MATIUS 25:4 - Nanduk Ngget Tul Pidnak Wene

⁴ Alat nde, it inndi nggat ponok tak kwami na-ge ental owak wanurug-et nde, yi kanduk mbi ondomok tak inidmbe arem kenangguruk mbiriga-o.

MATIUS 25:4 ပူးပေါင်းရင်းမြစ်များ

MATIUS 10:16

”Yu nde ker-o. An-nen wirik konposolar-e, lomba wam-e ndakngge enggendumu wirik pugwi nggal wirik kunpusu-o. Iri bem-e, kir-e kinndi tenggerak waro nggal woragolat, kinndi yanggonak towe merpati nggal woragolat mer-o.

MATIUS 25:2

Mborogolar-e, it lima-ge inndi lak woraiga-o. Nde, it lima-ge inndi nggat ponok tak woraiga-o.

MATIUS 25:3

It inndi lak kwami na-ge ental owag-e waniga-t nde, abok pil nggurak yi kandug-e we mbiriga-o.

MATIUS 25:5

Nde, it wok unpurak nap iri na lobok yigit lag-et lag-et worala-ge, it kwami ereba-ge enlengen lambu lambu luk, nene yiga-o.

MATIUS 7:24

”Iri ala-ge, an-nen yidnak wene kuluruk, kulidnak iri ndak ndak kwaruwa nab-e, ap indi nggat nggat worak-nen at uwi worosolar-e, kerep pem wirid nap iri na nggal-nen yili-o.

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

OROMA 8:9

Alat nde, kir-e ki nap-nen kwarugwi mende bem worali-ge lag-o. Konak Indi ndemeret kit kenarem worala-ge, kri-e Konak Indi arem-e worali-o. Nde, Kerisut Indi wanigit lak nab-e Kerisut arengge-ge lag-o.

2 KORINTUS 1:22

at arengge rak nonposolar-e, yenggerak purak mende nenpem posolat, abok-nen kwat nunpurak wene urul pidnak nggal Konak Indi-ge nit nenarem wolmakluk wok nondosolat yij-o.

1 YOANES 2:20

Alat nde, Kerisut-nen Konak Indi-ge kit kenpem kilidnak me, kit pidsa kenaru yili-o.

1 YOANES 2:27

Alat nde, kit perak nde, Kerisut-nen Konak Indi-ge kit kenpem nggilara pil mbuwagaij-o. Nde, Konak Indi-ge kit kenarem woralar-e, yi mende ndi mende pidsa mul kundusu me, ap-nen mul kundurag-e meya-o. Nde, Konak Indi-nen mul kundusu wene-ge enesiget wene-ge lag-o. Ndemeret wene nak mul kundusu-o. Iri bem-e, kit-nen-e Konak Indi-nen yidnak yidnak nak kwarogolat, Kerisut imin kundik irit wolmer-o.

YURAS 1:19

It iri-ge, Konak Indi it enarem lak me, it enaboro-nen ukwe ukwe yugwi mende nak kwarugwi bem-e ap kuri worak unpugwi-o.