MATIUS 4:23 - Nanduk Ngget Tul Pidnak Wene

²³ Yesus na-ge o Nggalilea uwi iri me oboksa waring kasolar-e, Mbal Pem Nagawan uwi worak ma-nen ap mul ondosolat, Mbal Pem Nagawan-nen tenagaidnak wi wene na ap yak ondosolat, ap kugi worak min kugi nin tak nan tak enpem mbidnak nap min ki rak inpil waring kagaij-o.

MATIUS 4:23 ပူးပေါင်းရင်းမြစ်များ

NDAWI ENGGA 103:3

Kat-nen meya kwaroso oboksa at-nen lak tak pusu-o. Kat-nen kugwi kebem mboso oboksa-ge at-nen ki rak kubusu-o.

MATIUS 11:5

Enlengen ngguru nap na enlengen kuwarak posolat, onowak wat yidnak nap na tula nugwi rak onposolat, ndigiril laso mbijap enpem mbidnak nap na ambut tak onposolat, eneyanggo lak nap na wene kologolat, wat yidnak nap na unluk tak posolat, insilobulo lak nap na aid wene yak ondosolat kwarusu-o.

MATIUS 12:9

Yesus na-ge o iri me keya buruk mberarig-e, it-nen idnak tepan yugwi ma iri me nggwij-o.

MATIUS 13:19

Ap misig-e Mbal Pem Nagawan-nen tenagaidnak wi wene iri kulidnag-et nde, indi-nen yebet kasu buk ala-ge, Sere na lobok luk, at arem pil kaidnak uwi iri na mengga waruk mburusu iri-ge uwi tulabiyem mbidnak iri nggal-nen yusu-o.

MATIUS 13:54

at ambik ama elem ma iri me mbirij-o. Mberarik, it-nen tepan yugwi ma iri me yak ondolat worasola-ge, at-nen yak indidnak wene iri kuliga nab-e wi langgu mbarogolat-nen yogolar-e: ”At yu-ge indi nggat nggat elem min kwiye worak mende kwarurak amawi min-e ngge me-nen wanij-o?

MATIUS 14:14

Yesus na e koma arem-nen kenangga mbidnggal-e, ap kwarat eneyaruk, at-nen it enabuwa yuruk, indi andi luk, kugi worak nap ereba na-ge ki rak inpij-o.

MATIUS 24:14

Nde, Mbal Pem Nagawan-nen tenagaidnak wi wene, aid wene iri-ge ap pidsa-nen enaru makluk, yi wi ndi wi oboksa yak indil nuwa-o. Iri rak puruk-net woroksiyem-e wok ma-o.”

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

MATIUS 9:35

Iri luk, Yesus na-ge o siri nggulok me wok, o siri marik me wok, oboksa waring kasolar-e, Mbal Pem Nagawan uwi worak ma-nen Mbal Pem Nagawan-nen tenagaidnak wi wene aid wene na yak ondosolat, yi kugi ndi kugi enpem mbidnak nap min andi bandi enpem mbidnak nap min ki rak inpil waring kagaij-o.

MARAKUS 1:14

Yoanes na o kubu me pikma worala-ge, Yesus na-ge o Nggalilea wi Mbal Pem Nagawan-nen yidnak aid wene yak indil indil mborosolat-nen

MARAKUS 1:21

It na-ge mbirigarig-e o Kaperenaum wi wok yil nggwiga-o. Nde, we woragwi tarem Yesus-e Yawuri nap tepan yugwi ma nggwarik, ap mul ondosolat woragaij-o.

MARAKUS 1:39

Iri lug-e, Yesus na-ge Nggalilea wi oboksa waring kasolar-e, Yawuri nap-nen tepan yugwi ma ya nggwilik aid wene yak indil waring kasolat, kugi wirik pil nosolat woragaij-o.

MARAKUS 3:10

Iri yid iri-ge, at-nen ap kwarat ki rak inpid pem, ap kugi worak kwarat at tenabuwokluk inmik mik lagola-nen yij-o.

MARAKUS 6:2

Mbirigarig-e, we woragwi tarem ar-e Yawuri nap tepan yugwi ma nggwarik, it nggomo ondoso tel korosoma-ge, ap kwarat iri me woraiga-o. Nde, at-nen mul ondoso iri kulurug-e, ir-e wi langgu mbarogolat-nen kin wanogolar-e: ”At-nen yusu wene yu-ge ngge me-nen wanidnag-o? At indi nggat yu nggal yu-ge nggeba-nen aru yidnag-o? Nggesa-nen kwiye worak mende yu nggal yu-ge at inggi-nen kwarusu-o?

MARAKUS 6:6

Nde, it inndi angin tubu yigit lak ala karuk, Yesus-nen wi yij-o. Iri luk, Yesus na-ge o siri marik marik ereba na ya wok nosolar-e, aid wene mul indil nij-o.

LUKAS 10:9

o iri me woraidnak kugi worak nap ki rak onpogolat, o iri me woragwi nap yak ondogolar-e: ’Mbal Pem Nagawan-nen tenagaidnak wi-ge panggo yusu-o’ luk yurag-o.

LUKAS 13:10

We woragwi tarem misik pem Yesus na tepan yugwi ma-nen ap mul ondosolat woragaij-o.

LUKAS 16:16

Nde, ap yi maroso nap Yoanes na wok yigit lak worala-net Musa-nen imiri mbarak pidnak wene min Mbal Pem Nagawan ene lomboksa yugwi nap-nen mbaridnak wene min-e kwat tenak woraiga-o. Nde, Yoanes wok yid kur-nen-e Mbal Pem Nagawan-nen tenagaidnak wi wene aid wene na yak ondogola-ge, Mbal Pem Nagawan-nen tenagaidnak wi iri na me nggogolar-e, pela mbo mbo nggwili-o.

