MATIUS 28:7 - Nanduk Ngget Tul Pidnak Wene

⁷ Karug-e, ndaget nak at owosirak yak indil mborogolar-e: ’At iri-ge wat yidnak nap ennggendumu-nen uruk lug-e, kit kentaremok nggwe Nggalilea mburusu-o. Iri me-nen kagub-o’ luk yak ender-o. Wene iri-ge ndemeret yak kindigi-o” luk yak indij-o.

MATIUS 28:7 ပူးပေါင်းရင်းမြစ်များ

YESAYA 44:8

An nelem nap wa-e. Kwiye yogolat, wendet yogolat yurak pug-o. O nanduk-nen kuri yawo-ge kwat momtak mende-ge an-nen urul poso-ge kir-e mondok kenaru iri nar-o. Kura onposo nap erep mbi worali bug-o. Iri-nen an-nen na eneyaso bug-o” luk yij-o.

YESAYA 45:21

Kit-nen konowene nam-et nak yak nerer-o. Ndemerer-o luk yurak wene-ge para nam-et nak yer-o. It ereba-ge lambuksa wene mbaruwag-o. Ta-nen nanduk-net wene iri-ge wigarosolat, kenaru rak posolat kwaramu-o? Nagawan Indo an-net kwarukmu-o. Kugwiwak Mbal Pem Nagawan an nggal misik mbi worasu-ge lag-o. An-e mot mot kwarosolat, inmiri yosolat Mbal Pem Nagawan-nen yusu-o. An nggal nin mbi worasu bug-o.

MATIUS 24:25

Kwara kinndi yebet ker-o. Awo kwarigit lak ma-net yak kindigi nar-o.

MATIUS 26:32

Alat nde, an nuruk yimindig-e, kit kentaremok Nggalilea mbirimin-o” luk yij-o.

MATIUS 28:10

Alama-ge, Yesus-nen it yak ondosolar-e: ”Kwiye kali-ge meyog-o. Mburugupndig-e, an naggamirak na-ge Nggalilea mberer-o luk yak indil mberer-o. Iri me-nen an niyujwa-o” luk yak indij-o.

MATIUS 28:8

Iri rak puruk, kwami na kwiye min-et nde, enalen kwarat luk at owosirak wene na yak unduwokluk ndaget nak puburak mbiriga-o.

MARAKUS 14:28

Alat nde, an tuguruk nuruk tak nubuwama-ge, an-e kit kentaremok Nggalilea mbirimin-o” luk yij-o.

MARAKUS 16:10

Nam yosola karug-e, kwe na mberarig-e, iri wene-ge Yesus imin nugwi nap at ubud-nen tabun puruk worali nap na yak indil mbirij-o.

MARAKUS 16:13

Nam yosola karug-e, it na mbirigarig-e, at imin nugwi nap erep na yak indiga na-t nde, it-nen-e wene na ndemerer-o luk peragit lag-o.

LUKAS 24:34

Nde, it-nen ap mberen na yak ondogolar-e: ”Nagawan Indo na ndemeret uruk yamu-o! At na at-net Simon imbiri bem nam agaij-o!” luk yak indiga-o.

YOANES 14:29

Nde, wene yawo yu-ge pidsa awo kwarigit lak ma-net yak kundusu yu-ge, iri ebe kwat yosola-ge, kit yenggerak pobokluk-nen yak kundusu-o.

YOANES 16:4

Alat nde, wene yu yak kindigi yu-ge, iri kwat kunpurak tarem wok yosola-ge, ’E! Iri yak nindid nar-o’ luk yeberak worabok-nen yak kindigi-o. An-e kit kinmin worasolat me, wene yu-ge nandug-et yak kindigit lak woragi-o.

1 KORINTUS 15:4

Wat yosola-ge, yapma pikma mberen naruk, kenan tak purak pem-e Mbal Pem Nagawan engga bem-nen mbarak iri na ndak ndag-et at uruk tak pij-o.

1 KORINTUS 15:6

Iri rak purug-e, misik tarem-et nennggamirak enpe kwarat limaratus (500) ombol nggwe nggal inmbiri bem nam yij-o. Nde, iri kaiga nap ap kwarar-e yawo na unluk worali-t nde, ereb-e wat yiga-o.