MATIUS 5:18 - Nanduk Ngget Tul Pidnak Wene

¹⁸ An-e ndemeret yak kundusu-o: Mbal min nggweyak min lak yigit lak ma-ge, imiri mbarak pidnak wene arem mbarid-nak hurup marik komosa min titik mariget ter-o luk min-e iri arem mbarid-nak wene mondok pidsa ndak tak pigit lak ma-ge mondok lag-e ma bug-o.

MATIUS 5:18 ပူးပေါင်းရင်းမြစ်များ

NDAWI ENGGA 102:26

Alat nde, ereba-ge oboksa lak ma-t nde, kar-e pem irit woragun-o. Nde, ereba oboksa-ge sum erare ngget lak yosolat umbuk yoso nggal ma-o. Iri yosola-ge, kat-nen-e sum umbuk mbo bidnak nggal mbo bugunmu, oboksa lak ma-o.

NDAWI ENGGA 111:8

At-nen imiri mbarak pidnak wene-ge lak yigit lak, pem irit woraso-nen yusu-o. At-nen imiri mbarak pidnak wene-ge ndemeret mot mot irit wok endamu-o.

YESAYA 40:8

Tusuangge iri na umbuk yosolar-e, engen isi pidnak iri na-ge terabet yoso-t nde, Nenmbal Pem Nagawan-nen yidnak wene-ge lak yigit lak, pem irit woraso-nen yusu-o luk wigarer-o” luk yusu-o.

YESAYA 44:26

An ndegel noboso nap-nen yidnak wene-ge an-net amawi rak poso-o, Nde, an-nen wirik pimin nap iri na-nen ’Iri nggal kwarimin-o’ luk, nam tak pidnak iri na-ge an-nen kwarak poso-o. Nde, an-nen yosolar-e: ’O Yerusalem iri-ge tuguruk ap wolma-o. Nde, o Yewura siri iri-ge tuguruk mendak pil lobok yimin-o. Nde, o mijara tud yil lobok yid ereba-ge tuguruk nanduk woraso nggal tak pil lobok yimin-o’ yigi-o.

MATIUS 10:15

An-nen yak kendeyeg-o: Ap enpem wene mbarurak tarem-nen-e Mbal Pem Nagawan-nen-e Sorom woragwi min Nggomora woragwi min unpud kujwa-t nde, o siri iri me woragwi nap na unpuj-e kujwa bug-o.”

MATIUS 10:23

Nde, o siri misik me-nen lel mberel konpogola-ge, o iri me keya buruk, o siri nin me mberer-o. An-nen yak kendeyeg-o: Kir-e Isarael nap unuwi siri oboksa awo iniyil nigit lak ma, Ap Ambara na lobok yuwa-o.

MATIUS 10:42

An-nen yak kendeyeg-o: ’Yu-ge Yesus imin nugwi-o’ luk an nimbirik noso nap marik komosa-t nde, yimbe marik arem yi eyak worak kenangga mak tuwa nap iri-ge onggo lag-e lag-o. Onggo-t wanuwa-o.”

MATIUS 11:11

An-nen ndemeret yak kendeyeg-o: Kwami-nen ndet inpidnak nap misig-e Yoanes nggal mbi woragwi bug-o. At iri-ge terak minik mondok kek tak-nen yusu-t nde, obok lak narik woraso nap Mbal Pem Nagawan-nen tenagaidnak wi worasu nap iri perak nde Yoanes nggal-e lag-o. Terak minik nggulok-nen yusu-o.

MATIUS 13:17

An-nen yak kendeyeg-o: Mbal Pem Nagawan ene lomboksa yugwi nap kwarat min lud tak nak kwarugwi nap kwarat min-e kit-nen kali mende iri na kudtag-e inndingen kwarat yiga-t nde, kagit lak yiga-o. Nde, kit-nen kulili wene iri na kulurag-e inndingen kwarat yiga-t nde, kuligit lak yiga-o.”

