MATIUS 3:6 - Nanduk Ngget Tul Pidnak Wene

⁶ it nen meya yidnak parogola-ge, Yoanes-nen yi Yorodan arem yi ma onposolat woragaij-o.

MATIUS 3:6 ပူးပေါင်းရင်းမြစ်များ

ESERA 10:1

Nde, Esera iri na yip tosolat-nen Nagawan Indo uwi iri na eralu-nen meya yidnak parosolat tepan yosola-ge, Isarael nab-e ap-nen kweyap-nen li marik-nen kwarat yip sa nggwa at eram ndok wiril lobok yiga-o. Lobok yogolar-e, at lop lop wiriga-o.

NDAWI ENGGA 32:5

Iri ala karuk, an meya yidnag-e mbi kura bigit lak, oboksa kat kimbiri bem parigi-o. An-nen meya kwaroso mbi narem kura bigit lak yigi-o. An-nen-e: ”An meya yidnag-e Nagawan Indo eram pareyeg-er-o” luk parosola-ge, kat-nen-e an meya yidnag-e oboksa kamberam tak pigen-o.

YESKIEL 36:25

Iri rak kunpurug-e, yi kopkap lak pem nggweyel yaga kenpem pimin iri-ge kit-nen erembel wanugwi kugwiwak oboksa min kik tak onposo mende-nen kit kopkap tobok tak kinpidnak ereba min oboksa masa labuk yobokluk-nen kwarimin-o.

NDANIEL 9:4

Iri yosolar-e, an nelem nap-nen meya kwarugwi ereba na-ge para Nagawan Indo Nembal Pem Nagawan yak tigi-o. Iri yosolat, an-nen yosolar-e: ”Nagawan Indo kar-e mondok nggok ala karuk, nir-e kat nak kek tak kibili-o. Kat-nen ’Kwat kinpimin-o’ luk urul yak indidnak ereba na-ge ndak ndag-et kwat onposolat, kat kabuwa kagolat, kat-nen it enpem pidnak ereba na ndak ndak kwarogolat yugwi nab-e kat-nen-e pempa enabuwa kaso-o.

TEPAN OMBO-NEN KWARURAK WENE 16:21

Iri rak purug-e, Arun-nen-e inggi mberensa-t wam iri na anggul bem puruk, Isarael nap-nen meya kwarugwi min lugudtak kwarugwi min it-nen wene kwid tugwi min oboksa para kambing iri na anggul pem yatku purug-e, wam iri sera wirik purak nap lenak iri na-nen-e ap lak ma ereba wirik purag-o.

MATIUS 3:11

Kit meya yidnak keya buruk, kondok yili iri bem-net an-nen yi ma kunpusu-t nde, an nimbirik lobok yuwa nap-nen perak nde Konak Indi bem kanduk pem yi ma kunpuwa-o. At iri-ge an nggal-e lag-o. Amawi worak terak minik me, an nggal-nen at ijok sum na waruk nurak tet meya-o.

MARAKUS 1:5

Yosoloma-ge, Yurea nggweyak pem woragwi nap min o Yerusalem woragwi nap min pidsa at eram lobok yogolar-e, it meya yidnak parogola-ge, yi Yorodan arem yi ma onposolat woragaij-o.

LUKAS 1:16

At iri-nen-e Isarael nap tuguruk nden yaga Nagawan Indo it Enmbal Pem Nagawan eram inpil lobok yuwa-o.

LUKAS 3:16

Yogolikma-ge, Yoanes-nen it pidsa yak ondosolar-e: ”An-e we yi bem mat kunpusu-t nde, an-e teberak-nen yusu-o. An nimbirig-e ap nggulok mbi lobok yuwa-o. An nggal-nen-e at ijok sum kere wusururag-e meya-o. At iri-nen-e Konak Indi bem, kanduk pem yi mat kunpuwa-o.

