MATIUS 4:24 - Nanduk Ngget Tul Pidnak Wene

²⁴ At obog-e o Siria uwi oboksa wigak yil mborosola-ge, ap-nen at eram wok unpuruk lobok yogolar-e, kugi nin tak nan tak enpem mbidnak nap oboksa min, kugi andi-nen yane wurugwi nap min kugi enarem nggwidnak nap min ininggi nggonggo onowak nggonggo entagup kila kilasa wat yugwi kugi enpem mbidnak nap min kambung puk tak woragwi nap min wok unpuruk lobok yogola, Yesus-nen it oboksa ki rak onposolat woragaij-o.

MATIUS 4:24 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 10:1

Nde, o Seba kwe nagawan iri-ge Salomo anggu obok mborosola kulurug-e, kwe nagawan iri na-nen-e wene angin worak onggo nggesa yurak nggal ereba na Salomo indi ngarurak Yerusalem lobok yij-o.

MBIRIGA WENE 15:26

Nagawan Indo nen yosolar-e: ”Ndemeret kinndi-net an-nen yidnak yidnak kwarogolar-e, an-nen yik kasolat konag-et yik kudtak nak kwarer-o. An-nen ’Irit kwarurag-o’ yak kindidnak imbirik nak mbururag-o. Kit-nen nde irit kwarogola-ge, an-nen Mesira nap enpem mberak pigi kugi ereba mende-ge kenpem mberak pimin pug-o. An-e ki rak konposo Nagawan Indo-nen yusu-o” yij-o.

MATIUS 12:22

Iri luk, ap-nen-e kugi arem nggwidnak nap erengen ngguru, ene lak yidnak nap mbi Yesus eram waruk lobok yiga-o. Waruk lobok yogolikma-ge, Yesus-nen ap iri na ki rak posola, ap iri-nen ene yosolat, erengen-nen kasolat yij-o.

MATIUS 14:1

Ereya tarem-e o Nggalilea tena woraso nagawan Erores-nen-e Yesus obok kulij-o.

MATIUS 15:22

Nde, o iri me woraso Kanan kwe misik na lobok luk, ene nggoksa yosolar-e: ”Nab-o. Ndaud Ambara wa-e. An nabuwa ki-o. An nara-ge kugi meya misik at arem worasolat kwarat andi bandi rak ubusu-o” luk yak tij-et nde,

MATIUS 17:15

at yak tosolar-e: ”Nagawan Indo wa-e. An nambara abuwa ki-o. At iri-ge wat wat yoso kugi ebem mbidnak me, wat nak yoso-o. Wat yosolar-e, kan ma mbud yosolat, yi ma mbud yosolat kwat tenak woraso-o.

MATIUS 17:18

Iri luk, Yesus-nen ene amawi min-et kugi na yak tosolar-e: ”Mbiri-o” luk yak tosoloma, kugi na mborosola ereya na-net la iri na ki yij-o.

MATIUS 4:23

Yesus na-ge o Nggalilea uwi iri me oboksa waring kasolar-e, Mbal Pem Nagawan uwi worak ma-nen ap mul ondosolat, Mbal Pem Nagawan-nen tenagaidnak wi wene na ap yak ondosolat, ap kugi worak min kugi nin tak nan tak enpem mbidnak nap min ki rak inpil waring kagaij-o.

MATIUS 8:28

Iri luk, Yesus-nen eyak ele bem Nggarara nap enma wok yosoma-ge, ap yapma inpidnak sa-nen lobok yidnak nap mberen inmin lid pid yij-o. It iri na-ge kugi enarem nggwidnak nap me, it insilepma kwarat ala-nen it enaye ab-e iri nggwe mburugwi tula keya biga-o.

MATIUS 8:33

Wam iri na yik karok woragwi nab-e pong pang mbirigarik, o silmu wok luk, iri kwaridnak wene na ndindera yak ondogolat, kugi enarem nggwidnak nap kwat inpidnak wene na min-et yak indiga-o.

MATIUS 8:6

”Nab-o. An ndegel noboso nap misig-e an nama-nen nene yoso ondoro iri na me nak mbinggirik nak worasolar-e, at inggi ijok kambung puksa woralar-e, andi-nen yane wat tenak worasu-o” luk yij-o.

MATIUS 9:26

Alama-ge, iri kwarid wene na obog-e o iri me oboksa wigak yil mbirij-o.