MATIUS 16:28

An-e ndemeret yak kendeyeg-o: Yu me worali nap ereb-e Ap Ambara na at-nen tenagaidnak wi imin lobok yosola kagit lak ma-ge wat ma bug-o” luk yij-o.

MATIUS 17:20

Yogolikma-ge, Yesus-nen wene erep nggarosolar-e: ”Kit kinndi kwara angin tubu yigit lak ala-nen meya yij-o. An-nen yak kendeyeg-o: Kit kinndi angin tubu yidnak iri-ge we sawi uwi marik iri nggal ndak ndak worala-ge, kit-nen ndobo yu yak togolar-e: ’Yu me-nen iri me mbiri-o’ luk yak togola-ge, mburuwar-o. Kit-nen kwarurak mende angin worak misik mbi worasu-ge lag-o. [

MATIUS 18:18

An-nen yak kendeyeg-o: Kit-nen nggweyak ma yu me kamarak pugup mende iri-ge, aid arem-nen na kamarak irit wolma-o. Nde, kit-nen nggweyak ma yu me wisirik pugup mende iri-ge, aid arem-nen na wisirik irit wolma-o.

MATIUS 18:3

at-nen yosolar-e: ”Wene yu yak kendeyeg-o: Kit kenpage nden yaga la marik yu abage nggal kwat yigit lak yugup ala-ge, Mbal Pem Nagawan-nen tenagaidnak wi-ge mondok nggugup pug-o.

MATIUS 19:23

Mborosoloma-ge, Yesus-nen at owosirak yak ondosolar-e: ”An yak kendeyeg-o: Insilobulo kwarat winde nab-e Mbal Pem Nagawan-nen tenagaidnak wi nggurag-e angin worak-nen yusu-o.

MATIUS 19:28

Yosoloma-ge, Yesus-nen it yak ondosolar-e: ”An yak kendeyeg: O ngget ndak worak puwa iri me-nen-e Ap Ambara na-ge at-nen idnak nagawan ebem koreyak woraso sa abinal worak na bem kore yuwarig-e, an nimin nili nap kir-e nagawan-nen kore yugwi ondoro duabelas na ebem kore luk, Isarael nap enlem duabelas iri na enpem wene mbarugub-o.

MATIUS 21:21

Yogolikma-ge, Yesus-nen wene erep nggarosolar-e: ”An-nen yak kendeyeg-o: Kit kinndi angin tubu luk, kinndi-nen te rak pigit lak ala-ge, an-nen e ara yu kwat pigi yu nggal-et kwarugub-o. Nde, iri nag-e lag-o. Are, ndobo yu yak togolar-e: ’Kat kondomok konoksa yi koma arem tabak yil nggwi-o’ luk yak togola na irit kwat ma-o.

MATIUS 21:31

Nde, li mberen iri na-ge at eid indi-n pidnak kwarij-e ta kali-o?” luk yak ondosoloma-ge, it-nen yogolar-e: ”Ambara manggu irir-o” luk yogola-ge, Yesus-nen it yak ondosolar-e: ”An-nen yak kendeyeg-o: Mbal Pem Nagawan-nen tenagaidnak wi nggogolar-e, kit abok tak kunpurak, pemerinta enmanggim tol ndok wurugwi nap min terak ye inpil nugwi kwami min, it nanduk nde nggwili-o.

MATIUS 23:36

An-e ndemeret yak kundusu-o: Iri kwaridnak oboksa-ge yawo worali nap konmbolwak pem wolma-o.”

MATIUS 24:2

Alama-ge, at-nen it yak ondosolar-e: ”Ye. Kir-e o yu pidsa kwara ker-o. An-nen yak kendeyeg-o: O yu worogolat kona mendagil laidnak kerep yeba-ge ebem lud lud misiget tet iniksa wolma-ge lag-o. Pidsa mijarak puwa-o” luk yij-o.

MATIUS 24:47

An-nen yak kendeyeg-o: At eid iri-nen at arengge oboksa-ge ndegel poso nap na inggem puwa-o.

