MATIUS 28:18 - Nanduk Ngget Tul Pidnak Wene

¹⁸ Nde, Yesus na it endam panggo yosolat-nen it yak ondosolar-e: ”Aid arem amawi min nggweyak ma amawi min oboksa-ge an ninggem pidnak-nen yusu-o.

MATIUS 28:18 ပူးပေါင်းရင်းမြစ်များ

NDAWI ENGGA 89:19

O nanduk-net nabi nggal pem ndegel kubugwi nap tugup lak ereba na yak ondosolar-e: ”An-nen wim wari misik yongga worosolat, ap oboksa ennggendumu-nen ap misik lenak uburuk, kek tak ibigi-o.

NDAWI ENGGA 89:27

Iri yosola, an-nen kwarak obosolar-e, an nambara manggiya rak ibimin-o. Iri rak pumu, nagawan oboksa ennggendumu-nen nagawan anggu obok worak tak pimin-o.

NGGOMO WENE 8:15

Nagawan nagawan-e an-net yongga ondosola, o tena worali-o. Enmawi worak nab-e an-net yongga ondosola, mot mot kwarogolat worali-o.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

MATIUS 16:28

An-e ndemeret yak kendeyeg-o: Yu me worali nap ereb-e Ap Ambara na at-nen tenagaidnak wi imin lobok yosola kagit lak ma-ge wat ma bug-o” luk yij-o.

MATIUS 26:64

Yesus-nen wene erep nggarosolar-e: ”Wene iri-ge kat-nen yigen-o. Alat nde, an-nen yak kendeyeg-o: Yawo tarem-nen-e Ap Ambara na-ge Mondok Amawi Worak Nap inggi kigit nggwe koreyak-nen aid arem-nen nggan nggan arem lobok yosola, kagub-o” luk yij-o.

LUKAS 10:22

An Neid-nen-e yi mende ndi mende pidsa an ninggem pid irir-o. Neid arig-et nak-nen Ambara an aru yusu-o. Nde, Ambara an-nen na irit, Ambara an-nen ’Neid iri enaru mag-o’ eberamin nap-nen na irit, Neid iri enaru yili-o” luk yij-o.

YOANES 13:3

Yesus na Eid-nen yi mende ndi mende at inggem pidnak na aru, nde, Mbal Pem Nagawan eram-nen lobok yidnak me, tuguruk ijok lem Mbal Pem Nagawan eram-et mbururak na aru woraidnak me,

YOANES 17:2

Kat-nen lena wok niridnak nap iri-ge unlug-et woralik nalik elem an-nen wok unduwakluk, ki nap oboksa tena unpuruk wolmomtak amawi-ge an ninggem pigen-o.

YOANES 3:31

Teram-nen mbuwagaid nab-e kek tak terak minig-er-o. Nde, nggweyak ma-nen lobok yidnak nab-e nggweyak ma nap me, nggweyak ma wene nak yoso-o. Nde, teram-nen mbuwagaid nab-e kek tak terak minig-er-o.

YOANES 3:35

Eid nen-e at Ambara abuwa karug-e, yi kwarurak ndi kwarurak pidsa Ambara inggem nak pamu-o.

YIDNAK YIDNAK WENE 10:36

Mbal Pem Nagawan-nen Isarael nap enmanggim wene wosa pid iri-ge ap oboksa Nagawan Indo Yesus Kerisut ebem lambuk yurak aid wene irit yak indij-o.

YIDNAK YIDNAK WENE 2:36

Iri bem-e, kit-nen e lang pang tak pem wirigep nap Yesus na-ge, Mbal Pem Nagawan-nen Nagawan Indo min Kerisut min tak pidnak nap-nen yusu-o luk Isarael nap it lolo pidsa-nen wene yu mondok kwara enaru mag-o” luk yij-o.

OROMA 14:9

Kerisut na wat luk, uruk agaid iri-ge, wat yidnak nap min unluk worali nap min-nen idnak Nagawan Indo yuwakluk-nen kwarij-o.

1 KORINTUS 15:27

”Mbal Pem Nagawan-nen-e yi mende ndi mende pidsa-t at ujok ma rak puwa-o” luk yij-et nde, yi mende ndi mende Kerisut ujok ma rak puwa nap Mbal Pem Nagawan at imin lambuksa at ujok ma rak pidnag-e lag-o luk nam-et irir-o.

KOLOSE 2:10

Nde, kir-e at imin kundik woragola, iminep mbarak kinpidnak worali-o. Nde, iri-ge nggweyak ma woragwi pemerinta nde enmawi worak mendak inpidnak nde enanggul-nen yusu-o.

IBERANI 1:2

Alat nde, worok tak posolat tarem yawo-nen-e at Ambara ebem nggwe-nen wene yak kundusu-o. At Ambara ebem-net Mbal Pem Nagawan-nen yi mende ndi mende oboksa ndak wirij-o. At Ambara iri-net yi mende ndi mende oboksa winde yuwag-o luk Mbal Pem Nagawan-nen len ibij-o.

IBERANI 2:8

Yi mende ndi mende oboksa-ge at-nen tena wolmakluk, at inggem-et pigen-o” luk yij-o. Nde, ”Mbal Pem Nagawan-nen yi mende ndi mende oboksa-ge nggweyak ma nap inggem-et pij-o” luk yij-et nde, misiget ter-o luk keya bigit lak, oboksa at inggem pidnag-et nde, yawo-nen perak nde, nggweyak ma nab-e yi mende ndi mende oboksa inggem pidnag-et worasola-t nde, nir-e kali bug-o.

1 PETERUS 3:22

Yesus Kerisut iri-ge aid arem lagarik, yawo-ge Mbal Pem Nagawan inggi kigit nggwe koreyak woralar-e, aid nap min aid arem pemerinta min amawi worak mende pidsa-ge at nak-nen tena worasu-o.

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.

NAM PARA WENE 17:14

It iri-nen-e Lomba Wam Marik iri na min wim puwa-o. Alat nde, Lomba Wam Marik min at-nen wene mbo unpuruk, len enpaga at imin nugwi nap at-nen yidnak yidnak kwarugwi nap inmin-nen-e nagawan nagawan ereba na-ge urugwe nggwe rak unpuwa-o. Nde, iri yuwa iri-ge Lomba Wam Marik iri-ge ap yok nggok onmbol pem Nagawan Indo, nggweyak ma nagawan oboksa onmbol pem Nagawan me, urugwe nggwe rak unpuwa-o” luk yij-o.

NAM PARA WENE 19:16

Nde, at usum pem min at awak pem min-e at unu-ge ”Nggweyak ma nagawan oboksa onmbol pem Nagawan-o. Ap nggok oboksa onmbol pem Nagawan Indo-nen yusu-o” luk mbarag-o.