MATIUS 5:19 - Nanduk Ngget Tul Pidnak Wene

¹⁹ Iri bem-e, ta-nen nde imiri mbarak pidnak wene enggendumu-nen wene marik komosa iri na kuruk turuk, kuruk tugwi iri na nin nap na mul unduwa nap iri-ge Mbal Pem Nagawan-nen tenagaidnak wi iri me-ge iri yidnak nab-e unu lak, teberak irit wolma-o. Alat nde, ta-nen nde imiri mbarak pidnak wene-nen yidnak yidnak nak kwarosolat, nde, iri kwarugwi-ge nin nap na mul unduwa nap iri-ge Mbal Pem Nagawan-nen tenagaidnak wi iri me-ge ap kek tak irit wolma-o.

MATIUS 5:19 ပူးပေါင်းရင်းမြစ်များ

NDAWI ENGGA 119:128

Iri bem-e an-e kat-nen mirik nibidnak oboksa ndak ndag-et kwarosolat woramin-o. Nde, lugud tak kwaril mburugwi iri-ge an-e nisili-o.

NDANIEL 12:3

Nde, enne kulugwi indi nggat nggat worak nap ereba na-ge eneyaya-ge o yaya nggal irit wolma-o. Nde, ap kwarat-nen ndemeret mot mot nak kwarogolat wolmakluk ap kwarat mul ondogolat woraidnak nap ereba na-ge wonaru abinal nggal enabinal-e pem irit kere kere rak wolma-o” luk yij-o.

MATIUS 11:11

An-nen ndemeret yak kendeyeg-o: Kwami-nen ndet inpidnak nap misig-e Yoanes nggal mbi woragwi bug-o. At iri-ge terak minik mondok kek tak-nen yusu-t nde, obok lak narik woraso nap Mbal Pem Nagawan-nen tenagaidnak wi worasu nap iri perak nde Yoanes nggal-e lag-o. Terak minik nggulok-nen yusu-o.

MATIUS 19:28

Yosoloma-ge, Yesus-nen it yak ondosolar-e: ”An yak kendeyeg: O ngget ndak worak puwa iri me-nen-e Ap Ambara na-ge at-nen idnak nagawan ebem koreyak woraso sa abinal worak na bem kore yuwarig-e, an nimin nili nap kir-e nagawan-nen kore yugwi ondoro duabelas na ebem kore luk, Isarael nap enlem duabelas iri na enpem wene mbarugub-o.

MATIUS 20:26

kit kennggendumu-nen-e iri nggal momtag-e mondok lag-o. Kit kennggendumu-nen ta-nen nde ap nggulok momtak indingen ala-ge, yongga kondoso nap mag-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

LUKAS 1:15

Nagawan Indo-nen la na yik kasolar-e, ap nggulok irit ma-o. At iri-ge anggut engen amburu min inndi nden kaso yi erep min mondok nujwa bug-o. At iri ndesa mbosola-net Konak Indi-nen arem kobong yidnak irit wolma-o.

LUKAS 11:42

Parisi nap wa-e. Kenpem mbuwa mende bem kenabuwa-o! Kit-nen-e lawet min kwendet min nunggwi mende undu worak tak pugwi engga pidsa min enggem lombok karetkwe-nen yidnag-e Mbal Pem Nagawan amanggim pili-t nde, ndung tak kwarugwi min Mbal Pem Nagawan abuwa kagwi min perak nde kir-e keya bili-o. Ndung tak kwarugwi min Mbal Pem Nagawan abuwa kagwi min kwarogolar-e, erep kwatli iri na keya burak puk na-e.

LUKAS 9:48

it yak ondosolar-e: ”An nunu bem la marik yu wanuwa nab-e an irit wok nubusu-o. Nde, an wok nubusu nab-e an wirik nibil lobok yidnak nap irit wanusu-o. Kit kennggenggerak marik worasu nap iri-ge nggulok-nen yusu-o” luk yij-o.

YIDNAK YIDNAK WENE 1:1

Teopilus wa-e. An-nen nanduk engga iri bem mbarosolar-e, Yesus-nen yidnak yidnak oboksa min nggomo indidnak oboksa min

OROMA 3:8

Nde, nir-e noluk-nen: ”Konak mende nam makluk meya kwaruwog-o” luk yurag-e meya-o? Nde, ap erep-nen-e an mbilaro ngin tak nobogolar-e: ”Ar-e iri nggal yoso-o” luk an nobok pili-o. Iri yugwi nap enpem wene mbarosolar-e, it-nen yugwi ndak ndag-et mbaruwa-o.

OROMA 6:1

Iri ala-ge, nir-e no nde yul-o? Mbal Pem Nagawan-nen we wok ondoso elem iri na nggulok makluk nir-e meya kwat tenak wulmul-a?

OROMA 6:15

Iri ala, no kwarul-o? Nir-e imiri mbarak pidnak wene-nen urugwe nggwe rak ninpidnak worali-ge lak me, Mbal Pem Nagawan we wok ondoso elem pem worali me-ge, meya kwat tenak wulmul-a? Iri-ge mondok lag-o!

TUGURUK YIDNAK WENE 12:32

An-nen yak kindigi wene yeba-ge mariger-o luk siyak keya bogolat, are, siyak nambena pogolat mondok kwarurak pug-o.

1 TIMOTIUS 6:11

Alat nde, Mbal Pem Nagawan ndegel oboso nap wa-e. Kat perak nde iri mende pidsa keya bi-o. Are, lud tak nak kwarugwi min Mbal Pem Nagawan indi aye kagwi min inndi angin tubu yugwi min ap enabuwa kagwi min mamak puruk woragwi min yanggonak nak woragwi min iri nak langgal luk mbiri-o.

TITUS 3:8

An-nen yak kurusu yu-ge ndemeret wene-o. Mbal Pem Nagawan ebem inndi angin tubu yugwi nap-nen-e ndemeret konak nak kwarogolat wolmakluk, kat-nen wene yu-ge amawi rak purak iri-ge an-e nindingen-o. Iri kwarurak iri-ge ap pidsa enmanggim mondok konak lombok-nen yusu-o.

1 PETERUS 5:4

Iri kwat yugup pem-e, Lomba Wam Winde Kek tak na lobok yosolar-e, abinal lak momtak puk wirik irit wanugub-o.

1 YOANES 3:4

Meya elem iri-ge Mbal Pem Nagawan imiri mbarak pidnak wene kuruk toso-nen yusu me, ap-nen nde meya kwarogolar-e, Mbal Pem Nagawan imiri mbarak pidnak wene irit kuruk tili-o.

NAM PARA WENE 2:20

Kwe Isebel iri-nen yosolar-e: ’An-e Mbal Pem Nagawan-nen nibil lobok yidnak-nen yusu-o’ yosolar-e, an ndegel nubugwi nap enmberam lasolar-e, mbabi kwarurak min kugiwak amanggim pidnak nunggwi mende norak min mul ondoso kwe Isebel na kinndi wok tili iri perak an-e nisili-o.

1 SEMUEL 2:30

Isarael nap Kenmbal Pem Nagawan, Nagawan Indo an-nen nanduk urul yak kondosolar-e: ’Kenlem nap min konowe konowot min-e tepan ombo nggal an ndegel nobogolat woralik nalik irit woragub-o’ yak kindigi-t nde, yawo-ge iri kwarurak iri na-ge an-e mondok nisili-o! Are, an kek tak nubuwa nab-e kek tak inpimin-o. Nde, an teberak nubuwa nab-e an-nen na teberag-et inpimin-o.