MATIUS 4:2 - Nanduk Ngget Tul Pidnak Wene

² Nde, Yesus na-ge mburu ninggit lak, lengge-nen kubu-nen empat pulu worarug-e, mburu nere ebem wok yij-o.

MATIUS 4:2 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 19:8

Yosoloma, Elia iri na men yosolar-e, yi min nunggwi mende min ninggij-o. Nuruk, amawi rak purug-e, Mbal Pem Nagawan ondomok-nen nam yaga mirik inpid Ndobo Sinai iri na me mborosolar-e, empat pulu (40) tarem irit mbirij-o.

MBIRIGA WENE 24:18

Wene mbo obosoloma-ge, Musa na-ge lagarik, nggan nggan iri na arem nggwarik woralar-e, lengge-nen kubu-nen empat pulu bem irit woragij-o.

MBIRIGA WENE 34:28

Nde, Musa Sinai ndobo bem Nagawan Indo imin woralar-e, kubu-nen lengge-nen empat pulu tarem woralar-e, nunggwi mende min yi min mondok ninggit lak woragij-o. Mbal Pem Nagawan-nen urul yak indidnak imiri mbarak pidnak wene sepulu iri-ge kerep abak mberen iri na bem mbarij-o.

MATIUS 21:18

Nene luk, kub-e tuguruk o siri na nggwe lobok yosoma-ge, Yesus na-ge nere ebem wok yij-o.

MATIUS 25:35

An nere kasoma-ge, kit-nen-e nunggwi mende mak nirigeb-o. An yi nere ala-ge, yi mak nirigeb-o. An ap sal worasola-ge, kit kenma rak nibigeb-o.

MATIUS 25:42

An nere worala, nunggwi mende mak nirigit lak yigeb-o. Yi nere worala, yi mak nirigit lak yigeb-o.

MARAKUS 11:12

Nde, kub-e it na Mbetania-nen lobok yogolar-e, Yesus na nere ebem wok yij-o.

LUKAS 4:2

Mberarig-e, Sere-nen at indi ngarosolar-e, empat pulu (40) nene yij-o. Nde, iri me woralar-e, ar-e mburu ninggit lak we nak woraidnak me, nere kwarat kagaij-o.

YOANES 4:6

Yakup-nen yi kenanggurak pem nggweyak emnde nenaridnak na-ge o iri me woragaij-o. Nde, Yesus na-ge tula lobok yosolat ababok lak yidnak me, yi emnde mbarak iri na eralu kore yij-o. Nde, iri kore yid iri-ge mo enggendumu nggal kore yij-o. (jam duabelas).

TUGURUK YIDNAK WENE 18:18

It enlem nap ennggendumu-net kat nggal an nene lomboksa yoso nap misik it endam lena wirik pil lobok yimin-o. Nde, an-nen-e at-nen yurak wene-ge yak timin-o. Yak tumu-ge, at-nen-e at-nen yurak wene ebem pimin iri na-ge it yak unduwa-o.

TUGURUK YIDNAK WENE 9:18

Iri luk, tuguruk ndobo bem lagirik, Nagawan Indo eram iri me tud tak worasolar-e, nunggwi mende min yi min ninggit lak lengge empat pulu, kubu empat pulu irit woragi-o. Iri kwarigi iri-ge kit-nen Nagawan Indo erengen pem meya kwarogolar-e, meya-o luk yik kaso iri na kwarogola, at isilepma yosola-nen kwarigi-o.

TUGURUK YIDNAK WENE 9:25

Iri kwarogola, Nagawan Indo-nen lak tak kunpurak wat tak pidnak karug-e, Nagawan Indo eram nerare nggwe tud tak worasolat, lengge empat pulu, kubu empat pulu irit woralat-nen tepan yosolar-e:

TUGURUK YIDNAK WENE 9:9

Nde, an-e Nagawan Indo-nen kit kinmin kondosolat, urul pidnak wene mbarak kerep iri na waneyekluk Sinai ndobo bem lagirik worasolar-e, lengge empat pulu, kubu empat pulu woralar-e, nunggwi mende min yi min ninggit lak woragi-o.