YIDNAK YIDNAK WENE 1:5

Nde, Yoanes-e we yi bem nak-nen ap yi marosolat woragaij-o. Alat nde, mariget nggal worarug-e, kir-e Konak Indi bem-nen yi mat kunpuwa-o” luk yak indij-o.

YIDNAK YIDNAK WENE 11:16

Mbuwasoloma-ge, Nagawan Indo-nen yosolar-e: ’Yoanes-nen-e we yi bem ap yi ma inpij-et nde, kir-e Konak Indi bem-nen yi ma kunpuwa-o’ luk yidnak wene iri na nindi yebet kagi-o.

YIDNAK YIDNAK WENE 19:18

Nde, it inndi angin tubu yidnak nap, ap kwarat-nen lobok yogolar-e, it-nen na meya iri nggal kwaridnak na para nam tak piga-o.

YIDNAK YIDNAK WENE 22:16

Nde, yawo-ge kar-e noluk kindi tusuruk yusu-o? Men yi-o. Yi ma kobosola, Nagawan Indo unu luk wene mbo bosola-net kat meya yidnak masa lak tak puwa-o’ luk yak nirij-o.

1 KORINTUS 10:2

Ir-e Musa imbirik mburugwi nap kwat makluk, nggan nggan min yi koma min-nen mat inpij-o.

KOLOSE 2:12

Nde, yi mat kinpiga iri-ge, kir-e Kerisut imin-et yapma kinpiga-o. Nde, yi ma-nen waigeb-e, wat yidnak nap ennggendumu-nen Kerisut uruk tak pid Mbal Pem Nagawan na amawi bem kit kinndi angin tubu yigep pem-e, kit na Kerisut imin totno kunluk tak kinpij-o.

IBERANI 6:2

Nde, wene owak iri erep na, ap yi ma unpugwi wene min enanggul tenakwi wene min ap wat yidnak unluk yurak wene min meya yidnak onggo enpem wene mbaruwama, pempa andi bandi kerenak wolmomtak wene min iri-ge keya buwog-o.

IBERANI 9:10

Nde, Mbal Pem Nagawan amanggim pugwi iri-ge nunggwi mende nde, yi nunggwi nde, yi mende ndi mende yi marugwi wene nde iri-ge we enaboro-nen kwarugwi mende-o. Iri kwarugwi iri-ge kwat tenag-et worakmu, Mbal Pem Nagawan-nen ngget kwarak puwa tarem wok yosola-nen keya burag-o.

YAKOBUS 5:16

Iri bem-e, kit ki rak kunpuwaklug-e, kit na kit-net meya yidnak pal kerak mbogolat, kit na kit-net tepan pegerak mbogolat wolmer-o. Lud tak nak kwaroso nap-nen indi angin tubu yosolat-nen tepan yusu iri-ge amawi kwarat-nen yusu-o.

YOSUA 7:19

Iri ala karuk, Yosua-nen Akan yak tosolar-e: ”Nambara-o. Nagawan Indo Isarael nap Enmbal Pem Nagawan imbiri bem-et kat-nen kwarigen para yi-o. Mondok kuragurak pug-o. Mondok nam-et para yak niri-o” yak tij-o.

1 PETERUS 3:21

Nde, yi lagaid iri-ge yawo yi ma konpogola kinmiri yusu iri ut mimirik-nen yusu-o. Yi ma kinpili yu-ge kenaboro kusimin mat makluk-nen yi ma kinpili-ge lag-o. Are, kinndi konak mbek tak pem Mbal Pem Nagawan imin kondogolat urul yak tigep iri bem-nen kinmiri yusu iri-ge Yesus Kerisut uruk agaid na bem-net kinmiri yusu-o.

1 YOANES 1:9

Mbal Pem Nagawan-e mot mot nak, ndung tak na kwaroso me, nit-nen meya yidnak para yak togola-ge, nit meya yidnag-e at amberam tak puruk, nit meya yugwi mende pidsa marak nunpuwa-o.