MATIUS 28:5 - Nanduk Ngget Tul Pidnak Wene

⁵ Alat nde, aid nap iri-nen kwami na yak ondosolar-e: ”Kir-e kwiye kali-ge meyog-o. Kir-e e lang pang tak pem panggarak ibiga nap Yesus irit ogore yili iri-ge an-e naru-o.

MATIUS 28:5 ပူးပေါင်းရင်းမြစ်များ

YESAYA 35:4

Kit-nen inndi kabak yidnak nap ereba na yak ondogolar-e: ”Kir-e kinndi tugup lag-et wolmer-o. Kwiye yurak pug-o. Kenmbal Pem Nagawan-nen-e kunuwim nab-e angin worak enpem posolat, kit kinmiri yekluk-nen lobok yuwa-o” luk yak undurag-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 41:14

Nagawan Indo-nen yosolar-e: ”Isarael wa-e. Kar-e kamawi lak, enlengen kopkap nggal-et nde, kwiye yusu-ge meyog-o. Kat yongga kurusu an yu-ge Nagawan Indo-net yusu-o. Isarael nap Enmbal Pem Nagawan Mondok Marak iri-ge kat kinmiri yoso-nen yusu-o.

NDANIEL 10:12

Men yosolakmu, at-nen an yak norosolar-e: ”Ndaniel wa-e. Kwiye kasu-ge meyog-o. Kat-nen kindi nggat nggat worak kwat yurak pem ’nindi teberak peyeg-o’ luk yebet karuk, kindi teberak pigen iri na tarem-net kat-nen tepan yigen-e Mbal Pem Nagawan-e abu kolamu-o. Nde, an lobok yigi yu-ge kat-nen tepan yigen iri bem nibil lobok yij-o.

NDANIEL 10:19

Iri yosola, at-nen yosolar-e: ”Mbal Pem Nagawan-nen-e kar-e kabuwa-t kasu-o. Kar-e kumud kalik, kwiye kalik yurak pug-o. Ndak kamawi kwat min-o” yak nirij-o. Iri na yak norosoma ereya na-net an-e namawi kwarat kwat yosolat, an-nen yosolar-e: ”Nab-o. Wene yi-o. Nap kat-nen namawi rak pigen-o” luk yak tigi-o.

MATIUS 14:27

Mbogolikma-ge, ereya na-net Yesus-nen it yak ondosolar-e: ”Kinndi tugup lak wolmer-o! An-net yusu-o. Kwiye kali-ge meyog-o” luk yak indij-o.

MATIUS 28:10

Alama-ge, Yesus-nen it yak ondosolar-e: ”Kwiye kali-ge meyog-o. Mburugupndig-e, an naggamirak na-ge Nggalilea mberer-o luk yak indil mberer-o. Iri me-nen an niyujwa-o” luk yak indij-o.

MATIUS 28:4

Nde, san ombo ereba na-ge kwiye kwarat luk, kot kot luk, wat yidnak nggal yiga-o.

MARAKUS 16:6

Alama-ge, ap sugwe iri-nen it yak ondosolar-e: ”Kwiye kali-ge meyog-o. Kir-e Nasaret nap Yesus, e lang pang tak pem panggarak ibiga nap iri na ogore yili-t nde, at iri-ge yu me-ge lag-o. Uruk luk, men yamu-o. At yapma pogolat mbinggirik ibiga ondoro-ge yu nak ker-o.

LUKAS 1:30

Yebet kasoma-ge, aid nap-nen kwe na yak tosolar-e: ”Maria wa-e. Mbal Pem Nagawan indi alen kat kebem pidnak me, kwiye kasu-ge meyog-o.

LUKAS 24:5

Eneyagoluk, kwiye-nen pabok pogolar-e, kwami iri-ge entare nggwe nggweyak pem yud tud mbigarik woragola-ge, mberen nap iri-nen it yak ondogolar-e, ”Kir-e noluk-nen wat yidnak nap enggenggerak-nen uruk yidnak nap na kore yili-o?

YIDNAK YIDNAK WENE 2:24

Alat nde, Mbal Pem Nagawan-nen tuguruk uruk tak posolar-e, wat yugwi elem iri-nen Yesus tena wolmomtag-e mondok meya me, wat yugwi elem yane wurugwi iri inggiyem-nen at-nen weserak pamu-o.

IBERANI 1:14

Iri ala-ge, it aid nap iri-ge no mende-nen yili-o? It oboksa-ge Mbal Pem Nagawan ndegel obogolat, Mbal Pem Nagawan-nen urul pidnak inmiri yurak wene iri na wanurak nap yongga unduwakluk wirik onposo indi-nen yili-o.