MATIUS 3:16 - Nanduk Ngget Tul Pidnak Wene

¹⁶ Nde, Yesus na yi ma obosoloma, yi ma-nen pilaksa men yosola, ereya na-net mbal ngak yosoloma, Yesus erengen lik kagaidnggal-e, Mbal Pem Nagawan Indi-ge towe nggwende nggal yebaluk at ebem mbuwasola kagaij-o.

MATIUS 3:16 ပူးပေါင်းရင်းမြစ်များ

YESAYA 11:2

Nagawan Indo indi-ge at ebem woralat, indi ngarak, indi nggat nggat worak tak ubuwa-o. ”Yu nggal kwarurag-o” luk kwaroso abam irit kwarak puwa-o. Mbal Pem Nagawan indi-n pidnak aru yosolat, at indi aye worak irit wolma-o.

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

YESKIEL 1:1

Olengen tiga pulu iri arem waneya empat, tanggal lima iri-ge Yoyakin iri na mbo unpugwi sa ereba ibil mbirikma woralat olengen lima bem tak posoma-ge, Mbusi ambara tepan ombo Yeskiel an-e Yawuri nap erep mbo inpidnak ereba na inmin Mbabel iri me Yi Kebat eyak pem ereba woraige-o. Worakmu, mimo mbal tu kuwak yosolar-e, an-nen nabi nggal pem Mbal Pem Nagawan irit kagi-o. Nagawan Indo-nen an nimin wene yosola-ge, at amawi-ge an nebem mbosola kagi-o.

MARAKUS 1:10

Yi ma-nen pilaksa men yosolat ereya na-net lik kagaidnggal-e mbal ngak yosolar-e, Konak Indi-ge towe nggwende nggal at ebem yebaluk mbuwasola kagaij-o.

YOANES 1:51

Iri luk, Yesus-nen at yak tosolar-e: ”An-e ndemeret yak kurusu-o. Aid arem tu kuwak yosola, Mbal Pem Nagawan-nen idnak aid nab-e Ap Ambara an nebem lagolat, mbuwagolat yogola kagun-o” luk yij-o.

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

YIDNAK YIDNAK WENE 1:22

Yoanes-nen Yesus yi ma bid kuri-nen at nit nendam-nen laidnak kuri, nit ninmin woraidnak nap misig-e nit ninmin lambuksa Yesus uruk yidnak wene kunggurugwi nap irit mag-o” luk yij-o.

YIDNAK YIDNAK WENE 7:56

at-nen yosolar-e: ”Yu nde ker-o. An-e aid arem tu kuwarak worala, nde, Ap Ambara-ge Mbal Pem Nagawan inggi kigit nggwe mendak worala kasu-o” luk yij-o.

1 YOANES 5:6

Yesus Kerisut lobok yid iri-ge at yi ma purak yi min at wat momtak eyabi min imin lobok yij-o. Yi nak waruk lobok yigit lag-o. Are, yi min eyabi min-et waruk lobok yij-o. Konak Indi iri-ge lud tak nak yoso me, at-nen-e ”Wene yu-ge ndemerer-o” luk kunggurusu-o.