MATIUS 27:17 - Nanduk Ngget Tul Pidnak Wene

¹⁷ Worasola-ge, ap kwarat ereba na ndok worogola karuk, Pilatus-nen it kin wok onposolar-e: ”Kit kenmanggim ta nde wisirik pimin-o? Mbarabas wisirik pimin, lak? Are, Yesus na unu misig-e Kerisut yugwi na wisirik pimin-a?” luk yij-o.

MATIUS 27:17 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:21

Iri yamu, ndok worogola, Elia na Isarael nap endam mberarik-nen yak ondosolar-e: ”Kir-e mepme-nen kinndi mberen worali iri-ge misiget tak pugub-o? Mbal Pem Nagawan iri nde ndemeret Mbal Pem Nagawan-et ala-ge, irit kek tak uburag-o. Nde, Mbaal iri nde mbal pem nagawan ala-ge, irit kek tak uburag-o” luk yak indij-o. Iri yak ondosola-ge, iri me ndok wiriga nab-e onggo yigit lag-o.

MATIUS 1:16

Yakup-nen-e Yusup ndagaij-o. Nde, Yusup na-ge Yesus ija Maria un-o. Yesus na-ge ”Kerisut-nen yusu-o” luk yugwi-o.

MATIUS 27:16

Iri tarem-e ap pidsa-nen at obok kulugwi meya kwaroso nap misik unu-ge Mbarabas o kubu me woragaij-o.

MATIUS 27:18

Pilatus-nen iri yid iri-ge it enlengen ale Yesus ebem pogolat-nen at inggem tak piga iri-ge ar-e aru-o.

YOANES 19:15

Yak ondosoloma-ge, it-nen enne nggoksa yogolar-e: ”Werer-o! Werer-o! E lang pang tak pem panggarak per-o!” luk yogolikma-ge, Pilatus-nen it kin wok onposolar-e: ”Kit-nen idnak nagawan-et nde, e lang pang tak pem panggarak pimin-a?” luk yosoloma-ge, tepan ombo nagawan-nen yogolar-e: ”Nit-nen idnak nagawan-e Kaisat misiget nag-o!” luk yiga-o.

YOANES 4:25

Yak tosoloma-ge, kwe na-nen at yak tosolar-e: ”Mesias unu misig-e Kerisut iri-ge lobok yuwa-o luk an-e naru-o. Nde, at iri na lobok yuwarig-e, yi mende ndi mende pidsa kwarurak iri yak nunduwa-o” luk yij-o.

YOSUA 24:15

Kit-nen nde Nagawan Indo ndegel uburak kinmbit ala-ge, yawo-net wene nggaruksa yogolar-e: ’Nir-e irit ndegel obogolat wulmul-o’ luk, unu yarurag-o. Kir-e konmborak nanduk Mesopotamia woragolat-nen erembel wanugwi kugwiwak ereba na erembel wanugub-a? Are, Amori nap unuwi nggweyag-e yawo kit worali yu-nen erembel wanugwi kugwiwak ereba na erembel wanugub-a? Alat nde, an min an nama woragwi nap inmin perak nde, Nagawan Indo nak ndegel obogolat wulmul-o” luk yij-o.