MATIUS 27:54 - Nanduk Ngget Tul Pidnak Wene

⁵⁴ Nde, san ombo wari min at imin woragwi san ombo ereba na min-e Yesus na yik karok worakmu-ge, o lele yosolat kwaridnak mende oboksa karug-e, ir-e kwiye mondok kwarat luk-nen yogolar-e: ”Ap yu-ge ndemeret Mbal Pem Nagawan Ambara-net yusu-o” luk yiga-o.

MATIUS 27:54 ပူးပေါင်းရင်းမြစ်များ

MATIUS 26:63

Alat nde, Yesus na-ge ene lak nak woragaij-o. Iri ala-ge, tepan ombo nggulok na-nen tuguruk at yak tosolar-e: ”Uruk nak woraso Mbal Pem Nagawan unu bem owak mbara yak nindi-o: Kar-e Mbal Pem Nagawan Ambara Kerisut-nen yusu, lak, lag-a?” luk yak tosoloma-ge,

MATIUS 27:36

Iri luk, it na at yik karok koreyak woraiga-o.

MATIUS 27:40

at yak togolar-e: ”Kat-nen-e Mbal Pem Nagawan uwi iri-ge mijat luk, kenan tarem wirimin-o luk yigen-a? Nde, kar-e ndemeret Mbal Pem Nagawan Ambara nde ala-ge, kondomok kimiri yosolar-e, e lang pang tak pem-nen mbuwasug-o!” luk yak tiga-o.

MATIUS 27:43

At indi-ge Mbal Pem Nagawan ebem mbung mbung tak worasolat-nen yosolar-e: ’An-e Mbal Pem Nagawan Ambara-net yusu-o’ luk yoso ala-ge, Mbal Pem Nagawan-nen at indingen nde ala-ge, yawo-t at imiri yuwag-o” luk yiga-o.

MATIUS 27:51

Worok yosola ereya na-net Mbal Pem Nagawan ama uguri worak woraso sum na-ge abam nggwe-nen ngaksa ena nggwe mbosolat, mberen agaij-o. Nde, o lele yosolar-e, kerep na yak ngak mbosolat,

MATIUS 4:3

Wok yarik worasoma-ge, Sere na at eram wok yarik-nen yak tosolar-e: ”Kar-e Mbal Pem Nagawan Ambara nde ala-ge, kerep yeba-ge mburu kwat min-o luk yak ti-o” luk yij-o.

MATIUS 8:5

Nde, Yesus na-ge o Kaperenaum iri me nggosoma, Oroma nap san winde misig-e at imin lid pid luk-nen at emengen mbarosolar-e:

MARAKUS 15:39

Nde, san ombo nagawan Yesus e lang pang tak urugwe nggwe mendak woragaid na-nen Yesus wat yosolat-nen kwarid iri kasoluk-nen yosolar-e: ”Ap yu-ge ndemeret Mbal Pem Nagawan Ambara kagi-o!” luk yij-o.

LUKAS 22:70

Yosoloma-ge, it pidsa-nen yogolar-e: ”Iri yigen me-ge, kar-e Mbal Pem Nagawan Ambara-nen yusu, lak?” luk yogoloma-ge, at-nen it yak ondosolar-e: ”Kit-nen yigep irir-o” luk yij-o.

YOANES 19:7

Yosoloma-ge, Yawuri nap-nen at yak togolar-e: ”At iri-nen-e: ’An-e Mbal Pem Nagawan Ambara-o’ luk yoso me, nit-nen idnak imiri mbarak pidnak wene-nen-e: ’Iri yoso nab-e wururag-er-o’ luk yidnak ala-nen nir-e wururak wene yili-o” luk yiga-o.

YIDNAK YIDNAK WENE 10:1

Nde, o Kaisaria iri me-ge ap mbi unu-ge Korenelius irit woragaij-o. At iri na-ge san winde ap kere iri na ennggendumu wari mendak pidnak nap. Nde, ap kere iri unu-ge Ap Kere Italia-o luk yaridnag-o.

YIDNAK YIDNAK WENE 2:37

Iri yosola kuluruk yigarig-e, it-nen inndi andi min-et Peterus min it wirik inpidnak nap erep na min yak ondogolar-e: ”Nowe nowot wa-e. Ngge kwarul-o?” luk yiga-o.

YIDNAK YIDNAK WENE 21:32

Kuluruk ereya na-net ap wari iri-nen-e san winde erep min it enanggul pem wari erep min nggubunuruk, ap kwarat iri na endam puburak mbiriga-o. Mborogoloma-ge, ap kwarat iri-nen ap wari iri min san winde ereba min yik eneyarug-e, Paulus witli na yong ndong mbiga-o.

YIDNAK YIDNAK WENE 23:17

Yak tosoloma-ge, Paulus-nen san winde sarok mbi wene mbo buruk-nen yak tosolar-e: ”La yu-ge san winde wari eram pil mbiri-o. At-nen yak turak wene mbi worasu-o” luk yak tij-o.

YIDNAK YIDNAK WENE 23:23

Iri rak purug-e, at san winde wari-ne san winde sarok mberen yonggo unpuruk, yak ondosolar-e: ”Yawo kubu nggwe jam sembilan pem-e san winde duaratus (200) min kura wam ombolak pem mburugwi nap tuju pulu (70) min tege wanugwi nap duaratus (200) min Kaisaria mbururak pem-e lid lud tak per-o.

YIDNAK YIDNAK WENE 27:1

Nde, nir-e e koma arem Italia mbururak wene-ge it-nen mbarogolug-e, Paulus min kamat inpidnak nap erep min-e Kaisat-nen idnak san winde wari mbi unu-ge Yulius iri na inggem inpiga-o.

YIDNAK YIDNAK WENE 27:43

Alat nde, san winde wari na-nen Paulus imiri yosolar-e, it pidsa undurak peraidnak na yugwi rugwi makluk at-nen yak ondosolar-e: ”Kit pin kenaru nab-e nandug-et yi ma mbugupndik, pin pem yi eyak pem ndil ler-o.

OROMA 1:4

Nde, at indi-ge lenak Mbal Pem Nagawan irit woralat me, wat yidnak ennggendumu-nen uruk tak pidnak iri bem-nen-e: Iri-ge Mbal Pem Nagawan Ambara amawi ambik-nen yusu-o luk nam tak pij-o.

NAM PARA WENE 11:13

Ereya na-net o mid kwiye worak yosolar-e, o siri iri me erep minggirik (sepersepulu) tud yil lobok yosolar-e, ab-e tuju ribu (7,000) o mid iri-nen worak inpij-o. Nde, ap erep ereba na-ge kwiye kwarat luk, aid arem woraso Mbal Pem Nagawan erembel waniga-o.