MATIUS 26:29 - Nanduk Ngget Tul Pidnak Wene

²⁹ An-nen yak kendeyeg-o: Yawo kuri-nen an-e anggut engen amburu-ge mondok ninggit lak woramindik, an Neid-nen tenagaidnak wi iri me-nen anggut engen amburu ngget mende iri kit kinmin totno nonggolat tarem-nen perak namin-o” luk yij-o.

MATIUS 26:29 ပူးပေါင်းရင်းမြစ်များ

NDAWI ENGGA 104:15

Iri-nen inndi alen tak poso anggut amburu kwarak posolat, saitun amburu-nen entare mbenak poso kwarak posolat, nunggwi mende nonggola, ap enmawi rak poso kwarak posolat kwarigen-o.

NDAWI ENGGA 40:3

At-nen-e ndawi ngget misik an-nen yurak ndawi mirik nobosolar-e, nit Nenmbal Pem Nagawan erembel wanurak ndawi irit mirik nibij-o. Ap kwarat-nen at yik karug-e, kwiye yuruk, Nagawan Indo ebem inndi wat tak puwa-o.

YESAYA 53:11

Iri ala karuk, Nagawan Indo-nen yosolar-e: ”At andi bandi kasolat worarug-e, at-nen andi bandi kagaid iri na ebe-t kwat yidnak karug-e, alen kasolat wolma-o. Ndegel noboso nap iri-nen an nalen tak pusu-o. Ap kwarat-nen meya yidnak pem onggo angin worak wanurag-e at ebem nde mbij-o. At ebem-nen an-e it-nen meya yidnag-e namberam tak pimin-o.

SAKARIA 9:17

Nde, nagawan uwi nggweyag-e konak lombok-nen yusu-o! At onggweyak iri-ge konak lombog-e ijar-o! Nde, iri me-ge nggandum mbato min anggut min-e ndag-et nak wigak yosolat, iri-nen ndowaga ap sujwe min kweyap ndugum min na kwarat enmawi worak ma-o.

MATIUS 13:43

Iri na tarem-e it lud tak nak kwarugwi nab-e it Ineid-nen tenagaidnak wi iri me woragolar-e, molengen nggal enabinal worak wolma-o. Iri bem-e, ta-nen nde eyanggo worak ala-ge, wene yu kwara kuluwag-o.”

MATIUS 16:28

An-e ndemeret yak kendeyeg-o: Yu me worali nap ereb-e Ap Ambara na at-nen tenagaidnak wi imin lobok yosola kagit lak ma-ge wat ma bug-o” luk yij-o.

MATIUS 18:20

Nde, ap mberen ala na, ap kenan ala na, an nunu bem ndok worogola-ge, an-e it ennggendumu-t woramin-o” luk yij-o.

MATIUS 25:34

Iri luk, Nagawan na-nen at inggi kigit nggwe wolma nap na yak ondosolar-e: ’An Neid-nen imbiringgat tak kinpid nap wa-e. Lobok yer-o. Nggweyak ma yu me ndak wirid kuri-nen kit kenmanggim lid lud tak pidnak nagawan-nen tenagaidnak wi yu winde yil lobok yer-o.

MATIUS 26:28

Yu-ge an neyabi-nen yusu-o. Nde, an neyabi-ge Mbal Pem Nagawan-nen urul pidnak neyabi yu-ge ap kwarat-nen meya yidnak na amberam tak puwakluk-nen nggilaridnak neyabi-nen yusu-o.

MATIUS 26:30

Yak undurug-e, it na ndawi yuruk Saitun ndobo bem mbiriga-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

MARAKUS 14:25

An-e ndemeret yak kundusu-o. Anggut engen amburu yawo nili kuri-nen ninggit lak irit woramindik, Mbal Pem Nagawan-nen tenagaidnak wi iri me-nen anggut engen amburu ngget lambuksa nul-o” luk yij-o.

LUKAS 12:32

Yuruk, Yesus-nen yosolar-e: ”Nolomba wam wonarak kit yu-ge wa-e. Kit Kineid-nen at-nen tenagaidnak wi wok kundurag-e indi parik me, kwiye kali meyog-o.

LUKAS 15:32

Alat nde, kat kowot iri-ge wat yidnag-et nde, uruk luk, pul yidnag-et nde, wok yid pem-e nit-nen ijok kerengge sakolat, kijik kijak worogolat yili yu-ge ob-et yili-o’ luk yak tij-o.”

YOANES 15:11

Wene yu yak kindigi yu-ge, an nalen-e kit kenarem worasolat, kenalen kenarem woraso iri na iminep mbal makluk-nen yak kindigi-o.

YOANES 16:22

Iri nggal, kit yawo-ge kinndi puru pera yili-t nde, abok kendam wok yimin nggal-e, kenalin kenalen kwarat kamin-o. Nde, kenalen kagwi iri-ge ap misiger-o luk tet-nen kit kinndi arem-nen mengga wanurag-e meya-o.

YOANES 17:13

Nde, yawo an-e kat keram lobok yekluk yusu-o. An-e nggweyak ma yu me we luru woralat-nen wene yusu yu-ge, an nalen-e it inndi arem kobong makluk-nen yusu-o.

YIDNAK YIDNAK WENE 10:41

ap pidsa inmbiri bem-e nam tak pigit lag-o. Are, wat yidnak ennggendumu-nen uruk luk woralar-e, imin mburu nonggolat, yi nonggolat yige nap, wene yu min waring kujwakluk Mbal Pem Nagawan-nen len ninpidnak nap, nit ninmbiri bem nak nam tak pij-o.

IBERANI 12:2

Nenlengen-e Yesus ebem-et kere kererak wolmog-o. Nde, nit ninndi at ebem angin tubu yul kuri-nen woroksiyem kuri Yesus-nen nak yongga nunduwa-o. Yesus na-ge e lang pang tak pem wat yosolar-e, abok-nen nalen kamin-er-o peraruk-nen e lang pang tak pem wat yogolat-nen ininggiri kagwi na kagit lak wat yij-o. Watlug-e, Mbal Pem Nagawan-nen koreyak woraso sa iri na inggi kigit ambigit nggwe yawo na koreyak worasu-o.

NAM PARA WENE 14:3

Nde, it-nen ndawi ngget misik yogolar-e, nagawan koreyak woraso ondoro bem koreyak worasu na min untugup worak mende empat ereya na min enne kulugwi nap min inmbiri bem ndawi iri-ge yiga-o. Nde, nggweyak ma yu me-nen onnggo bidnak nap seratus empat pulu empat ribu (144,000) iri nak-nen ndawi iri enaru-o.

NAM PARA WENE 7:17

Iri kwat unpuwa iri-ge nagawan koreyak woraso ondoro bem enggendumu worasu Lomba Wam Marik iri-ge at olomba wam iri yik eneyarok woraso nap kwatluk, wok unpuruk, unluk nak wolmomtak yi pilana waso sa inmin mburuwa-o. Nde, Mbal Pem Nagawan-nen-e iniyip lengen oboksa ndogwarak unpuwa-o” luk yij-o.