MATIUS 27:29 - Nanduk Ngget Tul Pidnak Wene

²⁹ Iri luk, isile worak kere kago wosa wirik nggal kwasa at anggulwak pem puruk, wangun misig-e at inggi kigit nggwe inggem piga-o. Iri luk, at eralu yunggusa kore luk, at nggweyel obogolat-nen yogolar-e: ”Yawuri nap nagawan wa-e. Wiwa-o!” luk yiga-o.

MATIUS 27:29 ပူးပေါင်းရင်းမြစ်များ

NDAWI ENGGA 69:7

Kat kebem-nen ndowaga an-e pesel nobogolat, ninggiri-nen tud tak nak nusu-o.

YESAYA 49:7

Mbal Pem Nagawan Mondok Marak, Isarael nap inmiri yoso iri na-nen ap nggweyel unpugwi nap-nen nggweyel obogolat, ap enlem oboksa-nen insili rak obogolat, o tena woragwi nap ereba ndegel onposo nap kwarak pogolat kwatli nap iri na yak tosolar-e: ”Nagawan nagawan-nen-e an-nen kwat kibimin iri karuk, it-nen-e an kek tak nubuwa-o. Enmawi worak nap-nen na iri karug-e, entare nggwe tud ma-o” luk yij-o. Iri kwaruwa iri-ge Nagawan Indo-nen at ndegel oboso nap linid iri bem-nen kwaruwa-o. Isarael nap Enmbal Pem Nagawan Mondok Marak iri-ge at-nen urul pidnag-e lugud tak poso buk ala-nen kwaruwa-o.

YESAYA 53:3

Nit-nen-e at nggweyel obogolat, pelek pelek tak ibige-o. Ar-e andi bandi kasolat, yane woroso-o. Ap misiger-o luk mbi-nen na yik kujwa bug-o. Nit-nen na no mende yik kaidnak nggal tak ibige-o.

YEREMIA 20:7

Nagawan Indo wa-e. Kat-nen an namberam lasola, an-e namberam lanokluk, larok yigi-o. Kat kamawi-ge ombol nggwe terak minig-et me, an-e kat keram teberak nibigen-o. Ap oboksa-nen an pesel nobogolat, enlengenma nggal tak nobogolar-e, kuplila-nen tel kwiridnak, keyama yusu-o.

MATIUS 20:19

enlem nin nap ininggem nubuwama, it-nen-e nggweyel nobogolat, linggamburok norogolat, e lang pang tak pem panggarak nobogolat yuwa-t nde, kenan tak posolat tarem-nen nuruk tak puwa-o” luk yak indij-o.

MATIUS 26:49

Yuras na-ge ndag-et nak Yesus eram mberarak, at yak tosolar-e: ”Nggomo Nondoso Nap wa-e. Nap wa-o” luk paluksa wa yak tij-o.

MATIUS 27:37

Nde, at anggul nduk abam nggwe-ge at ebem pidnak wene mbara bogolar-e: ”At yu-ge Yesus Yawuri nap nagawan-nen yusu-o” luk mbarak piga-o.

MARAKUS 15:17

Ndok wutluk, it-nen-e nagawan-nen yurugwi sum yirik uburuk, isile worak kere kago wosa wirik nggal kwasa at anggulwak pem puruk,

MARAKUS 15:18

at wa yak togolar-e: ”Yawuri nap nagawan wa-e. Wiwa-o!” luk wa yak tiga-o.