MATIUS 4:10 - Nanduk Ngget Tul Pidnak Wene

¹⁰ Yosoloma-ge, Yesus-nen at yak tosolar-e: ”Kat Sere yu-ge mbiri-o! Mbal Pem Nagawan Engga mbarak pem-nen yosolar-e: ’Kat-nen-e Nagawan Indo Kembal Pem Nagawan nak kek tak uburuk, at arig-et nak ndegel obosolat wolmin-o’ luk yij-o” luk Yesus-nen yak tij-o. [

MATIUS 4:10 ပူးပေါင်းရင်းမြစ်များ

AYUP 1:12

Yosoloma, Nagawan Indo-nen Sere iri na yak tosolar-e: ”Iri ala-ge, ob-o. At arengge mende ereba oboksa kat-nen-e kindi-nen pidnak ereba kwari-o. Alat nde, at ebe perak marig-et tet andi bandi rak purak pug-o” yosoloma, Sere iri na-ge Nagawan Indo eram-nen mbirij-o.

AYUP 1:6

Nde, misik tarem-e aid arem woragwi ereba na Mbal Pem Nagawan eram ndok worogola-ge, at Sere na inmin-et wok yij-o.

AYUP 2:1

Misik tarem aid arem woragwi ereba na Nagawan Indo eram tuguruk ndok wiriga-o. Iri yogola-ge, Sere iri na min-et it inmin ndok wirij-o.

MBIRIGA WENE 23:25

Kit-nen nde Nagawan Indo Mbal Pem Nagawan an nerembel wanogola-ge, yi min nunggwi mende min-e wog-et kindimin-o. Kugwi na kunduwa naru, oboksa lak tak pimin-o.

MATIUS 16:23

Yosoloma-ge, Yesus na nden karuk-nen Peterus na yak tosolar-e: ”Sere wa-e. Kar-e an nombol nggwe mbiri-o. Kar-e an nuwok pijaksa mbud tak nuburak kerep nggal-nen yusu-o. Kat-nen perasu mende iri-ge Mbal Pem Nagawan-nen peraso nggal-e lag-o. Nggweyak ma nap-nen peragwi mende nak perasu-o” luk yak tij-o.

MARAKUS 1:13

Nde, Sere-nen at indi nggarosolar-e, karu me ap lak ma iri me empat pulu nene yij-o. At iri me worasolar-e, eyak wirik eyak worak mende enggendumu worasola, aid nap-nen-e at ndegel obogolat woraiga-o.

LUKAS 10:18

Yogolikma-ge, Yesus-nen it yak ondosolar-e: ”Sere-ge obinel yebek yidnak nggal mbal pem-nen mbuwasola, kagi-o.

LUKAS 11:18

Iri nggal-et Sere-nen tenagaidnak wi arem-nen nde Sere nde lambuksa woragit lak, kuri worak woragolat erep-nen erep min wim ngarak woragola-ge, Sere-nen tenagaidnak wi kwasa wolma-ge, lag-o. Irit nde, kit-nen yogolar-e: ’Mbelsebul-nen amawi wok korosola, kugi wirik pusu-o’ luk yak nirigeb-o.

LUKAS 13:16

Nde, Abaram-nen wigarak kwe yu-ge Sere-nen kamarak puruk olengen delapan belas pem woraidnak yu-ge we woragwi tarem-nen wisirik uburag-e meya-a?” luk yij-o.

LUKAS 22:3

Misik tarem-e Yesus imin nugwi nap ap duabelas ennggendumu Yuras unu misik Ikariot na arem-e Sere nggwij-o.

LUKAS 22:31

Yuruk, Yesus-nen yosolar-e: ”Simon wa-e. Simon wa-e. Kuli-o! Ap-nen yi mende ndi mende engen arik lena bogolat, owak min aboro min keya bili na nggal, iri nggal-et Sere-nen kit pidsa kinndi ngareyekluk Mbal Pem Nagawan emengen mbarij-o.

LUKAS 4:8

Yak tosoloma-ge, Yesus-nen at yak tosolar-e: ”Mbal Pem Nagawan engga mbarak pem-nen yosolar-e: ’Kenmbal Pem Nagawan nak erembel wanogolat, at nak ndegel obogolat wolmomtag-o!’ luk mbarak worasu-o” luk yij-o.