MATIUS 25:12

Yogolikma-ge, it wok unpurak nap iri-nen yosolar-e: ’An-nen yak kendeyeg-o: Kit yu-ge an-e naru bug-o’ luk yak indij-o.

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

MATIUS 25:45

Yak togolikma-ge, at-nen wene erep nggarosolar-e: ’An-nen yak kendeyeg-o: It ennggendumu marik komosa meya yu na kwat ibigit lak yigep iri-ge, an-et kwat nibigit lak yigeb-o’ luk yak unduwa-o.

MATIUS 5:26

An-nen yak kendeyeg-o: O kubu me kunpuwarig-e, namat iri na mondok oboksa uwi yakit lak ma-ge wirik kunpuwa bug-o.

MATIUS 6:16

”Kit-nen mburu ninggit lak, we woragolar-e, it enesiget siget kwarugwi nap-nen entare mambu le sa luk worali iri nggal wolmomtak pug-o. It iri na-ge ap-nen: ’At iri-ge mburu ninggit lak, we worasu-o’ yuwakluk, it entare mambu le sa woragwi-o. Nde, an-nen yak kendeyeg-o: It iri na-ge onggo ndak waniga nar-o.

MATIUS 6:2

Iri bem-e, kit-nen nde yi mende ndi mende-ge insilobulo lak nap we wok ondogolar-e, it enesiget siget kwarugwi nap-nen-e Mbal Pem Nagawan uwi worak ma-nen na, tula tula nggwe-nen na ap-nen it yik eneyarik entembel wanuwakluk kwarugwi mende nggal, kit-nen kwarurak pug-o. An-nen yak kendeyeg-o: It iri kwatli iri-ge onggo mondok wanigarik worali-o.

MATIUS 8:10

Iri yosoloma, Yesus-nen wene iri kolosoluk, wi luk, at imbirik nili nap yu na yak ondosolar-e: ”An-nen yak kendeyeg-o: Isarael nap ennggendumu-nen-e indi angin tubu yidnak nap misik mbi yu nggal an-e kaso bug-o.

MARAKUS 10:15

An-e ndemeret yak kundusu-o. Ta-nen nde Mbal Pem Nagawan-nen tenagaidnak wi na li marik-nen wanugwi nggal wanili buk nab-e ar-e iri me mondok ngguwa bug-o” luk yij-o.

MARAKUS 10:29

Yak tosoloma-ge, Yesus-nen yosolar-e: ”An-e ndemeret yak kundusu-o. An nebem ala na, aid wene bem ala na ap-nen at uwi nde owe owot nde iridtak nde eid ija nde ilirak nde eyabu nde keya buwa nab-e,

MARAKUS 11:23

Ndemeret kit-nen nde ndobo yu yak togolar-e: ’Kat kondomok konoksa yi koma arem tabak yil mbiri-o’ luk yak togolat-nen kit kinndi mberen min-e lak, are, kit-nen yak tugup iri-ge ’Ndemeret kwat ma-o’ peraruk-nen yak togola-ge, kwar-et ma-o.

MARAKUS 12:43

Yarak posoloma-ge, Yesus-nen at owosirak wene mbo unpuruk, it yak ondosolar-e: ”An-e ndemeret yak kundusu-o. It ereb-e marig-et yarak piga-t nde, isilobulo lak kwe togwe yu perak nde mondok kwarat yarak pij-o.

MARAKUS 13:30

Kenaru mer-o. Ap yawo worali yu wat yigit lak ma-net wene yu-ge kwat ma-o.

MARAKUS 14:18

Lobok yigarik, mburu nonggolat koreyak woragolat-nen Yesus-nen yosolar-e: ”An-e ndemeret yak kundusu-o. Kit an totno mburu nili nap mbi-nen-e an niminep wusuruwa-o” luk yij-o.

