MATIUS 27:19 - Nanduk Ngget Tul Pidnak Wene

¹⁹ Nde, Pilatus na ap enpem wene mbarugwi sa koreyak worasoma-ge, at ogwe-nen wene wosa at yak tosolar-e: ”Kar-e lud tak nak yoso nap iri ebem owene erep tenagurak pug-o. Yawo kubu nabi at imin kagirik me, kwiye kwarat kagi-o” luk yak tij-o.

MATIUS 27:19 ပူးပေါင်းရင်းမြစ်များ

NDAK WIRIDNAK WENE 31:11

Nde, Mbal Pem Nagawan nde aid nap abage nggal kwatluk an nabi bem wene yak norosolar-e: ’Yakup wa-e’ yosola-ge, an-nen na ’No!’ yigi-o.

NDAK WIRIDNAK WENE 31:24

Wok yil mborosola-ge, Mbal Pem Nagawan-nen nabi bem yak tosolar-e: ”Kar-e wene tebarosolat, kene marig-et tet Yakup ebem mondok purak puk na-e” luk yak tij-o.

NDAK WIRIDNAK WENE 31:29

Iri ala, an-e kat kebem mbud yurak iri-ge ndag-et nde, yawo kubu kat keid-nen kek tak poso Mbal Pem Nagawan iri-nen-e yak norosolar-e: ’Kar-e wene tebarosolat, kene marig-et tet Yakup ebem purak puk na-e’ yak nirid iri-nen keya kubusu-o.

YESAYA 53:11

Iri ala karuk, Nagawan Indo-nen yosolar-e: ”At andi bandi kasolat worarug-e, at-nen andi bandi kagaid iri na ebe-t kwat yidnak karug-e, alen kasolat wolma-o. Ndegel noboso nap iri-nen an nalen tak pusu-o. Ap kwarat-nen meya yidnak pem onggo angin worak wanurag-e at ebem nde mbij-o. At ebem-nen an-e it-nen meya yidnag-e namberam tak pimin-o.

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.

WONARIDNAK WENE 12:6

Nagawan Indo-nen yak ondosolar-e: An yak kindimin yu kwara koler-o! Kit kennggendumu nde an nene lomboksa yugwi nap nde woragola-ge, an-e nabi bem nggal at imbiri bem nam yaga mirik nobosolat, nabi nggal pem imin wene yosolat kwaroso-o.

MATIUS 1:20

Wene iri na ngge kwarimin? luk indi konosoma-ge, Nagawan Indo-nen idnak aid nap misig-e nabi nggwe at eram nam luk-nen yosolar-e: ”Ndaud ambara Yusup wa-e. Maria iri-ge kat-nen wanurak kwiye kasu-ge meyog-o. Abila iri-ge Konak Indi-nen arem tak pamu-o.

MATIUS 2:19

Erores na wat yosoloma-ge, Nagawan Indo-nen idnak aid nap mbi nabi nggwe Yusup eram nam luk-nen yak tosolar-e:

MATIUS 2:22

Alat nde, at-nen kulidnggal-e, Arekelaus na-nen at eid Erores na ondolmasa Yurea nagawan men agaij-o luk yogola kulurug-e, Yusup-nen-e iri me mbururak kwiye yij-o. Iri ala-ge, nabi nggwe-nen at nggomo worosolar-e: ”Iri me wolmomtak pug-o” luk yak togola karuk, Nggalilea uwi mberarik,

MATIUS 27:18

Pilatus-nen iri yid iri-ge it enlengen ale Yesus ebem pogolat-nen at inggem tak piga iri-ge ar-e aru-o.

MATIUS 27:24

Iri yogola karuk, Pilatus-nen yik kasolar-e, wene yurag-e meya ala karuk, nde it nari wari mburak ala karuk, at-nen-e yi waga ap kwarat ereba na inmbiri bem at inggi yi marosolat-nen yosolar-e: ”Ap yu na eyabi-ge an nebem-e lag-o. Kit kenpem-o” luk yak indij-o.

