nen yidnak nak kwarurak iri perak nde nggok-nen yusu-o.