MATIUS 26:63 - Nanduk Ngget Tul Pidnak Wene

⁶³ Alat nde, Yesus na-ge ene lak nak woragaij-o. Iri ala-ge, tepan ombo nggulok na-nen tuguruk at yak tosolar-e: ”Uruk nak woraso Mbal Pem Nagawan unu bem owak mbara yak nindi-o: Kar-e Mbal Pem Nagawan Ambara Kerisut-nen yusu, lak, lag-a?” luk yak tosoloma-ge,

MATIUS 26:63 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:16

Yosoloma, Akap-nen Mika yak tosolar-e: ”Kat-nen nde Nagawan Indo unu bem yak norosolar-e, ndemeret nak yak nururag-o. Wene yu nggal an-e nunggwirik tarem yak korosolat woragi-o?” luk yak tij-o.

NDAWI ENGGA 42:2

An-e Mbal Pem Nagawan uruk nak woraso iri na nere-nen nindi eberek yusu yu-ge mepme-nen at ama mbirimindik, erembel wanimin-o?

YESAYA 53:7

Ar-e insilepma min lel mberel ibiga-t nde, eyak linggirik puruk, andi bandi kasolar-et nde, ene lak woragij-o. Lomba amarik ene lak worasola, urusu mbarugwi sa waruk mburugwi nggal, lomba ija usu mbarogola, ene lak woraso nggal, ene lak irit woragij-o.

NDANIEL 3:16

Yosoloma, Sanderak min Mesak min Abetnego min-nen onggo yogolar-e: ”Nagawan mondok kek tak wa-e. Nit-nen onggo yak kururag-e lag-o.

MATIUS 16:16

Yosoloma-ge, at Simon Peterus-nen wene erep nggarosolar-e: ”kar-e Kerisut, uruk nak woraso Mbal Pem Nagawan Ambara-nen yusu-o” luk yij-o.

MATIUS 26:62

Yogolikma-ge, tepan ombo nggulok na men yarik, at-nen Yesus yak tosolar-e: ”Kat kebem piga wene iri-ge kat-nen-e onggo yugun pug-a?” luk yak tij-o.

MATIUS 27:12

Alat nde, it tepan omborak nagawan nagawan min ogore yidnak nap min-nen at ebem piga wene-ge Yesus-nen-e wene erep mondok nggarigit lak, larok yij-o.

MATIUS 27:14

Alat nde, Yesus na-ge wene erep mondok nggarigit lak, larok nak yosoloma karuk, gubernur na-ge kwarat wi yij-o.

MATIUS 27:40

at yak togolar-e: ”Kat-nen-e Mbal Pem Nagawan uwi iri-ge mijat luk, kenan tarem wirimin-o luk yigen-a? Nde, kar-e ndemeret Mbal Pem Nagawan Ambara nde ala-ge, kondomok kimiri yosolar-e, e lang pang tak pem-nen mbuwasug-o!” luk yak tiga-o.

MATIUS 27:43

At indi-ge Mbal Pem Nagawan ebem mbung mbung tak worasolat-nen yosolar-e: ’An-e Mbal Pem Nagawan Ambara-net yusu-o’ luk yoso ala-ge, Mbal Pem Nagawan-nen at indingen nde ala-ge, yawo-t at imiri yuwag-o” luk yiga-o.

MATIUS 27:54

Nde, san ombo wari min at imin woragwi san ombo ereba na min-e Yesus na yik karok worakmu-ge, o lele yosolat kwaridnak mende oboksa karug-e, ir-e kwiye mondok kwarat luk-nen yogolar-e: ”Ap yu-ge ndemeret Mbal Pem Nagawan Ambara-net yusu-o” luk yiga-o.

MATIUS 4:3

Wok yarik worasoma-ge, Sere na at eram wok yarik-nen yak tosolar-e: ”Kar-e Mbal Pem Nagawan Ambara nde ala-ge, kerep yeba-ge mburu kwat min-o luk yak ti-o” luk yij-o.

MARAKUS 14:61

Kin wok ibij-et nde, Yesus-e onggo mbi yigit lak, ene lak nak woragaij-o. Alama, tepan ombo nagawan na-nen tuguruk at kin wok obosolar-e: ”Kar-e Kerisut, Kek tak Woraso Nap Ambara-nen yusu, lak?” luk kin wanij-o.

YOANES 1:34

Nde, an nerengen karuk-nen yak kundusu-o. At yu-ge Mbal Pem Nagawan Ambara-net yusu-o” luk yij-o.