MARAKUS 14:25

An-e ndemeret yak kundusu-o. Anggut engen amburu yawo nili kuri-nen ninggit lak irit woramindik, Mbal Pem Nagawan-nen tenagaidnak wi iri me-nen anggut engen amburu ngget lambuksa nul-o” luk yij-o.

MARAKUS 14:30

Yosoloma-ge, Yesus-nen at yak tosolar-e: ”Karu wolmin-o. Yawo kubu yu-nen towe wam kusi ene-ge mberen pem yigit lak worala, an nimin-e ’At iri-ge an naru bug-o’ luk kenan pem-et yugun-o” luk yak tij-o.

MARAKUS 14:9

An-e ndemeret yak kundusu-o. Yi wi ndi wi oboksa aid wene wigarogolar-e, at unu ki rak pogolar-e, kwe yu-nen kwarid wene-ge yil-et nuwa-o” luk yij-o.

MARAKUS 3:28

Wene yu-ge kenaru wolmer-o. Ap-nen meya kwarugwi pidsa min Mbal Pem Nagawan imin meya wene wirik pugwi pidsa min-e Mbal Pem Nagawan-nen-e amberam tak puwa-t nde,

MARAKUS 6:11

Alat nde, kit mburugupndik, o iri nap-nen wok kinpigit lak, kenne na kuligit lak ala-ge, o iri me-nen nde kit mborogolar-e, it inndi wanuwakluk, kit kunuwok liri-ge iri me pil karuk, mbururag-o” luk yak indij-o.

MARAKUS 8:12

Yak togolikma-ge, Yesus na-nen: ”O” luk, indi age wirik puruk-nen yosolar-e: ”Kit yawo worali nap yu-ge noluk-nen kagwi buk mende nggi yili-o? Mondok lag-o. An-e kagwi buk mende mbi mondok mirik kinpimin pug-o” luk yij-o.

MARAKUS 9:1

Yuruk, at-nen it yak ondosolar-e: ”Kenaru wolmer-o. Kit yu me worali nap ereb-e wat yigit lak ma-t Mbal Pem Nagawan-nen tenagaidnak wi-ge amawi bem-et lobok yosola, enlengen-nen kujwa-o” luk yak indij-o.

MARAKUS 9:41

Kwara yebet yebet tak wolmer-o. Kar-e Kerisut imin kundik-nen yusu-o luk yi marig-et kenangga mak kunduwa-t nde, ndemeret Mbal Pem Nagawan-nen-e ap iri-ge onggo-t wok tuwa-o” luk yij-o.

LUKAS 11:51

Nde, Abel na wirid kuri, Sakaria wiriga kuri, indidnak nap enmena purak nde yigi-o. Sakaria na worogolar-e, Mbal Pem Nagawan amanggim wam wosa pugwi sa wok Mbal Pem Nagawan wi wok enggendumu iri me-nen wiriga-o. Kenaru mer-o. Yawo worali nap kir-e it pidsa enmena kunpuwa-o.

LUKAS 12:37

Ineid lobok yuwa tarem at ndegel ubugwi nab-e unluk woragolat, lid lud tak puruk worakmu iniyujwa nab-e imbiringgat-nen yili-o! An yak kendeyeg-o. Ineid iri-nen-e at esani are puksa yutluk, it iri na koreyak unpuruk, ndegel unpuwa-o.

LUKAS 13:35

Iri bem-e Mbal Pem Nagawan-e kinmin wolma bug-o. Kenaru mer-o. Yawo kuri-nen an-e neyagup pug-o. Alat nde, kit-nen yogolar-e: ’Nagawan Indo unu bem lobok yusu nab-e kek tak puwog-o’ yugup tarem-nen perak nde neyagub-o” luk yij-o.

LUKAS 16:17

Nde, mbal min nggweyak min lak momtag-e te-t nde, imiri mbarak pidnak wene-ge marig-et ter-o luk lak tak puwa bug-o.

LUKAS 18:17

An ndemeret yak kendeyeg-o. Ta-nen nde li marik nggal luk Mbal Pem Nagawan-nen tenagaidnak wi wanigit lak ala-ge, Mbal Pem Nagawan-nen tenagaidnak wi iri-ge ngguwa bug-o” luk yij-o.

