MATIUS 26:26 - Nanduk Ngget Tul Pidnak Wene

²⁶ It ereba na nunggukmu-ge, Yesus na mburu wanuruk, Mbal Pem Nagawan wa yak turuk, kala ligik puruk, at owosirak wok ondosolat-nen yosolar-e: ”Mburu yu-ge waga mer-o. Yu-ge an nebe-nen yusu-o” luk yij-o.

MATIUS 26:26 ပူးပေါင်းရင်းမြစ်များ

MATIUS 14:19

Yurug-e, ap ereba na yak ondosolar-e: ”Tusuwangge bem kore yer-o” luk yak unduruk-nen mburu lima ereya na min keyane mberen ereya min wanuruk yarik, erengen aid arem nggwe lik karok woralat-nen-e Mbal Pem Nagawan wa yak tij-o. Iri luk, mburu ereya na ndek pendeksa at owosirak ininggem pamu-ge, it-nen-e ap ereba na tembesa mak indiga-o.

MATIUS 26:27

Iri yuruk, at-nen yimbe wanuruk, Mbal Pem Nagawan wa yak turuk, it wok ondosolat-nen yosolar-e: ”Yimbe arem kenanggo yu-ge kit oboksa mer-o.

MARAKUS 6:41

Iri rak unpurug-e, at-nen oroti mburu lima na min keyane mberen na min wanuruk yarig-e, erengen mbal lik karuk, Mbal Pem Nagawan ”Wa-o” yak turuk, oroti mburu ndeksa ligik puruk, at owosirak-nen tembet unduwakluk ininggem pij-o. Iri nggal keyane mberen na irit tembesa it pidsa wok indij-o.

LUKAS 22:17

Iri yuruk, Yesus-nen yimbe na wanuruk, Mbal Pem Nagawan wa yak turuk-nen yosolar-e: ”Yimbe yu wanuruk, kit temberer-o.

LUKAS 24:30

Nde, it inmin nokluk, kore lug-e, Yesus-nen oroti wanuruk, Mbal Pem Nagawan wa yak turuk, ndeksa ligik puruk, tembesa mak indij-o.

YIDNAK YIDNAK WENE 2:46

Nde, pelin na pelin na it inndi lambuksa Mbal Pem Nagawan ama ndok worogolat, it enma lombok-nen mburu ndeksa nonggolat yiga-o. Nunggwi mende nonggolar-e, inndi mot mor-et enalin min nonggolat,

YIDNAK YIDNAK WENE 20:7

Nde, minggu tarem-e nir-e mburu ndeksa mbo nokluk ndok wirigerik woragola-ge, Paulus na-ge kup mbururak me, at-nen anggamirak tak inpidnak nap wene yak enderenak irit worasoma, o nggiringgendumu yij-o.

1 KORINTUS 10:4

it pidsa-ge inndi amanggim yi na misiget erep nak nonggolat yiga-o. Ir-e yi nonggolar-e, inndi amanggim it inmin mbiridnak kerep iri arem-nen waidnak yi ningga-o. Nde, kerep iri-ge Kerisut arer-o.