MATIUS 27:4

Mberarik, at-nen yosolar-e: ”An-e mondok meya yigirig-o! Ap mondok meya yoso bug-et nde, at wuruwakluk wesel indigi-o!” luk yij-o. Yosoloma-ge, it-nen wene erep nggarogolar-e: ”Nde, iri-ge nit nenpem nde kasu-a? Kat kondomok kebem-net yusu-o” luk yiga-o.

LUKAS 23:41

Nde, nit nenmbereg-e nit meya yidnak pem yurag-et nindiga-o. Alat nde, at yu perak nde meya kwarigit lag-et nde panggarak piga-o” luk yij-o.

LUKAS 23:47

Wat yosola-ge, san ombo nagawan na-nen iri kwarosola karuk, Mbal Pem Nagawan erembel wanosolat-nen yosolar-e: ”Ndemerer-o. At yu-ge konak nab-o” luk yij-o.

YOANES 19:13

Iri yogoloma kuluruk, Pilatus-nen Yesus na mbepme waruk mberarik, wene mbaruwokluk kore yugwi sa na me kore yij-o. Kore yid sa unu-ge Kerep Kune-o. (Nde, iri unu-ge Iberani wene bem-e Nggabata-o.)

YIDNAK YIDNAK WENE 12:21

Nde, wene mbaruwokluk ndok wurul-o yidnak tarem-e Erores na-ge nagawan-nen yurugwi sum na yutluk, nagawan nak-nen kore yugwi sa ebem kore luk, wene mot wesera yak indij-o.

YIDNAK YIDNAK WENE 18:12

Alat nde, ap Nggalio na-ge nagawan men luk Akaya nggweyak tena worala-ge, it Yawuri nap men yogolar-e, Paulus wuruwokluk wene mbenarugwi sa ibil lobok yogolat-nen

YIDNAK YIDNAK WENE 18:16

Yak undurug-e, wene mbenarugwi sa-nen langgara wirik inpij-o.

YIDNAK YIDNAK WENE 18:17

Wirik onposoloma-ge, it pidsa-nen-e Yawuri nap-nen tepan yugwi wi iri winde nagawan Sostenes na tenasa, wene mbenarugwi wi tumende bem wiriga-t nde, Nggalio-nen yik nak eneyaruk, puk agaij-o.

YIDNAK YIDNAK WENE 25:10

Yak tosoloma-ge, Paulus-nen yosolar-e: ”An-e Kaisat-nen ap enpem wene mbaroso sa mendak worasu yu me-net an nebem wene mbarurag-o. Nde, an-e Yawuri nap inmin-e meya mariget tet kwarigit lak iri-ge kar-e karu irir-o.

YIDNAK YIDNAK WENE 25:17

Iri kwarugwi me, ir-e yu me an nimin lobok yogola-ge, an-e pem woragit lag-o. Are, kub-et wene mbarugwi sa kore yigirik, ’Ap iri-ge lobok yuwag-o’ luk yonggo bigi-o.

YIDNAK YIDNAK WENE 25:6

Iri luk, it inmin-e delapan ala na, sepulu ala na nene lug-e, Kaisaria mbij-o. Mbarik, nene luk kub-e, wene mbarugwi sa kore luk-nen-e ”Paulus na ibil lobok yer-o” luk yij-o.

1 PETERUS 2:22

At iri-ge meya mbi kwaroso buk, at emnde nggwe-nen enesiget wene mbi wirik poso bug-o.

1 YOANES 2:1

Nilirak wa-e. Kir-e meya yugup naru, an-e engga yu mbal kundusu-o. Alat nde, ap mbi-nen meya kwarosola-ge, nit nonowene Nineid imin konoso nap, lud tak nak kwaroso nap Yesus Kerisut irit worasu-o.