MATIUS 9:35

Iri luk, Yesus na-ge o siri nggulok me wok, o siri marik me wok, oboksa waring kasolar-e, Mbal Pem Nagawan uwi worak ma-nen Mbal Pem Nagawan-nen tenagaidnak wi wene aid wene na yak ondosolat, yi kugi ndi kugi enpem mbidnak nap min andi bandi enpem mbidnak nap min ki rak inpil waring kagaij-o.

MARAKUS 1:28

Alama-ge, Yesus obog-e ndag-et nak Nggalilea wi pidsa wigak yij-o.

MARAKUS 1:32

O na ndamuk yosola, keyama nggwe-ge kugi worak nap min kugi enarem lin yidnak nap min wok unpuruk, Yesus eram lobok yiga-o.

MARAKUS 2:3

ap kambung puk tak woraso nap misik ap enpe empat-nen Yesus eram waruk lobok yiga-o.

MARAKUS 2:4

Waruk lobok yigarig-e, ap kwarat yebet ngono rak me, Yesus eram panggosa pil nggurak meya alama-ge, it na-ge o ngguwa bem lagoluk, Yesus worasu parosa o ngguwa na mijara uru na nggwe kambung puk tak woraso nap na-ge mbinggirik iniksa-t kere nggijangsa pil mbiga-o.

MARAKUS 2:9

Kambung puk tak woraso nap yu yak turak ndag-e ngge-o? ’Kat meya yidnag-e namberam tak pigi-o’ yak turak nde ndak, lak? Are, ’Men yugundik, kat nene yoso kondoro iri kud turuk, mbiri-o’ yak turak nde ndag-a?

LUKAS 2:2

Nde, nandug-e tel korogolat wanat inpiga tarem-e Kirenius na-ge Siria nggweyak pem iri me gubernor worasola tarem-nen-o.

LUKAS 4:14

Iri lug-e, Konak Indi amawi at imin worasola-ge, Yesus na-ge tuguruk Nggalilea wok yij-o. Wok yosoloma, at obog-e o iri me pidsa wigak yij-o.

LUKAS 4:38

Yesus na-ge tepan yugwi ma-nen mberarik, Simon ama nggwidnggal-e, Simon owan iri-ge kugi embem wuloksa wiridnak worasola-ge, kwe na yongga wuruwaklug-e, ap-nen Yesus yak tiga-o.

LUKAS 5:15

Alat nde, Yesus-nen kwaridnak wene na nggok ma wigak yil mborosolar-e, ab-e kwarat lombok at-nen yidnak wene kulurak pem-nen na, it kugi worak woraidnak ki rak unpurak pem-nen na at eram lobok yugwi komo woraiga-o.

LUKAS 5:24

Alat nde, nggweyak ma yu me-nen ap meya yidnak amberam tak purak amawi-ge Ap Ambara wok tidnak-nen yusu-o luk yenggerak kabog-o” luk yak indij-o. Iri yak undurug-e, at-nen kambung puk tak woraso nap na yak tosolar-e: ”Kar-e men luk, nene yoso kondoro kud turuk, kama mbiri-o luk yak kirigi-o!” luk yak tij-o.

LUKAS 7:17

Nde, Yesus obog-e Yurea wi pidsa min o eralu na min-e pidsa wigak yij-o.

YOANES 10:21

Nde, it erep-nen yogolar-e: ”Kugi enarem nggwidnak nap-nen-e wene iri nggal yugwi bug-o. Enlengen ngguru yidnag-e kugi-nen-e ndak kuwarak poso-a?” luk yiga-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 15:23

Lenak unpurug-e, engga mbarak ininggim piga-o. Nde, engga iri bem-nen yogolar-e: ”Kit kennggamirak wirik inpidnak nap min ogore yidnak nap min-nen-e nennggamirak tak inpidnak enlem nin nap Antiokia min Siria min. Kilikia min woragwi nap kit pidsa ’Wiwa-o’ luk yak kindili-o.

YIDNAK YIDNAK WENE 15:41

Iri lug-e, Paulus na mborosolar-e, o Siria min Kilikia min waring kasolar-e, lambuk tak inpidnak nap na inndi lem ya bil waring kagaij-o.

YIDNAK YIDNAK WENE 28:9

Iri kwaridnak karug-e, yi terapmu iri me woragwi kugi worak nap erep na lobok yogola-ge, ki rak onposolat woragaij-o.

YIDNAK YIDNAK WENE 8:7

Ap enarem lin yidnak kugi iri-ge kum nggulok yuruk enarem-nen mborogolat, kambung puk tak woragwi nde unuwok nggorak woragwi nde ki rak onposolat woragaij-o.

YOSUA 6:27

Nde, Nagawan Indo-ge Yosua imin woralat, Yosua anggu obog-e o iri me wigak yij-o.