MATIUS 5:22 - Nanduk Ngget Tul Pidnak Wene

²² Alat nde, an-nen yak kondosolar-e: Ta-nen nde at anggam imin isilepma yuwa nap iri na ebem-e wene mbarurag-o. Nde, ta-nen nde mondok meya wene at anggam yak tuwa nap iri na ebem-e wene mbarugwi nap yok nggok na-nen ebem wene mbarurag-o. Nde, ta-nen nde at anggam yak tosolar-e: ’Wid num kum tak yu-ge wa-e’ luk yak tuwa nap iri na-ge kan mare wulok tenak woraso sa iri na me pil ngguwa-o.

MATIUS 5:22 ပူးပေါင်းရင်းမြစ်များ

NDAK WIRIDNAK WENE 37:4

Iri yosola, at owerak ereba na-nen kagolar-e, at Yakup na-ge ir-e enabuwa marik tak puruk, at ambara Yusup nag-et abuwa nggoksa kasola karug-e, it insilepma-ge Yusup ebem puruk at imin-e wene-ge ndirigit lak irit woraiga-o.

NDAK WIRIDNAK WENE 37:8

Yak ondosoloma, it-nen yogolar-e: ”Kat kindi-nen-e kar-e nit nennggendumu nenanggul pem nagawan woramin-o luk perasu-a?” luk met piga-o. Nde, at-nen nabi kaso bem-nen na, at-nen yoso bem-nen na insilepma-ge ebem lud Yusup ebem puruk woraiga-o.

2 SEMUEL 16:7

Simei-nen Ndaut imbiri lamut tak obosolat-nen yosolar-e: ”Kar-e mbiri-o! Ap woroso nap, mondok meya kwaroso nap kar-e mondok mbiri-o!

2 SEMUEL 6:20

Iri rak purug-e, Ndaut iri na-ge at woraso sa ogwela wa yak endeyekluk ama mbirij-o. Mborosoma-ge, Mikal iri na Ndaut eram wasolat-nen yosolar-e: ”Yawo-ge Isarael nap nagawan-e mondok kek yij-o. Ap inndi lak-nen kwarugwi nggal-et nagawan ndegel ubugwi nap-nen onnggo pidnak kwami ereba na inmbiri bem inggiri lag-et ngenwa woragij-o” luk yak tij-o.

1 NAGAWAN NAGAWAN-NEN KWARIDNAK WENE 21:4

Nabot-nen yak tid iri na kulurug-e, indi siklumu luk, isilepma min Akap iri na-ge ama mbirij-o. Mborosolar-e, erare kebet wok turuk nene yoso sa mbinggirik nak woralat nunggwi mende-ge ninggit lak keya bij-o.

NDAWI ENGGA 14:1

Ap wid yebet kaso buk-nen inndi arem peragolar-e: ”Mbal Pem Nagawan-e lag-o” perali-o. It-nen kwarugwi-ge emben to rak yik kudtak puk ereba na nak kwarugwi-nen yili-o. Konak kwarugwi-ge misiger-o luk tet mondok lag-o.

NDAWI ENGGA 37:8

Insilepma yugwi iri-nen-e lak tak onposo elem pil lobok yoso me, kinsilepma yogolat, kinndi ndururak pug-o.

NDAWI ENGGA 49:10

Ap inndi nggat nggat worak iri na wat yogolar-e, ap wid min enne lak num kum tak min-et misikmu lambuksa lak yogola, iniyujwa-o. Wat yuwama, enarengge-ge ap erep-nen wanuwa-o.

NDAWI ENGGA 69:4

Erem lakma insili rak nibili nab-e enpe-ge an nanggulsu nggal-e lag-o. Terak minik kwarat-net yili-o. Ap enmawi worak an lak tak nuburak pem ennesiget wene nebem pili-o. Yariya wanigit lag-et nde, enne amawi bem watsa ”Uwi yagi-o” yak norogola, narengge poso-o.

NDANIEL 3:13

Yak togolikma, nagawan iri na-nen wene iri na kulurug-e, mondok isilepma kwarat yosolar-e: ”Ap kenan ereya-ge an neram wok unpuruk lobok yurag-o” luk wene wirik pij-o.

NDANIEL 3:19

Iri yogola karug-e, Nagawan Nebukatnesat iri na-ge isilepma-ge mondok kwiye worak Sanderak min Mesak min Abetnego min enpem posolar-e, erare-ge mep nak worok luk keya bij-o. Iri luk, at-nen wene wirik posolar-e: ”Kan-e mabugwi ereba na nggal-e keya buruk, mondok terak mena tuju bem-et embem tak pogolat maburag-o” luk yij-o.