LUKAS 20:1

Misik tarem-e Yesus na Mbal Pem Nagawan ama-nen ap mul ondosolat, aid wene yak ondosolat kwat tenak worasoma-ge, tepan omborak nagawan min imiri mbarak pidnak wene enaru nap min Yawuri nap ennggendumu-nen enne kulugwi nap min-e at eram lobok luk,

LUKAS 4:14

Iri lug-e, Konak Indi amawi at imin worasola-ge, Yesus na-ge tuguruk Nggalilea wok yij-o. Wok yosoloma, at obog-e o iri me pidsa wigak yij-o.

LUKAS 5:17

Misik tarem Yesus-nen ap mul ondosolat worasoma-ge, o Nggalilea-nen na, Yurea-nen na, Yerusalem-nen na-nen lobok yidnak Parisi nap erep min imiri mbarak pidnak wene enaru nap erep min-e iri me koreyak woraiga-o. Nde, Nagawan Indo amawi-ge Yesus imin worala me, kugi worak nap ki rak onposolat woragaij-o.

LUKAS 6:17

Yesus na at owosirak inmin luk ndobo bem-nen mbigarig-e, at imin nugwi nap kwarat inmin-e mbirikmu iri me mendak woraiga-o. Ap mondok kwarat ndok worogolar-e, Yurea-nen na, Yerusalem-nen na yi koma eyak pem o siri Tirus min Siron min-nen na lobok yiga-o.

LUKAS 6:6

We woragwi tarem misik pem Yesus na-ge tepan yugwi ma nggwarik, ap mul ondosolat woragaij-o. Nde, inggi kigit nggwe nggorak nap mbi-ge iri me woragaij-o.

LUKAS 7:21

Nde, ereya tarem-e Yesus-nen kugi worak woraidnak nap kwarat ki rak onposolat, kugi enarem nggwidnak nap kugi wirik onposolat, enlengen ngguru nap enlengen kuwara wok ondosolat kwarij-o.

LUKAS 7:22

Iri lug-e, Yesus-nen it yak ondosolar-e: ”Kenlengen-nen kaidnak nde keneyanggo-nen kulidnak nde Yoanes na yak til mberer-o. Enlengen ngguru nap enlengen kuwarak posolat; onowak wat yidnak nap na tula nugwi rak onposolat, mbijap nggal enpem mbidnak nab-e ambut tak onposolat, eneyanggo lak nap-nen wene kologolat; wat yidnak nap unluk tak onposolat; insilobulo lak nab-e aid wene mul ondosolat, yosola kaige-o luk yak ter-o.

LUKAS 8:1

Marig-et nak woraruk, Yesus-e o siri nggok min marik min pidsa aid wene ya yak indilik, Mbal Pem Nagawan-nen tenagaidnak wi wene konak wene na ya yak indilik nosola-ge, at owosirak ap duabelas na at imin-et niga-o.

LUKAS 9:11

Mborogola-ge, it mbiriga onpok enaru lug-e, ap kwarat na at imbirik mbiriga-o. Mborogola, Yesus-nen imin tak unpurug-e, Mbal Pem Nagawan-nen tenagaidnak wi wene yak ondosolat, ap kugi worak it ennggendumu ki rak onposolat kwarij-o.

LUKAS 9:60

Yosoloma-ge, Yesus-nen at yak tosolar-e: ”Ap wat yidnak iri-ge wat yidnak nap-nen yapma puwag-o. Nde, kar-e Mbal Pem Nagawan-nen tenagaidnak wi wene waruk wigaril waring ki-o” luk yak tij-o.

YOANES 18:20

Kin wok obosoloma-ge, Yesus-nen at yak tosolar-e: ”Ap pidsa wene yak ondosolar-e, an-e pempa ap pidsa inmbiri bem nam-et nak yoso-o. An-e ap mirik onposolar-e, Yawuri nap pidsa ndok wurugwi sa tepan yugwi ma-nen na, Mbal Pem Nagawan ama-nen na mirik onposolat woragi-o. Nde, an-e kurasa wene mbi yoso bug-o.

YOANES 6:59

Wene yu-ge Yesus na Kaperenaum-nen tepan yugwi ma-nen ap mul ondosolat-nen yak indid wene-o.

YOANES 7:1

Iri rak purug-e, Yurea-nen Yawuri nap-nen at wururak peragola karuk, Yesus-e Yurea nggwe waring kudtag-e imbit-nen Nggalilea nggweyak pem waring kasolat woragaij-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 18:4

Nde, we woragwi tarem pempa Paulus na Yawuri nap-nen tepan yugwi ma-nen wene yosolar-e, Yawuri nap min Yunani nap min kwara lombok mirik onposolat woragaij-o.

YIDNAK YIDNAK WENE 20:25

An-e kit kennggendumu waring kasolat-nen Mbal Pem Nagawan-nen tenagaidnak wi wene yak kondosolat woragi nap kit-nen-e tuguruk nerare kagup pug-o luk naru yusu-o.

YIDNAK YIDNAK WENE 28:31

at-nen para yosolar-e, Mbal Pem Nagawan-nen tenagaidnak wi wene na nggomo ondosolat, Nagawan Indo Yesus Kerisut owene na mirik onposolat worala-ge, ap-nen-e: ”Iri yusu-ge meyog-o” luk yak tigit lak yiga-o.

OROMA 10:15

Nde, ap nde wirik inpigit lak ma-ge, nggesa-nen aid wene yak undurag-o? Mbal Pem Nagawan engga mbarak pem-nen yosolar-e: ”Aid wene waruk mbitli nap iri-ge mondok konak lombog-o” luk yij-o.