MATIUS 26:10 - Nanduk Ngget Tul Pidnak Wene

¹⁰ Yogolikma-ge, Yesus na it inndi-n perali na aru luk, at-nen it yak ondosolar-e: ”Kir-e noluk-nen kwe yu indi kalak pili-o? An kwat nibid yu-ge konak lombok kwat nibid irir-o.

MATIUS 26:10 ပူးပေါင်းရင်းမြစ်များ

NEMIA 2:18

Yak undurug-e, Mbal Pem Nagawan-nen an yongga nirid wene min nagawan-nen yak nirid wene min ereba na-ge ndindera yak indigi-o. Yak ondosola karug-e, it-nen onggo yogolar-e: ”Ob-o, Wuruwog-o!” luk yiga o. Iri lug-e, kerep pak leget iri na wururak wet tak piga-o.

MATIUS 26:11

Insilobulo lak nab-e pem-et kit kinmin wolma-t nde, an-e kinmin pempa woramin pug-o.

MATIUS 26:9

Emben worak amburu iri-ge onggo mondok kwarat wanuruk, tol-e waga insilobulo lak nap wok endeleb-o” luk yiga-o.

MARAKUS 14:6

Met obogolikma-ge, Yesus-nen yosolar-e: ”An konag-et kwat nibidnak me, kir-e noluk-nen met ibili-o? Kwe yu keya ber-o.

LUKAS 8:49

Nde, Yesus na wene yosolat worasoma-ge, Yairus ama-nen lobok yidnak nap mbi-nen Yairus na yak tosolar-e: ”Nab-o. Kat kara na-ge wat yamu me, Mul Nondoso Nap yu wewesa anggun panggun tak purak pug-o” luk yak tij-o.

2 KORINTUS 9:8

Yi mende ndi mende oboksa bem pempa ndak woraboklug-e, Mbal Pem Nagawan-nen-e at-nen we wok ondoso mende nggilara ndak yaga wok kundurag-e ndak-nen yusu-o. Iri-nen-o kit-nen yi kwatlik ndi kwatlik konak nak kwarogolar-e, kenarengge-ge ndinik nak wolma-o.

NGGALATIA 1:7

Alat nde, wene nin iri-ge ndemeret aid wene-nen yusu-ge lag-o. Are, ap erep-nen-e kit nari wari rak konpogolat, Kerisut-nen idnak aid wene na nden penden tak puwokluk kwatli-o.

NGGALATIA 5:12

Kit nari wari rak kinpili nap iri-ge it-net it ondomok iniyiri wok kurujwag-o!

NGGALATIA 6:17

Yesus arengge-nen yusu-o luk yenggerak nuburak pem an nebem ud aroro worasu me, yawo kuri-nen-e ap mbi-nen an anggun panggun tak nuburag-e lag-o.

EPESUS 2:10

Nir-e Mbal Pem Nagawan-nen ndak wat ninpidnak-nen yili-o. Nir-e konak nak kwarogolat wolmakluk Kerisut Yesus ebem ndak worak ninpij-o. Nde, nit-nen konak nak kwarogolat wolmomtak iri-ge abuwok ma-net Mbal Pem Nagawan-nen lid lud tak pij-o.

KOLOSE 1:10

Iri rak konposola-ge, Nagawan Indo erengen pem kir-e ndak ndak yogolat, yi mende ndi mende bem at alen tak ubugub-o. Nde, kit-nen yi kwatlik ndi kwatlik kwarogolar-e, engen-e konak nak pogolat woragub-o. Nde, Mbal Pem Nagawan kenaru yogolat na, kwarat kenaru yuwa-o.

2 TESALONIKA 2:17

kit kinndi eyak worosolat, konak nak kwarogolat, konak wene nak yogolat yobokluk-nen amawi wok kondosolat mag-o.

1 TIMOTIUS 3:1

Wene yu-ge ndemerer-o: ”Lambuk tak inpidnak nap yik eneyarok woraso nap teyeg-o” luk yusu nab-e konak yabu waneyekluk-nen yusu-o.

1 TIMOTIUS 5:10

konak nak kwaroso bem ap pidsa enaru ala, ilirak kwara ndegel onposo ala, ap sal enal paroso ala, anggamirak inndi angin tubu yidnak nap unuwok maroso ala, anggun panggun woragwi nap yongga ondoso ala, wene poro bem yogolar-e, pempa konak nak kwaroso ala, unnu mbarurag-o.

2 TIMOTIUS 2:21

Ta-nen nde at meya yidnak keya buruk, at ondomok mat korasu nab-e nggok sakwi tarem-nen wanugwi piring nggal kwat ma-o. Piring iri ombo-nen arengge indi kundik woraso kwat luk, konak mende pidsa kwarurak lid lud tak pidnak piring nggal kwat ma-o.

TITUS 1:16

It-nen yogolar-e: ”Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

TITUS 3:1

Kat-nen nggomo ondoso nap na yeberak onposolar-e: ”Nggweyak tena woragwi nagawan min pemerinta nap min-nen yidnak wene kuluruk, it-nen yidnak yidnak nak kwarogolar-e, yi mende ndi mende konak nak kwarurak pem-e lid lud tak puruk wolmer-o.

TITUS 3:14

It-nen pempa ukwe peragwi mende na ndak nak wolmakluk, nit nab-e konak nak kwarurak iri-ge mondok kwarogolat wolmag-o. Ir-e we kasabat wolmomtag-e meya-o.

TITUS 3:8

An-nen yak kurusu yu-ge ndemeret wene-o. Mbal Pem Nagawan ebem inndi angin tubu yugwi nap-nen-e ndemeret konak nak kwarogolat wolmakluk, kat-nen wene yu-ge amawi rak purak iri-ge an-e nindingen-o. Iri kwarurak iri-ge ap pidsa enmanggim mondok konak lombok-nen yusu-o.

IBERANI 13:21

Yamuksa woragwi elem Mbal Pem Nagawan-nen konak mende oboksa wok kondosola, iri bem-nen Mbal Pem Nagawan indi-n pidnak nak kwarobokluk, ndak tak kunpuwag-o. At indi-n peraidnag-e Yesus Kerisut ebem-nen Mbal Pem Nagawan-nen nit nenarem yabu wanuwag-o. Nde, Yesus Kerisut na-ge kek tak pem-et woralik nalik wolmag-o. Amen.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.