MATIUS 5:15 - Nanduk Ngget Tul Pidnak Wene

¹⁵ Ap-nen-e tal paga togolwak tud tak arem pugwi bug-o. Are, o ma iri me woraidnak nap oboksa yaya bem wolmakluk, tal pugwi ondolma iri me-t pugwi-o.

MATIUS 5:15 ပူးပေါင်းရင်းမြစ်များ

MARAKUS 4:21

Yesus-nen wene erep min tuguruk yak ondosolar-e: ”Ap-nen-e lampu tal paga keya buruk, togolwak arem paga puruk tud tak pogolat, nene yugwi indipma pil nggogolat yugwi-a? Lag-o. Tal pago iri-ge paga pugwi sa pugwi na kali bug-a?

LUKAS 11:33

Yuruk, Yesus-nen yosolar-e: ”Ap-nen-e tal pagurug-e, kura bogolat, urumu mon kagolat yugwi bug-o. Are, o ma ngguwa nap-nen yaya kujwaklug-e, tal ondolma-t pugwi-o.

LUKAS 11:36

Nde, kit kenpe-ge ndamuk mondok lak, pidsa yaya rak kinpidnak ala-ge, kenpe pidsa-ge tal eyaya nggal eyaya worak-nen yili-o” luk yij-o.

LUKAS 8:16

Yuruk, Yesus-nen yosolar-e: ”Ap-nen-e tal paguruk urumu mon kagolat, nene yugwi indipma pil nggogolat yugwi bug-o. Are, o ma ngguwa nap-nen eyaya kujwaklug-e, tal na ondolma nam ma-t pugwi-o.

PILIPI 2:15

Irit kwarugup ala-ge, kir-e meya mbi kwarugwi na lak, kinndi mot mor-et woragolar-e, lugud tak kwarugwi nap min nden penden kwarugwi nap min ennggenggerak-nen kir-e Mbal Pem Nagawan ilirak meya na yugwi buk nap irit woragub-o. It ennggenggerak-nen-e kir-e wonaru nggal, nggweyak ma yu me yaya rak pogolar-e,

IBERANI 9:2

Sum-nen wiridnak wi iri na worogolar-e, kuri wosa mberen tak purug-e, nggugwi sa nggwe iri-ge unu yarogolar-e, ”O Marak Sa-o” luk yariga-o. Nde, o ma iri me-ge tal owak min e ndamak min Mbal Pem Nagawan amanggim pugwi oroti min woragaij-o.

NAM PARA WENE 2:5

’An-e abu meya luk yoboksa mbigi kagi’ luk perarug-e, kit meya kwatli iri keya buruk, kondok yer-o. Kondok luk, nanduk kwarogolat woraigep nggal kwarer-o. Kit nde kondok yigit lak ala-ge, an lobok yimindig-e, kit kental iri-ge ondolma-nen lesa wanimin-o.