MATIUS 3:17 - Nanduk Ngget Tul Pidnak Wene

¹⁷ Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

MATIUS 3:17 ပူးပေါင်းရင်းမြစ်များ

NDAWI ENGGA 2:7

Nagawan-nen yosolar-e: ”Nagawan Indo-nen ’Irit kwaruwa-o’ luk yidnak wene-ge an-nen yimin-o. At-nen an yak norosolar-e: ’Kar-e an Nambara-o. Yawo-net kat keid kwat yusu-o.

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

YESAYA 42:21

Inmiri yurak iri-ge Nagawan Indo-ge alen kwarar-o. At-nen yidnak wene ndak ndak kwarogolat, kek tak purak iri-ge ar-e mondok indingen-o.

MATIUS 12:18

”Yu-ge an ndegel noboso nap, an-nen len ibigi nap-nen yusu-o. Abuwa worak, nindi kundik na ebem nalen kasu-o. An Nindi-ge at ebem pimin-o. An-nen ap enpem mbarimin wene-ge at-nen-e ap enlem oboksa yak unduwa-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

MARAKUS 1:11

Iri lug-e, aid arem-nen ene pil mbuwasolar-e: ”Kar-e an Nambara nindi kundik-nen yusu-o. Kat kebem an nalen kasu-o” luk yij-o.

MARAKUS 9:7

Yosoloma-ge, nggan nggan mbi-nen it muruksa keya onposoloma-ge, nggan nggan arem-nen ene mbi-nen yosolar-e: ”Yu-ge an Nambara nindi kundik-nen yusu-o. At ene nak koler-o” luk yosola kuliga-o.

LUKAS 3:22

Konak Indi-ge towe nggwende nggal luk, at ebem mbuwagaij-o. Nde, aid arem-nen ene pil mbuwasolar-e: ”Kar-e an nambara nindi kundik-nen yusu-o. Kar-e an nindi alen tak pusu-o” luk yij-o.

LUKAS 9:35

Nde, nggan nggan na arem-nen ene iri-nen yosolar-e: ”Yu-ge an Nambara, an-nen len ibidnak nap-nen yusu-o. At-nen yidnak wene nak koler-o!” luk yij-o.

YOANES 5:20

An Neid-nen at Ambara an nabuwa luk, at-nen kwaroso mende pidsa-ge an mirik nubusu-o. Nde, Neid-nen kwaroso mende oboksa mondok nggok lombok ninggem posola, kit pidsa-nen-e wi yugub-o.

YOANES 5:37

Nde, wirik nibil lobok yidnak nap an Neid-nen na irit an nowene kenggel kundusu-o. Irit nde, kit-nen-e at ene na kulugwi buk, at erare na kagwi buk me,

EPESUS 1:6

Mbal Pem Nagawan-nen we wok ondoso elem abinal worak iri bem na, at Ambara abuwa worak iri na ebem—nen we wok nindid iri bem na at erembel wanuwog-o.

KOLOSE 1:13

At-nen-e ndamuk inggem-nen weserak nunpuruk, at Ambara abuwa worak-nen tenagaidnak wi ninpil lobok yij-o.

2 PETERUS 1:17

Eid Mbal Pem Nagawan-nen Yesus kek tak paga nggok tak obosolar-e, Mondok Abinal worak Kek tak Nap-nen at imin yosolar-e: ”Yu-ge an Nambara nindi kundik-nen yusu-o. At ebem an nalen kasu-o!” luk nit ninmbiri bem-et yosola, kulige-o.

1 YOANES 5:9

Nggweyak ma nap-nen kinggitli wene wanili-t nde, Mbal Pem Nagawan-nen kinggiridnak wene-ge terak minik nggulok-nen yusu-o. Nde, Mbal Pem Nagawan-nen Ambara owene kenggel nindidnak wene-ge yu-o.

NAM PARA WENE 14:2

Nde, an kuliginggal-e, aid arem-nen ene misig-e yi ugul nggok wud kasolat ene min o nggu nggok ene lu nggal irit kuligi-o. Nde, ene iri-ge kecapi poba yugwi nap-nen onpoba ene yogola, ene yoso nggal-et kuligi-o.