MATIUS 10:17

Ap oboksa enabiyem-o luk kwil kwalsa wolmer-o. Ap erep-nen-e kit wok kunpuruk, wene mbarugwi nap endam kinpil mborogola, it-nen idnak tepan yugwi ma ereba me-nen linggamburok kunduwa-o.

MATIUS 10:28

Kinndi-ge wirigit lak, we kenaboro nak wururak nap iri-ge enaye kudtak pug-o. Are, kan mare arem-nen kenpe min-et kinndi min-et lak tak kunpurak Mbal Pem Nagawan nak aye kudtag-o.

MATIUS 12:24

Alat nde, Parisi nap-nen wene iri kuluruk yigarig-e, it-nen yogolar-e: ”Kugi wirik puwakluk kugi nagawan Mbelsebul-nen amawi wok tidnak pem-nen kugi wirik pusu-o” luk yiga-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

MATIUS 18:21

Iri yosoloma-ge, Peterus-nen Yesus eram lobok yarik, at yak tosolar-e: ”Nagawan Indo wa-e. An nanggam-nen an meya rak nobosola-ge, at meya yidnak iri na nunggwirik pem nemberam tak pimin-o? Tuju bem nde nemberam tak pimin, lak?” luk yij-o.

MATIUS 18:35

Nde, kit-nen-e kinndi min-et kit kennggamtak-nen meya yidnak na kenmberam tak pigit lak ala-ge, an Neid aid arem woraso-nen na iri nggal-et kwat kunpuwa-o” luk yij-o.

MATIUS 23:15

Kenesiget siget kwarugwi nap kit imiri mbarak pidnak wene kenaru nap min Parisi nap min wa-e. O, kenabuwa-o! Ap misiget nak kit kenne wanuwakluk, kir-e yi koma konmbol nggwe rak puruk mborogolat, nggweyak nggwe waring kagolat kwarugwi-o. Nde, at iri na kenne wanosola-ge, kir-e kan mare arem nggurak nab-et nde, at iri-ge ebem lud terak mena meya kwaroso nap kan mare arem nggurak nap tak ibili-o.

MATIUS 23:33

Kit waro-nen wigarak waro yu-ge wa-e. ’Kan mare arem nggugub-o’ luk kenpem mbarak pidnak wene inggem-nen nggesa mengga mburugub-o?

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

MATIUS 26:59

Nde, tepan omborak nagawan nagawan min Wene Mbarugwi Nap oboksa min-e Yesus wuruwakluk, ebem purak enesiget wene kore yiga-t nde,

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

MATIUS 5:34

Alat nde, an-nen yak kendeyeg-o: Kit-nen owak mbarurak pug-o. Owak mbarogolar-e, aid arem-e Mbal Pem Nagawan koreyak woraso sa-nen yusu me, aid arem unu luk owak mbarurak pug-o.

MATIUS 5:44

Alat nde, an-nen yak kendeyeg-o: Kit kinmin sirid nap iri-ge enabuwa ker-o. Nde, kit lel mberel kunpugwi nap iri enmanggim na tepan yer-o.

MARAKUS 14:55

Worasoma-ge, tepan omborak nagawan nagawan min wene mbarugwi nap pidsa min-e Yesus wurukwokluk at-nen kwarid elem mbenariga-t nde, elem marig-et ter-o luk at ebem-e kagit lag-o.

MARAKUS 15:1

Kubu kabu-ge tepan omborak nagawan nagawan-e ogore yidnak nap min imiri mbarak pidnak wene enaru nap min wene mbarugwi nap erep pidsa min-e inmin wene mbariga-o. Wene mbatlug-e, Yesus na kere kamatluk, waruk mbirigarig-e, Pilatus eram pil mbiriga-o.

LUKAS 12:5

Nde, kit-nen aye kudtak nap perak mirik kenpeyeg-o. Kunduruk, kan mare arem mbo kunpurak amawi worak Mbal Pem Nagawan iri nak aye ker-o. Mondok aye kudtag-e Mbal Pem Nagawan-er-o.

LUKAS 22:66

O nda yosoloma-ge, Yawuri nap ennggendumu enne kulugwi nap min tepan omborak nagawan min imiri mbarak pidnak wene enaru nap min ndok worogolikma-ge, Yesus na ebem wene mbaruwakluk, it endam waruk mbiriga-o.

YOANES 11:47

Yak ondogolikma-ge, tepan omborak nagawan min Parisi nap min-nen wene mbarugwi nap inmin ndok wutluk-nen yogolar-e: ”At-nen-e kwiye worak mende kwarat kwarusu me, nir-e ngge nde kwat ubul-o?

YOANES 15:25

Nde, iri kwat ninpili iri-ge it-nen idnak imiri mbarak pidnak wene bem-nen yosolar-e: ’Elem lag-et nde, insili rak nibiga-o’ luk yid iri na ndak ndak tak pogolat-nen kwat ninpili-o.

