MATIUS 25:37 - Nanduk Ngget Tul Pidnak Wene

³⁷ Yak ondosoloma, it lud tak nak kwarugwi nap-nen yak togolar-e: ’Nagawan Indo wa-e. Nir-e mepme-nen kat nere kasola keyaruk, nunggwi mende mak korogolat, kat yi nere ala keyaruk, yi mak korogolat yige-o?

MATIUS 25:37 ပူးပေါင်းရင်းမြစ်များ

NGGOMO WENE 15:33

Nagawan Indo indi aye worak wolmomtak iri-ge enaru yugwi mende enaru yurak mabin-nen yusu-o. Kek tak woragwi iri-ge inndi teberak woragwi iri-nen pil lobok yoso-o.

YESAYA 64:6

Nit oboksa-ge kopkap tobok tak woragwi-o. Iri-nen nit-nen konak kwarugwi min-et kopkap tobok tak mondok meya-nen yusu-o. Nir-e engga lera mbidnak umbuk o wija-nen puk kuruk mburusu iri na nggal, nir-e meya kwarugwi bem-et lak mul-o.

MATIUS 25:36

An nusum lak worasola-ge, sum wok nirigeb-o. An kugi worak worasola-ge, yongga niril lobok yigeb-o. O kubu me worasola-ge, neram lobok yigeb-o’ luk yak unduwa-o.

MATIUS 25:38

Nde, nir-e mepme-nen kat ap sal worasola keyaruk, nit nenma rak kobogolat, kat kusum lak ala keyaruk, sum wok korogolat,

MATIUS 5:6

Nde, lud tak nak kwarurak ukwe kwarat kali nab-e Mbal Pem Nagawan-nen inndi teyok tak unpuwa me, enalen kali-o.

MATIUS 6:3

Alat nde, kit-nen-e yi mende ndi mende-ge insilobulo lak nap we wok ondogolar-e, kininggi kigit nggwe-nen kwarusu iri-ge kininggi kware nggwe-ge aru rak purak pug-o.

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.