MATIUS 4:1 - Nanduk Ngget Tul Pidnak Wene

¹ Iri luk, Sere-nen at indi ngaruwakluk Konak Indi-nen Yesus ndemil uburuk karu me mbirij-o.

MATIUS 4:1 ပူးပေါင်းရင်းမြစ်များ

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

1 NAGAWAN NAGAWAN-NEN KWARIDNAK WENE 18:12

Nde, erep-nen-e an yu me-nen mborosola-ge, Nagawan Indo Indi-nen kar-e waga an naru buk sa nin me nde kubuwa nde ma-o. Nde, erep-nen-e an-nen nde: ’Elia na-ge endeba worasu-o’ luk Akap yak timindik pem kogore yuwarik, lak ala karug-e, an nde nuruwa-o. An-e ndemeret marik pem-net Nagawan Indo erembel wanoso iri-ge karu nar-o.

2 NAGAWAN NAGAWAN-NEN KWARIDNAK WENE 2:16

yogolar-e; ”Nit nenpe lima pulu yu-ge nenmawi worak nak worali-o. Iri ala-ge, kat keid Elia iri-ge ogwere yil mburuwog-o. Erep-nen-e Nagawan Indo Indi-nen waruk mberarik, ndobo bem, lak? Are, mbirikmu, lak? ereba me nde mberak pidnak worasu nde kwat ma-o” luk yak tiga-o. Alat nde, Elia-nen yosolar-e; ”Mbururag-e lag-o” luk yak indij-et nde,

YESKIEL 3:12

Iri yosola-ge, Mbal Pem Nagawan Indi-nen an-e lek neyaruk lagaij-o. Iri yosola, nombol nggwe-nen ene o nggu nggal pem-nen yosolar-e: ”Nagawan Indo aid arem iri me abinal worak woraso iri na erembel wanurag-o!” yosola, kuligi-o.

YESKIEL 3:14

Iri yosoma-ge, Nagawan Indo Amawi Mondok Kwiye Worak irit an nebem mbuwasolar-e, kud norosolat ereya na-net Konak Indi-nen wok nuburuk mborosola-ge, mondok nindi min ngari luk, nisilepma yigi-o.

YOANES 14:30

Nggweyak yu tena woraso na panggo yusu me, wene mor-et yak kindimin pug-o. At iri-ge an nimin ndak ndag-e lag-o, teberak-net yusu-o.

YIDNAK YIDNAK WENE 8:39

Nde, ir-e yi ma-nen wigarik pem-e Nagawan Indo Indi-nen Pilipus na lomboksa wirik posola-ge, iyiri wabidnak nab-e kagit lak yij-et nde, at na mborosolar-e, alen min-et mbirij-o.

OROMA 8:14

Nde, Mbal Pem Nagawan Indi-nen ndemil unpuruk waring kaso nab-e Mbal Pem Nagawan ilirak-nen yili-o.

IBERANI 2:18

Nde, at indi ngarosola, andi kasolat woragaid na bem-e nin nap inndi ngarosola, at-nen-e it yongga undurak iri-ge ndak-nen yusu-o.

YAKOBUS 1:14

Alat nde, at ondomok ukwe ukwe iri na-net ap indi ngarosola, at indi ebem perek turuk, at ondomok ombol pem lasu-o.