LUKAS 18:29

Yesus-nen it yak ondosolar-e: ”Ndemeret yak kundusu-o. Ta-nen nde Mbal Pem Nagawan ndegel ubuwokluk at uwi min ogwe min owe owot min eid ija min ilirak min keya unpuwa nab-e

LUKAS 23:43

Yak tosoloma-ge, Yesus-nen at yak tosolar-e: ”Ndemeret yak kereyeg-o. Ap wat luk ndok wiril mburugwi sa iri me-ge yawo-net totno wulmul-o” luk yak tij-o.

LUKAS 4:24

Yurug-e, at-nen misik min yak ondosolar-e: ”Ndemeret yak kundusu-o. Mbal Pem Nagawan ene lomboksa yugwi nab-e enambik enma-nen-e kek tak unpugwi bug-o.

YOANES 1:51

Iri luk, Yesus-nen at yak tosolar-e: ”An-e ndemeret yak kurusu-o. Aid arem tu kuwak yosola, Mbal Pem Nagawan-nen idnak aid nab-e Ap Ambara an nebem lagolat, mbuwagolat yogola kagun-o” luk yij-o.

YOANES 10:1

Yak unduruk, Yesus-nen yosolar-e: ”An-e ndemeret yak kundusu-o. Lomba wam ngenwa woraso sa nggosolat tu ndanggi nggwe nggwigit lak, leget abare nggwe kwid tusu nab-e yariya wanoso min ap enarengge ndena wanoso nap-nen yusu-o.

YOANES 10:7

Iri ala, Yesus-nen tuguruk it yak ondosolar-e: ”An-e ndemeret yak kundusu-o. Lomba wam uru mende-ge an-net yusu-o.

YOANES 12:24

An-e ndemeret yak kundusu-o. Mbato engen lerak misig-e nggweyak pem yagosoma, piri yigit lak-nen-e engen iri na nak woraso-o. Nde, piri luk-net ebe kwarat poso-o.

YOANES 13:16

An-e ndemeret yak kundusu-o. Ndegel unpugwi nab-e at eid na teberak puruk, nggok-nen yusu-ge lag-o. Nde, wirik inpil mburugwi nab-e at ibil mbiridnak nap na teberak puruk nggok-nen yusu-ge lag-o.

YOANES 13:38

Yak tosoloma-ge, Yesus-nen at yak tosolar-e: ”An namanggim wat momtak ob-er-o yigen-a? An-e ndemeret yak kurusu-o. Towe wam kusi ene awo yigit lak worala-ge, kat kenan pem-et ’Yesus-e an-e naru bug-o’ yugun-o” luk yak tij-o.

YOANES 14:12

An-e ndemeret yak kundusu-o. An nebem indi angin tubu yuwa nap-nen-e an-nen kwaroso mende pidsa at-nen na kwaruwa-o. Nde, an-e Neid eram mbirimin me, an-nen kwaroso-ge marik nggal-o. At-nen-e nggulok mende-t kwaruwa-o.

YOANES 16:20

An-e ndemeret yak kundusu-o. Kit-nen-e yip togolat, yip kondok lud mbogolat yugub-o. Nde, nggweyak ma nap-nen-o enalen kujwa-o. Nde, kit kinndi puru pera yugup na-t nde, kinndi puru pera yugup na nden yaga kenalen yugub-o.

YOANES 16:23

Nde, iri tarem wok yosola-ge, kir-e yi mende ndi mende mbi nggi yak nurugup pug-o. An-e ndemeret yak kundusu-o. An nunu bem an Neid nggi yak tugup mende-ge wog-et kunduwa-o.

