MATIUS 26:24 - Nanduk Ngget Tul Pidnak Wene

²⁴ Ap Ambara na wat yosolar-e, Mbal Pem Nagawan engga mbarak pem-nen ’Iri nggal kwasa wat ma-o’ luk yidnak na ndak ndak irit wat ma-t nde, Ap Ambara wesel ubuwa nap iri-ge abuwa-o! Ap iri-ge ndakit lak yelep nggal-e mondok konag-o!” luk yij-o.

MATIUS 26:24 ပူးပေါင်းရင်းမြစ်များ

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

NDANIEL 9:26

Angin worak tarem ereya woraruk, worok yosola-ge, Mbal Pem Nagawan-nen lena pil lobok yidnak ap lit unpuruk noso nap iri na-ge ar-e meya kwarigit lag-et nde, wuruwa-o. Worogola-ge, nagawan misik-nen idnak esan ombo lobok yogolar-e, Yerusalem iri na min Nagawan Indo wi iri na min-e mondok ondoro min abu lak tak puwa-o. Iri kwatluk ombol nggwe-ge Mbal Pem Nagawan-nen ’Iri nggal-et kwaruwa-o’ luk lud tak pid iri na ndak ndag-et wim nab-e yi ebe nggal irit lobok yogolat inmin wim mborogolat, yigisa lak tak unpuwa-o.

MATIUS 18:7

Nggweyak ma yu me-nen ap meya makluk enarem woraga pil nggoso mende nin tak nan tak worasu me, enabuwa-o. Iri mende-ge mondok wolma-t nde, enarem woraga pil ngguwa nab-e abuwa-o.

MATIUS 26:31

Mborogolar-e, Yesus-nen it yak ondosolar-e: ”Mbal Pem Nagawan engga mbarak pem-nen yosolar-e: ’Lomba wam yik karok woraso nap wurumu-ge, at olomba-ge ndibi ndi ma-o’ luk yidnak me, yawo kubu yu-ge kit pidsa-ge an keya nuburuk mburugub-o.

MATIUS 26:54

Alat nde, iri nggal kwatlepnggal-e, Mbal Pem Nagawan engga mbarak pem-nen ’Iri nggal kwat ma-o’ yidnak wene iri na nggesa-nen ndak ndak tak peleb-o?” luk yak tij-o.

MATIUS 26:56

Alat nde, yu kwat yusu oboksa-ge Mbal Pem Nagawan ene lomboksa yugwi nap-nen Mbal Pem Nagawan engga mbarak pem mbariga wene na ndak ndak tak posolat-net kwat yusu-o” luk yij-o. Iri yosoloma-ge, owosirak oboksa-ge at keya buruk, kwiye mbiriga-o.

MARAKUS 14:21

Ap Ambara wat ma iri-ge Mbal Pem Nagawan engga bem-nen urul pidnak na ndak ndag-et wat ma-t nde, Ap Ambara iminep wisirid nap iri perak nde abuwa-o! At iri-ge ndesa mbigit lak nggal-e konak lombog-o” luk yij-o.

MARAKUS 9:12

Kin wok obogolikma-ge, Yesus-nen it yak ondosolar-e: ”Elia-ge yi mende ndi mende lid lud tak purak pem ndemeret at nandug-et lobok yuwa-t nde, Mbal Pem Nagawan engga mbarak pem-nen-e: ’Ap Ambara iri-ge yane kwarat worosolat, ap-nen pesel obogolat ma-o’ luk yidnak iri-ge ngge kwarag-o?

LUKAS 22:22

Ap Ambara an-e Mbal Pem Nagawan indi-n pidnak pem-et wat yimin-et nde, an niminep wusuruwa nap iri perak nde ebem mbuwa mende iri bem abuwa-o!” luk yij-o.

LUKAS 24:46

yak ondosolar-e: ”Mbal Pem Nagawan engga bem-nen mbaridnak wene-ge yur-o: ’Kerisut na andi bandi karuk, mberen nene luk, kenan tak purak pem wat yidnak nap ennggenggerak-nen uruk ma-o.’

YOANES 17:12

An-e it inmin woralar-e, an wok nirigen kunu iri bem-et ndegel onposolat woragi-o. Nde, an-nen-e it yik eneyarok worala-ge, misiger-o luk tet pul yigit lag-o. Are, Mbal Pem Nagawan engga bem mbaridnak na ndak ndak makluk, ap misiget nak pul yij-o.

YOANES 19:24

it-nen yogolar-e: ”Sum yu-ge ndulurag-e meya-o. Are, engga mbara ligik puwog-o. Ebem mbidnak nap irit wanuwak-nen-o” lug yiga-o. Iri kwariga iri-ge Mbal Pem Nagawan engga mbarak pem-nen yosolar-e: ”An nusum-e it-nen tembesa wanogolat, namberam sum mot wanurak pem engga mbara ligik pogolat yiga-o” luk yid iri na ndak ndak tak pogolat-nen kwariga-o. Ndemeret iri na nggal-et it san winde ereba-nen kwariga-o.

YOANES 19:28

Iri lug-e, Yesus-nen-e pidsa ndak yidnak na aru lug-e, Mbal Pem Nagawan engga mbarak pem-nen yidnak wene ndak ndak makluk, at-nen yosolar-e: ”Yi nere-o” luk yij-o.

YIDNAK YIDNAK WENE 2:23

Mbal Pem Nagawan-nen at indi-n pidnak pem at-nen irit kwarimin-o luk peragaid iri na ndak ndak tak posolar-e, Yesus na-ge wesera kininggem pamu, kit-nen-e it wene tarugwi nap endam pogola, it ininggi-nen-e e lang pang tak pem panggarak ibiga-t nde, kit-net wirigep nar-o.

YIDNAK YIDNAK WENE 28:23

Iri tarem-et yak nundurag-o luk yiga na tarem-e at eram ap kwarat ndok worogolikma-ge, at-nen-e wene yak ondosolar-e, Mbal Pem Nagawan-nen tenagaidnak wi wene kenggera yak ondosolar-e, Musa-nen imiri mbarak pidnak wene bem-nen na, Mbal Pem Nagawan ene lomboksa yugwi nap-nen mbaridnak wene bem-nen na, Yesus ebem inndi angin tubu makluk yak ondosolar-e, kuplila-nen tel kwirij-et nde, keyama rak pij-o.

YIDNAK YIDNAK WENE 4:28

Ndok wiriga iri-ge, kat kamawi min kat kindi-nen irit kwaruwag-o luk nanduk peraigen mende irit lud makluk kwariga-o.

1 KORINTUS 15:3

An-net wanigi wene owak ndum irit yak kindigi-o: Nde iri-ge, Mbal Pem Nagawan engga bem-nen mbarak iri na ndak ndag-et Kerisut-e nit meya yidnak nenmanggim wat yamu-o.