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

YOANES 10:24

Yawuri nab-e at lop lop worogolat-nen yak togolar-e: ”Nit ninndi birik keya nunpuruk worasolar-e, nunggwirik woragun-o? Kar-e Mesias alar-e, nam-et yak nindi-o” luk yak tiga-o.

YOANES 10:30

An min Neid min-e misiget nak-nen yusu-o” luk yak indij-o.

YOANES 10:36

Neid-nen len nuburuk wirik nibil lobok yidnak nab-et nde, an-nen-e: ’An-e Mbal Pem Nagawan Ambara-o’ luk yusu iri bem kit noluk-nen: ’Mbal Pem Nagawan obok poso nab-o’ luk yak nitli-o?

YOANES 18:37

Yosoloma-ge, Pilatus-nen at kin wok obosolar-e: ”Iri ala-ge, kar-e nagawan–nen yusu, lak?” yosoloma. Yesus-nen yosolar-e: ”Kat-nen yigen irir-o. Nde, an nggweyak ma yu me lobok yigirik, ndet yigi yu-ge, ndemeret wene-ge irir-o luk kenggereyekluk-net lobok yigi-o. Nde, ndemeret wene imin kundik nap-nen-e an-nen yidnak wene irit kulili-o” luk yij-o.

YOANES 19:7

Yosoloma-ge, Yawuri nap-nen at yak togolar-e: ”At iri-nen-e: ’An-e Mbal Pem Nagawan Ambara-o’ luk yoso me, nit-nen idnak imiri mbarak pidnak wene-nen-e: ’Iri yoso nab-e wururag-er-o’ luk yidnak ala-nen nir-e wururak wene yili-o” luk yiga-o.

YOANES 19:9

Iri lug-e, ar-e tuguruk wene mbarugwi sa nggwarik, Yesus yak tosolar-e: ”Kar-e o ngge nab-o?” luk yak tij-et nde, Yesus-nen wene erep nggarigit lak, larok yij-o.

YOANES 20:31

Alat nde, engga yu arem worasu yeba mbarak yu-ge, kit-nen-e Yesus-e Mbal Pem Nagawan ambara Mesias-nen yusu-o luk kinndi-ge at ebem angin tubu yogolat, kinndi angin tubu luk, at unu bem kunlug-et worabokluk-nen mbaridnag-o.

YOANES 6:69

Mbal Pem Nagawan eram-nen lobok yidnak konak nab-e kat-net yusu-o nenaru luk, kat kebem ninndi angin tubu yili-o” luk yak tij-o.

YOANES 8:25

Yak ondosoloma-ge, it-nen at kin wok obogolar-e: ”Kar-e ta-o?” luk yogolikma-ge, Yesus-nen it yak ondosolar-e: ”An-e no amanggim-nen tuguruk wene yak kindimin-o?

2 KORINTUS 1:19

Nde, Mbal Pem Nagawan Ambara Yesus Kerisut na owene kit kennggendumu-ge Silwanus-nen na, Timotius-nen na, an-nen na yak kindi-ge owene iri-ge ”Ob-o, Lag-o” yoso-nen yusu-ge lag-o. Are, at ebem-e ”Ob-o” iri nak worasu-o.

1 PETERUS 2:23

Meya wene yak togola na at-nen na meya wene onggo yak indigit lag-o. Nde, at worogola na at-nen na it onggo kwat unpurak na yak indigit lag-o. Are, at kwat ibili wene iri-ge mot mor-et ap enpem wene mbaroso Mbal Pem Nagawan na ebem keya bij-o.

1 SEMUEL 14:24

Nde, iri tarem-e Saul-nen owak mbarosolar-e: ”An-nen kenmepnggo nuwim nap indigit lak ma, o yawo-nen nde yi nilik ndi nilik yuwa nab-e mondok imbiri lamut mag-o” luk owak mbaridnak me, iri tarem-e nunggwi mende ninggit lak me, Isarael nap oboksa nere-nen onowak wil lobok yij-o.

1 SEMUEL 14:26

Saul-nen it imbiri lamut tak purak wene wirik pid iri na it enpem mberak puwa naru ap misiger-o luk tet tamuk amburu ereba na-ge mondok ninggit lak keya biga-o.

1 SEMUEL 14:28

Nuruk ombol nggwe san ombo ereba na ennggendumu ap misik-nen Yonatan yak tosolar-e: ”Kat keid-nen wene nit nenpem posolat-nen owak mbarosolar-e: ’Ta-nen nde o yawo yu-nen nunggwi mende nujwa ala-ge, mondok imbiri lamut ebem mberak purag-o’ luk yidnak me, nit oboksa ninggit lak me, nere-nen nenmawi lak yusu-o” luk yak tij-o.