MATIUS 25:42 - Nanduk Ngget Tul Pidnak Wene

⁴² An nere worala, nunggwi mende mak nirigit lak yigeb-o. Yi nere worala, yi mak nirigit lak yigeb-o.

MATIUS 25:42 ပူးပေါင်းရင်းမြစ်များ

AMOS 6:6

Kir-e anggut engen amburu embe kobong tak ereba na nonggolat, amburu emben konak onggo nggok pugwi ereba na kenpem ndarogolat kwatli-t nde, kir-e Isarael nap lak tak unpurak iri na bem kinndi puru luk, yip tili bug-o.

MATIUS 12:30

Nde, an nambigit nggwe yigit lak nab-e an nimin sirid nap-nen yusu-o. Nde, an nimin ndok worak inpigit lak nab-e, ndibi ndi rak unpusu-o.

MATIUS 25:35

An nere kasoma-ge, kit-nen-e nunggwi mende mak nirigeb-o. An yi nere ala-ge, yi mak nirigeb-o. An ap sal worasola-ge, kit kenma rak nibigeb-o.

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

MATIUS 25:43

Ap sal worala, kit kenma rak nibigit lak yigeb-o. Sum lak worala, sum wok nirigit lak yigeb-o. Kugi worak worasola, o kubu me worasola, niyil lobok yigit lak yigeb-o’ luk yak unduwa-o.

MATIUS 4:2

Nde, Yesus na-ge mburu ninggit lak, lengge-nen kubu-nen empat pulu worarug-e, mburu nere ebem wok yij-o.

YOANES 14:21

An-nen yidnak yidnak nak wanuruk, irit kwaruwa nab-e, an nabuwa kaso nab-e irir-o. Nde, an Neid-nen-e an nabuwa kasu nap na abuwa kujwa-o. An-nen na at abuwa kasolat, an-net an mirik obosolat yimin-o” luk yij-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

1 KORINTUS 16:22

Nagawan Indo abuwa kaso buk nap perak nde, imbiri lamut mag-o! Maranata! yogolar-e: ”Nenagawan Indo wa-e. Lobok yi-o!”

2 TESALONIKA 1:8

Kan mare min lobok yosolar-e, Mbal Pem Nagawan-e ndemerer-o luk yugwi buk nap min Nenagawan Indo Yesus-nen yidnak aid wene kuruk tugwi nap min enpem angin worak mende puwa-o.

1 YOANES 4:20

Nde, ap misik-nen-e: ”An-e Mbal Pem Nagawan abuwa kaso-o” luk yosolar-et nde, at anggam mbi isili rak poso ala-ge, iri yoso nab-e enesiget wene yoso-nen yusu-o. At anggam na at erengen-nen nam kaso-net nde, abuwa kaso buk-nen-e at erengen-nen kaso buk Mbal Pem Nagawan na abuwa kujwa bug-er-o.