YOANES 21:18

An-e ndemeret yak kurusu-o. Kar-e sugwe worasolar-e, kat kondomok-nen kusuwon are ngonoksa yorosolat, kat kindi-n pidnak sa waring kasolat woraigen-et nde, abok kindi worak yosola-ge, kat kinggi nuk kasola, nin nap-nen kat kinggi kamarak puruk, kat mbururak kisili kaso sa nde kibil mburuwa-o” luk yak tij-o.

YOANES 3:11

An-e ndemeret yak kurusu-o. Nit-nen-e nit nenaru iri na-t yak kondogolat, nenlengen-nen kaidnak iri na-t mirik konpogolat yili-t nde, nit-nen yidnak wene-ge kit-nen wanurak kinsili yili-o.

YOANES 3:3

Yosoloma-ge, Yesus-nen at yak tosolar-e: ”An-e ndemeret yak kurusu-o. Mberen pem ndet ibigit lak nab-e Mbal Pem Nagawan-nen tenagaidnak wi-ge erengen kujwa bug-o” luk yij-o.

YOANES 3:5

Yosoloma-ge, Yesus-nen at yak tosolar-e: ”An-e ndemeret yak kurusu-o. Yi min Konak Indi min-nen ndet inpigit lak nab-e, Mbal Pem Nagawan-nen tenagaidnak wi ngguwa bug-o.

YOANES 5:19

Iri ala, Yesus-nen ap ereba na yak ondosolar-e: ”An-e ndemeret yak kundusu-o. At Ambara an-nen-e nambik nindi-n pidnak kwarusu bug-o. Are, an Neid-nen kwarosola kaidnak iri na-t an-nen na kwarusu-o. Nde, an Neid-nen kwaroso mende iri na-t Ambara an-nen na kwarusu-o.

YOANES 6:26

Yak togolikma-ge, Yesus-nen it yak ondosolar-e: ”An-e ndemeret yak kundusu-o. Kir-e an-nen kwiye worak mende kwaroso ereba na ebe yenggerak puruk-nen nogore yili-ge lag-o. Are, mburu kinmbitsa ninggep iri na bem nak nogore yili-o.

YOANES 6:32

Yogolikma-ge, Yesus-nen it yak ondosolar-e: ”An-e ndemeret yak kundusu-o. Aid arem-nen mbuwaidnak ndemeret mburu iri-ge Musa-nen-e mak kindigit lag-o. Iri-ge an Neid-net mak kundusu-o.

YOANES 6:47

An-e ndemeret yak kundusu-o. Indi angin tubu yidnak nab-e unlug-et pem-et woralik nalik momtak elem wanarik worasu-o.

YOANES 6:53

Yogolikma-ge, Yesus-nen it yak ondosolar-e: ”An-e ndemeret yak kundusu-o. Kar-e Ap Ambara an nebe min neyabi min ninggit lak-nen-e kit kenarem-e unlug-et wolmomtak elem-e worasu bug-o.

YOANES 8:34

Yogolikma-ge, Yesus-nen it yak ondosolar-e: ”An-e ndemeret yak kundusu-o. Ta-nen nde meya kwaroso nap ala-ge, meya iri ndegel poso nap-nen yusu-o.

YOANES 8:51

An-e ndemeret yak kundusu-o. An-nen yidnak yidnag-et kwaruwa nab-e wat yigit lak, pem-et woralik nalik ma-o” luk yij-o.

YOANES 8:58

Yak togolikma-ge, Yesus-nen it yak ondosolar-e: ”An-e ndemeret yak kundusu-o. Abaram na ndet yigit lak ma-net an-e woraso-net yusu-o” luk yij-o.

1 PETERUS 1:25

Nagawan Indo-nen yidnak wene-ge pem-et woralik nalik wolma-o” luk yij-o. Nde, wene iri-ge kit yak kindidnak aid wene-net yusu-o.

NAM PARA WENE 20:11

Iri luk, an yik kaginggal-e, nagawan-nen koreyak woraso ondoro loro nggulok iri min ebem koreyak woraso nap min kagi-o. Nde, at iri eram-nen nggweyak min mbal min-e lak yosolar-e, ondoro min-et mondok lak yij-o.