MATIUS 26:18 - Nanduk Ngget Tul Pidnak Wene

¹⁸ Yogolikma-ge, Yesus-nen it yak ondosolar-e: ”Kir-e o siri nggok iri me mburugupndik, ap mbi eram mbutluk-nen at yak togolar-e: ’Nggomo Nondoso Nap-nen yosolar-e: An-nen idnak tarem-e panggo yij-o. An min an nowosirak inmin-e O Anggul Pandok Mbiridnak tarem na-ge kat kama-nen yebet kul-o yij-o’ luk yak ter-o” yij-o.

MATIUS 26:18 ပူးပေါင်းရင်းမြစ်များ

MATIUS 21:3

Nde, ap misik-nen nde imiri yosola-ge, kit-nen yogolar-e: ’Wam yu-ge Nagawan Indo at-nen kwarurak mbi worasu-o’ luk yak togola-ge, ereya na-net wam na waruk mborobokluk keya kunpuwa-o” luk yak indij-o.

MATIUS 23:10

Nde, tu lit keneyaso nab-e Kerisut misiget nak me, kit kinmin-e ’Tu Lit Neneyagwi Nab-o’ luk yak kundurag-e meya-o.

MATIUS 23:8

Alat nde, Mul Kondoso Nab-e misiget nak worasu, nde, kit oboksa-ge owe owot-net yili me, kit kinmin-e ’Mul Nondoso Nab-o’ luk yak kundurag-e meya-o.

MATIUS 26:19

Iri yosola-ge, at owosirak na-nen Yesus-nen yidnak yidnak irit kwarogolar-e, O Anggul Pandok Mbiridnak tarem yebet kagolat-nen nunggwi mende na lid lud tak piga-o.

MATIUS 26:2

”Kir-e kenaru nar-o. Mberen narug-e, O Anggul Pandok Mbiridnak tarem-e Ap Ambara na-ge e lang pang tak pem panggarak ubuwakluk, iminep wisirik puwa-o” luk yak indij-o.

MATIUS 26:49

Yuras na-ge ndag-et nak Yesus eram mberarak, at yak tosolar-e: ”Nggomo Nondoso Nap wa-e. Nap wa-o” luk paluksa wa yak tij-o.

MARAKUS 5:35

Wene iri yak tosoma-ge, ap Yairus ama-nen ap lobok yigarik, at yak togolar-e: ”Kat kara na-ge mondok wat yamu-o. Noluk-nen Mul Nondoso Nap yu anggun panggun tak ubusu-o?” luk yiga-o.

LUKAS 22:53

An-e pempa kit kennggenggerak Mbal Pem Nagawan ama woraso-t nde, kir-e tena nibigit lak yigeb-o. Alat nde, yawo-ge kit-nen idnak tarem min ndamuk ombo-nen amawi yurak tare min-nen yusu-o” luk yij-o.

YOANES 11:28

Nde, wene na yuruk Marata na ama mberarik-nen owot Maria na wene mbo buruk, mbik mbok-nen yak tosolar-e: ”Mul Nondoso Nap na lobok yarig-e, kat kin wok kibij-o” luk yak tij-o.

YOANES 12:23

Yak togolikma-ge, Yesus-nen it yak ondosolar-e: ”Ap Ambara an nunu kek tak purak tarem-e ndak agaij-o.

YOANES 13:1

O Anggul Pandok Mbiridnak tarem yebet kagolat nggulok saguwokluk nene yogolar-e, Yesus na nggweyak ma yu me keya buruk, Eid eram mondok mbururag-e yawo-n panggo yij-o luk, aru yij-o. Aru yosola-ge, at winde nap nggweyak ma yu me woragwi iri enabuwa kaso na worok tak purak tarem-nen na it enabuwa-t kagaij-o.

YOANES 17:1

Yesus-nen wene na yurug-e, at erengen mbal arogo lik karuk-nen yosolar-e: ”Neid wa-e. An nururak tarem-e yawo-n panggo yij-o. Kat Kambara an-nen kat kek tak kubuwaklug-e, kat-nen-e Kambara an kek tak nibi-o.

YOANES 20:16

Yak tosoloma-ge, Yesus-nen kwe na yak tosolar-e: ”Maria-o” luk yak tosoloma-ge, kwe na-ge at ambigit nggwe nden karuk, Iberani wene bem-nen at yak tosolar-e: ”Arabuni” yij-o. (Iri-ge Mul Nondoso Nab-o yosolat-nen yij-o.)

YOANES 7:30

Iri tarem-net it-nen-e at tenagurak yiga-t nde, at tenagurak tarem-e awo wok yigit lak me, ap misiger-o luk tet at tenagurak meya agaij-o.

YOANES 7:6

Yak togolikma, Yesus-nen it yak ondosolar-e: ”An-nen kwarurak tarem-e awo wok yigit lak worasu-o. Nde, kit-nen kwarurak tarem-e ndak nak worasu-o.

YOANES 7:8

Nunggwi mende nggulok saguwa sa kir-e mberer-o. An-nen kwarurak tarem-e awo wok yigit lak me, an-e nunggwi mende nggulok iri saguwa sa mbirimin pug-o” luk yak indij-o.