YOANES 13:27

Wok tosoloma, Yuras-nen oroti mburu na tenagosoloma, ereya na-net Sere at arem nggwij-o. Nde, Yesus-nen at yak tosolar-e: ”Kat-nen kwarurak peraigen-e ndag-et nak kwaril mbiri-o” luk yak tij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

YIDNAK YIDNAK WENE 5:3

Posola-ge, Peterus-nen yosolar-e: ”Ananias wa-e. Noluk-nen kar-e Sere karem yebet yosola, Konak Indi min yubul posolat nggweyak onggo pidnak tol ereb-e kat menggesa yimndigen-o?

1 KORINTUS 5:5

Nagawan Indo-nen idnak Tarem-nen at indi imiri yuwakluk, iri kwaridnak nap iri-ge Sere eram kegera per-o, at ebe lak tak puwakluk.

1 KORINTUS 7:5

Kir-e inmin nene yugwi iri bem-e yuk puk yurak pug-o. Nde, kit kenmberek wene mbarogolar-e: ”Tepan yogolat wolmok-nen-o” yuruk, iri kwarurak na keya buruk, tepan yurag-o. Yurug-e, kit kondomok-nen mamak purag-e meya me, Sere-nen kinndi ngaruwa naru, kenmberek lambuk yurag-o.

2 KORINTUS 11:14

Iri kwatli iri bem-e wi yurak pug-o. Sere-nen na eyaya worak aid nap nggal kwat yoso-o.

2 KORINTUS 12:7

Nde, nam tak pidnak mende kwiye worak mende kagi iri bem an nindi kek ma naru, isile misik an norosolat wolmakluk an narem nggegetsa pij-o. Isile iri-ge Sere-nen ibil lobok yidnak an nindi teberak wolmakluk an nindi nggambu woroso-o.

2 KORINTUS 2:11

Sere-nen nit urugwe nggwe rak nunpuwa naru-nen iri-ge kwatli-o. Sere indi-ge nenaru nar-o.

TUGURUK YIDNAK WENE 10:20

Nagawan Indo Kenmbal Pem Nagawan nak kek tak obogolat, at erembel nak wanurag-o. Mondok tugup lak pempa at-nen yidnak nak kwarogolar-e, at unu bem nak owak mbarogolat wolmer-o.

YAKOBUS 4:7

Iri ala-ge, kir-e Mbal Pem Nagawan eram tebe yer-o. Sere na lobok yosola-ge, kit kunsuru ndere yer-o. Iri yogola-ge, kit kendam-nen kwiye mburuwa-o.

YOSUA 24:14

Yosoluk yarik, wene erep min-et Yosua-nen yosolar-e: ”Kir-e kinndi mbek tak pem-et Nagawan Indo kek tak pogolat, at ndegel obogolat kinndi-net tugup lak irit wolmer-o. Nanduk konmborak Mesopotamia min Mesira min woragolat-nen erembel wanogolat woragwi kugwiwak ereba-ge mondok keya buruk, Nagawan Indo nak ndegel obogolat wolmer-o.

1 PETERUS 5:9

Kennggamirak Kerisut ebem inndi angin tubu yidnak nap yi wi ndi wi worali na kit andi bandi kali nggal-et kali iri-ge kenaru me, Kerisut ebem kinndi angin tubu yigep pem tugup lak woragolar-e, Sere imin kunsuru ndere yer-o.

1 SEMUEL 7:3

Iri yogola, Semuel-nen Isarael nap yak ondosolar-e: ”Kit-nen nde mondok kinndi min-net tuguruk nden karuk, Nagawan Indo eram mbutluk Nagawan Indo kek tak purak yogola-ge, nin nap unkugwiwak min kugwi Ndewi Asoret ndak worak min mondok keya buruk, kenpe-ge mondok ndemeret ndemeret kegera Nagawan Indo eram nak pogolat, at nak kek tak pogolat wolmomtag-o. Iri kwarogola-ge, Pilisin nap ininggem-nen wisirik kunpuwa-o” luk yak indij-o.