YOANES 7:20

Yak ondosoloma-ge, ap kwarat ereba na-nen at yak togolar-e: ”Kar-e kugi karem nggwidnak-nen yusu-a? Tarak-nen kuruwokluk yogola-nen yusu-o?” luk yiga-o.

YOANES 8:48

Yak ondosoloma-ge, it Yawuri nap-nen Yesus yak togolar-e: ”Nit-nen-e: ’Kar-e Samaria nap, kugi karem nggwidnak nap-nen yusu-o’ luk yak kirige na-ge ndemeret yak kirige-o” luk yiga-o.

YIDNAK YIDNAK WENE 17:18

Nde, ap nggomo undugwi nap ereb-e Epikuros nap min Stoa nap min-e Paulus imin wene onggo onggo yogolat-nen it erep-nen imin yogolar-e: ”Indi-ge mbirigit lag-et wene yoso yu-ge no wene yusu-o?” luk yiga-o. Nde, at-nen Yesus owene min at uruk yidnak wene min yak ondosola, it erep-nen yogolar-e: ”Ap yu-ge ap sal unkugi owene yoso-o” luk yiga-o.

YIDNAK YIDNAK WENE 22:30

Nene luk kub-e, san winde wari na-nen-e: ”Yawuri nap-nen wene ebem pili na elem kwara mbenareyeg-o” perasolug-e, Paulus na o kubu me-nen weserak puruk, tepan ombo nagawan nagawan min wene mbarugwi nap pidsa min ”Ndok werer-o” yak unduruk, Paulus na imin mbarig-e, it endam mendak ibij-o.

YIDNAK YIDNAK WENE 23:1

Nde, Paulus-e wene mbarugwi nap na enpem erengen kere kererak worasolat-nen yosolar-e: ”Nanggamirak wa-e, Mbal Pem Nagawan imbiri bem an-e nanduk-nen na, yawo-nen na an nindi mbek tak nak irit worasu-o” luk yij-o.

YIDNAK YIDNAK WENE 24:20

Are, wene mbarugwi nap iri na endam mendak worasola, an meya kwaridnak nebem pidnak iri-ge it yu me worali nap-nen yuwag-o.

YIDNAK YIDNAK WENE 4:15

Alama-ge, ap mberen na mbepme wirik unpuruk, it nak it nak yak kerak mbogolar-e:

YIDNAK YIDNAK WENE 5:21

Yak ondosoloma kuluruk yigarig-e, kuplilasa-net Mbal Pem Nagawan ama nggwigarik, ap nggomo ondogolat woraiga-o. Yak ondogolat woragola-ge, tepan ombo nagawan min at ene kulugwi nap min-nen-e wene mbarugwi nap min Isarael nap ogore yidnak nap oboksa yonggo unpuruk yigarig-e, ”Wirik inpidnak nap na o kubu me-nen wok unpuruk lobok yurag-o” luk yiga-o.

YIDNAK YIDNAK WENE 5:27

Wok unpuruk lobok yigarik, wene mbarugwi nap endam inpil lobok yogola-ge, tepan ombo nggulok-nen it kin wok inpij-o.

YIDNAK YIDNAK WENE 6:12

Iri yogolar-e, it-nen-e ap kwarat min ogore yidnak nap min imiri mbarak pidnak wene enaru nap min insilepma rak onpogola-ge, Sepanus na eram lobok luk, at tenaguruk, wene mbarugwi nap endam pil lobok yiga-o.

YIDNAK YIDNAK WENE 6:15

Yogolikma-ge, it wene mbarugwi sa koreyak woraidnak nap oboksa-nen-e Sepanus na enlengen kere kererak yik karok worakmu-ge, at erare-ge aid nap erare nggal irit yik kaiga-o.

YIDNAK YIDNAK WENE 7:37

Nde, Musa-net Isarael nap yak ondosolar-e: ’Mbal Pem Nagawan-nen an mendak nibid iri nggal-et kit konowe konowosi ennggendumu-nen na Mbal Pem Nagawan ene lomboksa yoso nap mbi kenmanggim mendak puwa-o’ luk yak indij-o.

OROMA 12:10

Enambik onowe onowot enabuwa kagwi nggal nabuwa kabuwa yogolar-e, kit na kit-net kek tak pegerak mbogolat wolmer-o.

1 KORINTUS 6:10

yariya wanugwi min inndi meya min anggut engen amburu ndonggosa nunggwi min ap onpok pugwi min ap enmberam lagwi min-e Mbal Pem Nagawan-nen tenagaidnak wi-ge winde yuwa bug-o.

1 KORINTUS 6:6

Are, anggam misik-nen anggam na ebem wene mbaruwakluk, inndi angin tubu yigit lak nap endam mburugwi-a?

