MATIUS 26:53 - Nanduk Ngget Tul Pidnak Wene

⁵³ An-nen Neid eram nggi yiginggal-e, wim purak aid nap kere duabelas nggal-e lak, terak minik kwarat ndaget nak an neram pil lobok yelep pug-o luk perasu-a?

MATIUS 26:53 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 6:17

Yosoluk, Elisa-nen tepan yosolar-e: ”Nagawan Indo wa-e. Kat-nen an ndegel noboso nap yu-nen kwara kujwakluk erengen tu kuwarak pi-o” yosoloma, Nagawan Indo-nen Elisa ene kulurug-e, erengen tu kuwarak posoloma, Elisa ndegel oboso nap iri na-nen yik kagaidnggal-e, ndobo iri na bem-e kura wam kan mare nggal min nggweyak koma kan mare nggal min-nen mak yarik, Elisa lop lop worak woragola, eneyagaij-o.

NDANIEL 7:10

Nde, at koreyak woraso ondoro iri me-nen-e kanduk misik yi nggal urusu kundugu mborosola kagi-o. Nde, ap kwarat (ribuan)-nen-e at ndegel obogola eneyagi-o. Ap mondok kwarat (jutaan)-nen-e at eram mendak woragola eneyagi-o. Woragolar-e, ap enpem wene mbarugwi tel korogolar-e, engga ereba na-ge pinggiril lobok yiga-o.

MATIUS 25:31

”Ap Ambara na at unu kek tak pem lobok yosolar-e, aid nap oboksa na at imin lobok yogola-ge, at-nen-e nagawan koreyak woraso sa abinal worak iri na me kore yuwa-o.

MATIUS 4:11

Nde, iri yak turuk worasoma-ge, Sere na-ge at keya buruk mborosola-ge, aid nap lobok yogolar-e, at yongga wiriga-o.]

MARAKUS 5:15

Kil lobok yogolat, Yesus eram wok yiganggal-e, kugi Kwarat arem lin yidnak woragaid nap iri na indi kwatluk, sum yutluk, iri me koreyak worala karuk, it pidsa kwiye kaiga-o.

MARAKUS 5:9

Yosoloma-ge, Yesus-nen kin wok obosolar-e: ”Kat kunu-ge ta-o?” luk kin wok obosoloma, at iri-nen yosolar-e: ”Nit nenpe-ge kwarat me, an nunu-ge kwarar-o” luk yij-o.

LUKAS 8:30

Iri ala, Yesus-nen at kin wok obosolar-e: ”Kat kunu-ge ta-o?” luk yosoloma-ge, kugi kwarat at arem nggwidnak me, ”An nunu-ge Kwarar-o” luk yij-o.

YOANES 10:18

Nin nap-nen an nindi mengga wanuwa bug-o. An nindi-net nindi wisirik pimin-o. Nindi wisirik purak na, nindi tuguruk winde yurak na, an nebem-et worasu-o. Iri kwarurak iri-ge an Neid-net nebem pij-o” luk yij-o.

YOANES 18:36

Yosoloma-ge, Yesus-nen yosolar-e: ”An-nen tenagaidnak wi-ge nggweyak ma yu me-ge lag-o. An-nen tenagaidnak wi-ge nggweyak ma yu me nggal-nen-e Yawuri nap ininggem keya nubuwa naru, an nowosirak-nen-e wim mbatleb-o. Lag-o. An-nen tenagaidnak wi-ge o yu me-ge lag-o!” luk yij-o.

2 TESALONIKA 1:7

Iri kwarosolar-e, kit yawo andi bandi kali nap na, nit na, nenmanggim-e Nagawan Indo Yesus na-ge at-nen idnak aid nap amawi worak inmin luk aid arem-nen nam ma tarem-e Mbal Pem Nagawan-nen-e yamuksa woragwi elem wok nunduwa-o.

YURAS 1:14

Aram-nen wigak yil yil ap tap tuju bem tak posolat-nen ndet yidnak nap Enok iri-nen it kwat unpurak urul posolar-e: ”Yu nde ker-o! Nagawan Indo-nen idnak marak aid nap kere mondok wonarurak puk (beribu ribu) na inmin luk lobok yosolar-e,