MATIUS 5:11 - Nanduk Ngget Tul Pidnak Wene

¹¹ An nebem ala ap-nen insili rak konpogolat, lel mberel konpogolat, enesiget wene bem konpok pogola-ge, kir-e kenalen ker-o.

MATIUS 5:11 ပူးပေါင်းရင်းမြစ်များ

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

YEREMIA 37:14

Nde, an-nen onggo yak tosolar-e: ”An-e wim nap enambigit yurak mburusu-ge mondok lag-o!” yak tosola-t nde, Yeria-nen-e an nene kuligit lag-et an tena nuburuk nimin mberarik, pemerinta yabu winde ereba na endam nibil mbirij-o.

MATIUS 10:18

An nebem ala, kit kenpem wene mbarogolar-e, pemerinta wari nde, nagawan nagawan nde ininggem kunpuwama, nanongga kir-e an nowene it min enlem nin nap min yak undugub-o.

MATIUS 10:22

An nunu bem ap oboksa-nen insili rak kunpuwa-t nde, momak puruk irit worasoma, woroksiyem wok ma nab-e imiri yuwa-o.

MATIUS 10:25

Iri ala-ge, mul tidnak nap iri na-ge at mul toso nap nggal ndak ndak kwat yidnak ala-ge, ndag-er-o. Nde, ndegel poso nap na irit, at ndugurusu nap nggal ndak ndak kwat yidnak ala-ge, ndag-er-o. Nde, o winde na unu nde ’Mbelsebul-o’ luk yugwi ala-ge, at ama woragwi oboksa na iri nggal-et unnu-ge meya lombok yuwa-o.”

MATIUS 10:39

Ta-nen nde at uruk wolmomtak iri na indi angin yusu nab-e, at uruk wolmomtak iri kabak ma-o. Nde, ta-nen nde an nebem ala at uruk wolmomtak na iminep wisirik puwa nab-e, uruk wolmomtak elem irit lesa wanuwa-o.”

MATIUS 19:29

Nde, an nebem ala at uwi worak nde owe owot nde iridtak nde eid ija nde ilirak nde eyabu nde keya buruk nuwa nab-e, iri mende ondolmasa seratus pem wanosolat, pem-et uruk wolmomtak elem winde yosolat ma-o.

MATIUS 24:9

Iri tarem-e andi bandi rak kunpuwakluk ap ininggem wesera konpogolat, mondok kondogolat ma-o. An nunu bem ala, ap enlem oboksa-nen insili rak kunpuwa-o.

MATIUS 27:39

Nde, ap iri nggwe lagolat wagolat-nen at nggweyel obogolar-e, it enanggul waring kagolat-nen

MARAKUS 13:13

Kir-e an nimin nugwi nap me, ap pidsa-nen insili rak kunpuwa-o. Alat nde, ta-nen nde momak puruk irit worasoma, worok tak puwa tarem wok ma nab-e imiri yuwa-o.

MARAKUS 13:9

Alat nde, kir-e mondok kwara wolmer-o. Tenaga lit kunpuruk mburuwarik, wene mbarugwi nap ininggem konpogolat, Yawuri nap tepan yugwi ma-nen mbut kondogolat, an nebem ala, pemerinta nap min nagawan nagawan min ininggem kunpuwa-o. Nde, iri kunpuwa iri-ge an-nen yidnak wene it kenggera yak undurak tarem nanongga-nen yusu-o.

MARAKUS 4:17

it inndi arem-e emengen mbigit lak me, marig-et nak tugup lak worarug-e, aid wene wanidnak iri na bem anggun worak mende enpem mbosolat, lel mberel onpogola-ge, ir-e ndag-et nak aid wene keya bili irir-o.

MARAKUS 8:35

Ta-nen nde at indi abuwa nggok tak puwa nab-e uruk wolma bug-o. Alat nde, an nebem ala na, aid wene bem ala na, at indi abuwa lak tak puwa nab-e at ondomok imiri yaga wanuwa-o.

LUKAS 21:12

Alat nde, iri mende pidsa kwarigit lak ma-ge, ap-nen tenaga lel mberel kunpuruk, kit kenpem wene mbaruwakluk tepan yugwi ma kinpil mbutluk, o kubu me kinpil nggogoluk, kir-e an nowosirak ala karuk, nagawan nagawan min pemerinta min-nen kit kenpem wene mbaruwakluk it ininggem kunpuwa-o.

LUKAS 21:17

Nde, kir-e an wok nibigep pem, ap oboksa-nen insili rak kunpuwa-o.

LUKAS 6:22

Ap Ambara an nebem ala, ap-nen insili rak konpogolat, ap-nen keya konpogolat, pesel konpogolat, ’Kir-e meya kwaroso nab-o’ luk kunnu mbilaro ngin tak pogolat, iri rak konpogola-ge, kenalen ker-o!

LUKAS 9:24

At uruk wolmomtak iri na nggok tak pusu nab-e at uruk wolmomtak iri na lak tak pusu-o. Nde, an nebem ala, at indi abuwa lak tak pusu nab-e uruk wolma-o.

YOANES 15:21

Alat nde, it-nen-e an wirik nibil lobok yidnak nap na enaru buk me, kir-e an nunu bem waring kagwi ala, yi kwat kinpilik ndi kwat kinpilik ma-o.

YOANES 9:28

Yak ondosoloma-ge, it-nen at nggweyel obogolat-nen yak togolar-e: ”Kat perak nde at ene wanoso nap-nen yusu-o. Nde, nir-e Musa ene wanugwi nap-nen yili-o.

YIDNAK YIDNAK WENE 9:16

Nde, an nunu bem ala, at ebem andi bandi mbumomtag-e an-net mirik ibimin-o” luk yak tij-o.

OROMA 8:36

Mbal Pem Nagawan engga mbarak pem-nen yosolar-e: ”Kat kebem ala, pempa nir-e wat yidnak waring kali-o. Wururak lomba wam kwat ubu nggal kwat ninpili-o” luk yij-o.

1 KORINTUS 4:10

Kerisut ebem-e nir-e wid alat nde, kir-e Kerisut ebem-e kinndi tenggerak worali-o! Nir-e ndeyag-et nde, kir-e kenmawi kwarar-o! Nir-e mbilaro ngin worali-t nde, kir-e kunnu kek tak irit worali-o!

2 KORINTUS 4:11

Yesus uruk yidnag-e luru koreyak nap nit nenpem nam maklug-e, nit nunluk woragolar-e, Yesus ebem ala, pempa wat yugwi elem inggem pidnak worali-o.

PILIPI 1:29

Nde, Mbal Pem Nagawan-nen wok kondosolar-e, we Kerisut ebem kinndi angin tubu yurak iri nak wok kindigit lag-o. Are, at amanggim andi bandi kudtak min-et wok kendamu-o.

1 PETERUS 2:23

Meya wene yak togola na at-nen na meya wene onggo yak indigit lag-o. Nde, at worogola na at-nen na it onggo kwat unpurak na yak indigit lag-o. Are, at kwat ibili wene iri-ge mot mor-et ap enpem wene mbaroso Mbal Pem Nagawan na ebem keya bij-o.

1 PETERUS 4:14

Kir-e Kerisut wanigep pem nggweyel konpogola-ge, kir-e imbiringgat worak yili-o. Iri kwat kunpuwa iri-ge abinal worak Indi, Mbal Pem Nagawan Indi iri-ge kit kinmin woraso ala-nen kwat kunpuwa-o.

NAM PARA WENE 2:3

Kir-e an nunu bem ala andi bandi kagolar-et nde, mamak puruk woragolat, kinndi tugup lak, uwi yak worali-o.