MATIUS 5:1 - Nanduk Ngget Tul Pidnak Wene

¹ Yesus-nen-e ap mondok kwarat iri na eneyaruk yarig-e, ndobo amun pem lagarik, iri me-nen koreyak worasoma-ge, at owosirak na-ge at eram ndok wiril lobok yiga-o.

MATIUS 5:1 ပူးပေါင်းရင်းမြစ်များ

MATIUS 13:2

Koreyak worasoma-ge, at eram-e ap mondok kwarat-nen at panggon obogola, at na-ge e koma arem ngguruk, kore yosola-ge, ap ereba na oboksa-ge yi koma eyak pem mendak woraiga-o.

MATIUS 15:29

Nde, Yesus na-ge o iri me keya buruk, Nggalilea Koma eyak pem wok luk, ndobo bem lagarik, iri me koreyak worasoma-ge,

MATIUS 4:25

Ab-e mondok kwarat, Nggalilea woragwi nap min Ndekapolis woragwi nap min Yerusalem woragwi nap min Yurea woragwi nap min Yorodan eyak ele bem woragwi nap min-e nggwid nggwid at imbirik niga-o.

MATIUS 5:2

Nde, lobok yogola-ge, Yesus-nen wene mul ondosolat-nen wene yu yij-o:

MARAKUS 3:13

Iri lug-e, Yesus na-ge ndobo bem lasolug-e, at indi-n pidnak nap wene mbo onposola-ge, at eram lobok yiga-o.

MARAKUS 3:20

Iri luk, mbuwagarig-e Yesus na o ma mbi nggwij-et nde, ap kwarat tuguruk ndok wiridnak me, Yesus owosirak inmin-e mburu tet ninggit lag-o.

MARAKUS 4:1

Tuguruk misik tarem-e Yesus na Nggalilea koma eyak pem ap mul ondosolat woragaij-o. Worasoma-ge, ap kwarat-nen at lop lop worogoloma karug-e, ar-e yi koma ombolak pem e koma arem nggwarik, koreyak worala-ge, ap kwarat iri na-ge yi, eyak pem mendak woraiga-o.

LUKAS 6:12

Iri na tarem-e Yesus na tepan yekluk ndobo bem lagarig-e, kubu nggwe Mbal Pem Nagawan emengen mbal tenak iri-net o nda yij-o.

LUKAS 6:17

Yesus na at owosirak inmin luk ndobo bem-nen mbigarig-e, at imin nugwi nap kwarat inmin-e mbirikmu iri me mendak woraiga-o. Ap mondok kwarat ndok worogolar-e, Yurea-nen na, Yerusalem-nen na yi koma eyak pem o siri Tirus min Siron min-nen na lobok yiga-o.

LUKAS 6:20

Iri lug-e, Yesus na at owosirak yik eneyasolat-nen yosolar-e: ”Kinsilobulo lak nap wa-e. Mbal Pem Nagawan-nen tenagaidnak wi iri-ge kit winde me, kir-e kenalen ker-o!

LUKAS 9:28

Wene na yuruk, tuju nggal nene lug-e, Yesus na Peterus min Yoanes min Yakobus min inmin lug-e, tepan yekluk ndobo be mbirij-o.

YOANES 6:15

Yogolikma-ge, Yesus-nen-e it ap ereba na at eram lobok luk, lembesa ”Kar-e nit nennggendumu nagawan men yi-o” luk yak turak inndi aru me, tuguruk ndobo bem at arig-et nak mbirij-o.