MATIUS 28:20 - Nanduk Ngget Tul Pidnak Wene

²⁰ an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

MATIUS 28:20 ပူးပေါင်းရင်းမြစ်များ

NDAK WIRIDNAK WENE 39:21

Nagawan Indo-nen Yusup na yongga worosolar-e, abuwa kagaij-o. Iri yosola-ge, o kubu me ombo iri na-nen-e Yusup na indingen tak ibij-o.

1 NAGAWAN NAGAWAN-NEN KWARIDNAK WENE 1:36

Yosoloma, Mbenaya-nen onggo yosolar-e: ”Nagawan kek tak wa-e. Irit kwarul-o” yosoluk-nen yosolar-e: ”Nagawan Indo kat Kembal Pem Nagawan-nen-e kat-nen yigen wene iri-ge mondok watsa amawi rak puwag-o.

NDAWI ENGGA 46:11

Nagawan Indo Mondok Amawi Worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

NDAWI ENGGA 46:7

Nagawan Indo amawi worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

NDAWI ENGGA 72:19

At unu kek tak pem-et woralik nalik ma iri nak erembel wanurag-o. Yi wi ndi wi oboksa-nen at abinal-nen kobong mag-o! Iri nggal-et kwat mag-o! Amin-o!

MBIRIGA WENE 3:12

Yosoloma, Mbal Pem Nagawan-nen yosolar-e: ”An-e yongga-t kirimin-o. Mbal Pem Nagawan-net wirik kebamu-o luk yenggerak kubuwaklug-e, kat-nen Isarael nap iri Mesira-nen lit yaga mengga wok unpuruk lobok yosolar-e, ndobo yu bem-nen an nerembel wanugub-o” luk yak tij-o.

MBIRIGA WENE 8:27

Iri ala karuk, nit Nenagawan Indo Mbal Pem Nagawan-nen yidnak ndak ndag-et kwarogolat at amanggim wam wosa kan pil mborogolar-e, ap lak ma mborogolat tundumu mberen nene yul-o” yij-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YEREMIA 26:2

Nagawan Indo-nen an yak norosolar-e: ”Kar-e mburugundik, an nuwi mborom mendak woralar-e, Yewura woragwi nap an nerembel wanurak iri me lobok yogola-ge, it yak ondonokluk an-nen kat kebem pigi wene-ge oboksa yak indi-o. Mondok mariger-o luk tet keya burak pug-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

MATIUS 13:49

Nde, i worok yuwa tarem-e iri nggal aid nap lobok yogolar-e, lud tak nak kwarugwi nap ennggenggerak-nen meya kwarugwi nap na lenak unpuruk,

MATIUS 18:20

Nde, ap mberen ala na, ap kenan ala na, an nunu bem ndok worogola-ge, an-e it ennggendumu-t woramin-o” luk yij-o.

MATIUS 24:3

Yesus na-ge Saitun ndobo bem koreyak worasoma-ge, at owosirak ereba na enarikmu-nen wene yuwokluk, at eram lobok luk-nen at kin wok obogolar-e: ”Kat yigen iri na-ge mepme tarem-nen kwat ma-o? Nde, no mende karuk-nen kat lobok yurak min i worok yurak tarem min-e panggo yusu-o luk yenggerak pul-o? Yak nindi-o” luk yiga-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

MARAKUS 16:20

Yosoloma-ge, at owosirak na mborogolar-e, yi wi ndi wi aid wene yil waring kagola-ge, Nagawan Indo-nen it yongga ondosolar-e, it-nen yidnak wene iri-ge ndemerer-o luk yebet kujwakluk, kagwi buk mende iri it enpem-nen kwarij-o.)

YIDNAK YIDNAK WENE 2:42

Iri lug-e, ir-e pempa wirik inpidnak nap-nen mirik inpidnak wene puksa wanogolat, it inmin kundik woragolat, mburu ndeksa nonggolat, tepan yogolat irit kwarogolat woraiga-o.

YIDNAK YIDNAK WENE 20:27

Mbal Pem Nagawan indi-n pidnak ereb-e teberak pigit lak. Pidsa yak kindigi nar-o.

1 KORINTUS 11:2

Kir-e pempa kinndi-nen yebet yebet tak woragolat, an-nen nggomo kindidnak wene wanogolat yili bem-e an-e kit kentembel wanusu-o.

1 KORINTUS 11:23

Nde, an-nen yak kindigi wene na-ge, Nagawan Indo-nen yak niridnak wene iri-ge yu-o: Kubu nggwe at wesel uburak tarem Nagawan Indo Yesus-nen-e mburu wanuruk,

1 KORINTUS 14:37

Ta-nen nde: ”An-e Mbal Pem Nagawan ene lomboksa yoso nap, Konak Indi-nen we tembet ondoso mende wanigi-o” luk perasu nab-e, an-nen mbal kundusu wene yu-ge ndemeret Nagawan Indo-nen yidnak wene-net yusu-o luk yebet kujwag-o.

TUGURUK YIDNAK WENE 12:32

An-nen yak kindigi wene yeba-ge mariger-o luk siyak keya bogolat, are, siyak nambena pogolat mondok kwarurak pug-o.

KOLOSE 1:28

Iri bem-e, Kerisut owene iri-ge nir-e ab-e ap oboksa yak indili-o. Nit ninndi mondok pindong tak pem-net ap oboksa nggomo indilik, mul indilik yogolar-e, it enarik tag-et Mbal Pem Nagawan eram inpil lobok yogola, Kerisut ebem iminep mbal yidnak nap makluk-nen yili-o.

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.

YOSUA 1:5

Yosua kat worala-ge, an-nen nanduk Musa imin worasu iri na nggal-et pempa kat kimin woramin me, ap misiger-o luk mbi-nen kat urugwe nggwe rak kubuwa bug-o. An-e mondok keya kibimin pug-o.

2 PETERUS 3:2

An yak kundusu yu-ge nanduk Mbal Pem Nagawan ene lomboksa yugwi marak nap-nen yidnak wene min Nagawan Indo Ninmiri Yoso Nap-nen yidnak wene wirik inpidnak nap-nen yak kindidnak wene min yeberak worabokluk yak kundusu-o.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.

NAM PARA WENE 22:14

It unsum masa ngget tak pili nab-e unluk wolmomtak e iri na engen nonggolat, o siri iri nggogolar-e, kerep pak tumende nggwe nggogolat yurag-e it nak-net yili me, enalen kujwag-o.