1 TESALONIKA 4:6

Yu mende kwarugwi bem-e ap misik-nen at anggam meya rak posolat, at anggam ombol pem ludtak pug-o. Nandug-e wene yu yak kondogolar-e: ”Nagawan Indo-nen iri mende kwarugwi nap enpem wene mbaruwa-o” luk nir-e nenne amawi min yak kindige nar-o.

TITUS 3:2

Ap onpok purak pug-o. Yuk puk na mburak pug-o. Are, yanggonak konak nak woragolar-e, ap pidsa inmin-e pempa nanggau kanggau wolmer-o” luk yak indi-o.

IBERANI 12:25

Iri bem-e, wene yak kundusu nap-nen yidnak wene iri-ge ”Kulimin pug-o” luk yugup naru, kwil kwalsa womer-o. Nggweyak ma yu me-nen Mbal Pem Nagawan-nen yidnak wene yak ondogola, ”Kulul pug-o” luk yiga nap ereya-ge at inggem-nen mengga mbirigit lak nar-o. Nde, nit-nen na irit aid arem-nen wene mberak pil mbuwasu iri na kuligit lak keya bogola-ge, nggesa-nen at inggem-nen mengga mburul-o? Mondok meya-o.

IBERANI 5:9

At iri na-ge iminep mbarak obosola-ge, at-nen yidnak yidnak nak wanugwi nap pidsa inmiri yaga wok ondoso woralik nalik momtak elem-e ar-e kwat yij-o.

YAKOBUS 2:20

Kar-e wid indi worak-nen yusu-o! Inndi angin tubu yogolar-et nde, ininggi-nen kwarugwi mende kwarigit lak iri-ge ebe lak mende-nen yusu-o luk mirik kuburak kindingen-a?

YAKOBUS 3:6

Nenma iri-ge nit nenpem meya kwarugwi ondoro nggal yosolar-e, nit nenpem meya wugarak pusu-o. Kan mare arem-nen pago pidnak me, nenma yu-nen nenpe pidsa pak nunpusu-o.

1 PETERUS 2:23

Meya wene yak togola na at-nen na meya wene onggo yak indigit lag-o. Nde, at worogola na at-nen na it onggo kwat unpurak na yak indigit lag-o. Are, at kwat ibili wene iri-ge mot mor-et ap enpem wene mbaroso Mbal Pem Nagawan na ebem keya bij-o.

1 PETERUS 3:9

Mbal Pem Nagawan-nen wene mbo kinpid iri-ge, at-nen idnak imbiringgat mende wok kendeyekluk wene mbo kinpidnak me, ap-nen meya rak konpogola, onggo it meya rak unpurak pug-o. Ap-nen meya wene yak kondogola, onggo meya wene yak undurak pug-o. Are, inmbiringgat tak enper-o.

1 YOANES 2:9

Ta-nen nde: ”An-e yaya bem-et worasu-o” luk yosolar-et nde, anggam isili rak posolar-e, yawo-nen na irit ndamuk arem worasu-o.

1 YOANES 3:10

Yu-ge Mbal Pem Nagawan ilirak-nen yili-o luk yenggerak pogolat, yu-ge Sere ilirak-nen yili-o luk yenggerak pogolat yurag-e yu bem-nen yenggerak purag-o. Ta-nen nde lud tak nak kwarigit lak, anggamirak enabuwa kaso buk ala-ge, iri-ge Mbal Pem Nagawan ambara-ge lag-o luk yenggerak purag-o.

1 YOANES 5:16

Ap mbi-nen at anggam aid wene wanidnak nap an-nen at lak tak uburak puk mende meya misik kwarosola-ge, Mbal Pem Nagawan-nen-e ap na urug-et wolmomtak elem wok tuwakluk anggam na amanggim tepan yuwag-o. Yu nggal kwarurak iri-ge it lak tak unpurak puk mende meya mbi kwarogola nak-nen kwarurag-o. Alat nde, it lak tak unpurak mende meya mbi kwarosoma-nen enmanggim tepan yurak yak kundusu-ge lag-o.

YURAS 1:9

Iri kwatli iri-ge, aid nap nagawan Mikael na-nen iri nggal kwarigit lag-o. Mikael na-ge Musa orogak wene lit lit Sere imin ngguno pogolar-e, Mikael-nen Sere na mbilaro ngin wene yak turag-e kwiye ala, yu nggal yak tij-o: ”Nagawan Indo-nen met kubuwa-o” luk yij-o.

NAM PARA WENE 20:14

Iri luk, wat yugwi elem min wat luk ndok wiril mbugwi sa min-e kan mare arem mbo bil nggwij-o. (Nde, kan mare arem iri-ge mberen pem tak posolat wat yugwi elem-nen yusu-o.)