MATIUS 28:6 - Nanduk Ngget Tul Pidnak Wene

⁶ At iri-ge yu me-ge lag-o. At-nen-e: ’Nuruk yimin-o’ luk yoso nggal-et uruk agaij-o. At mbinggirik woragaid sa na kil lobok yer-o.

MATIUS 28:6 ပူးပေါင်းရင်းမြစ်များ

MATIUS 12:40

Nde, Yunus na-ge keyane nggulok iri arem woralar-e, kubu-nen lengge-nen kenan tarem woragaij-o. Nde, iri nggal-et Ap Ambara na-ge nggweyak arem woralar-e, kubu-nen lengge-nen kenan tarem wolma-o.

MATIUS 16:21

Iri tarem-nen Yesus na tel korosolat, at owosirak yak ondosolar-e: ”An-e mondok Yerusalem mbirimin-o. Mburumu-ge, ogore yidnak nap nde tepan omborak nagawan nde imiri mbarak pidnak wene enaru nap nde it-nen mondok lel mberel nubuwa-o. Iri luk, nuruwa-t nde, mberen nene luk, kenan tak purak pem-e nuruk tak puwa-o” luk nam-et yak indij-o.

MATIUS 17:23

it iri-nen at wuruwama, mberen naruk, kenan tak purak pem-e ar-e uruk tak puwa-o” luk yak ondosoloma-ge, it iri na inndi puru kwarat yiga-o.

MATIUS 17:9

Iri luk, ndobo bem-nen mbogolar-e, Yesus-nen ene amawi min-et it yak ondosolar-e: ”Kit-nen yanem kaigep iri-ge Ap Ambara an-e wat yidnak ennggendumu-nen nuruk tak pigit lak ma-ge ap misiger-o luk tet yak undurak pug-o” luk yak indij-o.

MATIUS 20:19

enlem nin nap ininggem nubuwama, it-nen-e nggweyel nobogolat, linggamburok norogolat, e lang pang tak pem panggarak nobogolat yuwa-t nde, kenan tak posolat tarem-nen nuruk tak puwa-o” luk yak indij-o.

MATIUS 27:63

at yak togolar-e: ”Nap wa-e. Nit-nen yebet kagolar-e, ap kabak tak onposo nap iri na uruk woralat-nen yosolar-e: ’Mberen nene luk, kenan tak purak pem nuruk yimin-o’ luk yoso na yebet kaige-o.

MARAKUS 16:6

Alama-ge, ap sugwe iri-nen it yak ondosolar-e: ”Kwiye kali-ge meyog-o. Kir-e Nasaret nap Yesus, e lang pang tak pem panggarak ibiga nap iri na ogore yili-t nde, at iri-ge yu me-ge lag-o. Uruk luk, men yamu-o. At yapma pogolat mbinggirik ibiga ondoro-ge yu nak ker-o.

MARAKUS 8:31

Yak unduruk yarig-e, Yesus na-nen at owosirak mul ondosolar-e: ”Ap Ambara iri-ge kwarat andi bandi kujwa-o. Nde, andi bandi kasolar-e, ogore yidnak nap min tepan omborak nagawan nagawan min imiri mbarak pidnak wene enaru nap min-nen pelek pelek tak puruk, wuruwa-o. Wuruwama-ge, mberen nene luk, tuguruk uruk tak puwa-o” luk yij-o.

LUKAS 24:12

Alat nde, Peterus na men luk, kerep ndome na puburak mberarig-e, tebe luk nggwal kagaidnggal-e, erep mbi kagit lak, perena keya bidnak sum loro iri nak kagaij-o. Karuk, wi lug-e, ama mborosolar-e, iri kwaridnak na bem indi-ge yi ngarak ndi ngarak mbirij-o.

LUKAS 24:23

at orogwak lak kaiga-o. Lak alama-ge, it na tuguruk lobok yigarik-nen yogolar-e: ’Nir-e aid nap eneyaige-o. Nde, it-nen yogolar-e: Yesus na-ge uruk yij-o luk yak nindiga-o’ luk yak nondogola, nir-e wendet yige-o.

LUKAS 24:44

Iri luk, at-nen it yak ondosolar-e: ”Nanduk an-e kit kinmin woralat-nen yak kindigi wene-ge yur-o. An kwat nuburak mbaridnak wene-ge Musa-nen imiri mbarak pidnak wene bem mbaridnak engga bem-nen na irit, Mbal Pem Nagawan ene lomboksa yugwi nap-nen mbaridnak engga bem-nen na irit, Ndawi Engga bem-nen mbaridnak na irit, mbarak worasu iri na ndak ndag-et mondok kwat nubuwa-o luk yak kindigi nar-o” luk yak indij-o.

YOANES 10:17

Abok-nen nindi tuguruk waneyekluk, an-net an nindi wisirik pusu me, an Neid-nen an nabuwa kasu-o.

YOANES 2:19

Yogolikma-ge, Yesus-nen it yak ondosolar-e: ”Mbal Pem Nagawan uwi yu-ge mijarak pugupmu-ge, o yu ondolma worosolar-e, kenan pem nak wirimin-o” luk yij-o.

YIDNAK YIDNAK WENE 2:24

Alat nde, Mbal Pem Nagawan-nen tuguruk uruk tak posolar-e, wat yugwi elem iri-nen Yesus tena wolmomtag-e mondok meya me, wat yugwi elem yane wurugwi iri inggiyem-nen at-nen weserak pamu-o.