MATIUS 26:14 - Nanduk Ngget Tul Pidnak Wene

¹⁴ Iri luk, it ap duabelas inmin wanat inpidnak nap misik, at unu-ge Yuras Ikariot na-ge tepan omborak nagawan na endam mberarik,

MATIUS 26:14 ပူးပေါင်းရင်းမြစ်များ

MATIUS 10:4

nuwi nggweyag-o luk imiri yoso nap Simon min, Yesus onggo yarid nap Yuras Ikariot min irir-o.

MATIUS 26:25

Yosoloma-ge, at wesel uburak nap Yuras na-nen yosolar-e: ”Nggomo Nondoso Nap wa-e. An nde yigen, lak?” luk yosoloma-ge, Yesus-nen wene erep nggarosolar-e: ”Kat yigen irir-o” luk yij-o.

MATIUS 26:47

Yesus na wene yosolat worasoma-ge, at owosirak duabelas inmin waring kaso nap Yuras na-ge tepan omborak nagawan nagawan min Yawuri nap ogore yidnak nap min-nen inpil lobok yidnak ap kwarat ereba-ge Yuras imin lobok yogolar-e, posid tege wanugwi, nggwambu wanugwi lobok yiga-o.

MATIUS 27:3

At wesel indidnak nap Yuras at-nen yik kagaidnggal-e, Yesus na wururak wene ebem pidnak ala karuk, at indi puru luk, kerep tol tiga pulu ereya na tuguruk tepan omborak nagawan nagawan min ogore yidnak nap min wok indil mbirij-o.

YOANES 12:4

Iri ala-ge, Yesus imin nugwi nap ap misik, abok-nen Yesus iminep wusururak nap Yuras Ikariot na-nen yosolar-e:

YOANES 13:2

Kubu nggwe-ge Yesus at owosirak inmin totno mburu nunggukmu-ge, Simon ambara Yuras Ikariot na-nen Yesus iminep wusururak indi iri Sere-nen at indi rak pij-o.

YOANES 13:26

Yosoloma-ge, Yesus-nen at yak tosolar-e: ”Ap iri-ge an-nen oroti mburu mbi amburu masa wok timin nap irir-o” yuruk, oroti mburu mbarak mbi waga amburu masa Simon Ikariot ambara Yuras irit wok tij-o.

YOANES 13:30

Iri peragola-ge, Yuras na-ge oroti mburu na wanuruk, ereya na-net wulungsa ndag-et mbirij-o. Iri tarem-e kubu nggwe-o.

YOANES 18:2

Nde, iri me-ge Yesus na at owosirak inmin lambuksa mbutluk ndok wurugwi me, at iminep wusururak nap Yuras na-ge o iri me aru woragaij-o.

YIDNAK YIDNAK WENE 1:16

”Nanggamirak wa-e. Yuras-nen Yesus tenagaidnak nap ininggi waruk lobok yid iri-ge at urul-e nanduk Konak Indi-nen Mbal Pem Nagawan engga bem Ndaud emendam tak pidnak wene iri na mondok ndak ndak tak posolat-nen kwarij-o.

YIDNAK YIDNAK WENE 1:18

Ap iri-ge at meya kwaridnak onggo pidnak tol iri na bem nggweyak misik onggo puruk, iri na me anggul sindik nggwe mbosolar-e, at embe penaksa al kilaksa mbij-o.