MATIUS 25:34 - Nanduk Ngget Tul Pidnak Wene

³⁴ Iri luk, Nagawan na-nen at inggi kigit nggwe wolma nap na yak ondosolar-e: ’An Neid-nen imbiringgat tak kinpid nap wa-e. Lobok yer-o. Nggweyak ma yu me ndak wirid kuri-nen kit kenmanggim lid lud tak pidnak nagawan-nen tenagaidnak wi yu winde yil lobok yer-o.

MATIUS 25:34 ပူးပေါင်းရင်းမြစ်များ

NDAWI ENGGA 2:6

Iri yosolat-nen yak ondosolar-e: ”Nondobo Sion marak iri na bem-nen an-nen idnak nagawan irit mendak pigi-o” luk yak undusu-o.

YESAYA 33:22

It-nen idnak yi koma ereba arem yi mende ndi mende lid lud tak pidnak ereba na-ge ebe lak mende nde kwat ma-o. Kona mburuwakluk o wija-nen wat kaso sum ereba na-ge wesera wigak tak purag-e meya ma-o! San ombo ap kere kwarat ereba na enarengge mondok kwarat nit-nen ndena wanogolar-e, ap onowak wat, yidnak woragwi tet ininggem ma-o. Iri tarem-e Nagawan Indo ar-et nennggendumu nagawan kwat yosolar-e, at-nen tena nonposolat, ninmiri yosolat ma-o.

YESAYA 6:5

Iri ala karuk, an-nen yosolar-e; ”An-e mondok yawo-net lak yimin kagi! An-e wene meya nak yoso me, nemnde na emben torak. Iri-nen an na meya wene iri nggal nak yugwi nap ennggendumu-t woraso me-t nde, an nerengen-net Nagawan iri Nagawan Indo Mondok Amawi Worak iri na kagi yu-ge an-e yawo-net wat yimin kagi” luk yigi-o.

YESAYA 9:7

At-nen-e Ndaut-nen wigarak, at ondolma nagawan o tena wolma-o. Nde, at-nen tenaguwa wi-ge mondok terak mena irit tenaguwa-o. At-nen tenaguwa wi-ge konak yamuk tak irit wolma-o. At-nen tenagidnak wi-ge yawo-nen kuri pem irit woralar-e, ndemeret mot mot nak irit wolma-o. Nagawan Indo Mondok Amawi Worak iri-nen-e ndemeret mondok kwaruwar-o. 9:8–10:34 Pasal yeba arem-e Mbal Pem Nagawan-nen abare abam (utara) nggwe woragwi Isarael nap enpem angin worak pidnak wene iri na-ge abare ena (selatan) nggwe woragwi Yewura nap ereba na mirik unpuwakluk yak tidnak wene mbarak worasu-o. Alat nde, Mbal Pem Nagawan-nen at ilirak meya nak kwarugwi ereba na lel mberel unpuwakluk enlem Asiut nap ininggem pij-et nde, it Asiut iri na mondok lak tak unpurak wene na mbarak worasu-o.

NDANIEL 9:25

Yu-ge kwara karu yosolat, kwara yebet ki-o. O Yerusalem iri na tuguruk wururak wene wirik posola tarem-nen ap lit unpuruk mbururak nap Mbal Pem Nagawan-nen lenak pidnak nap lobok yuwa kuri-ge olengen tuju kali tuju irit wolma-o. Nde, Yerusalem iri me tuguruk worogolar-e, tula ereba na-ge tuguruk yakolat, kurak yil mburugwi ondoro ereba na-ge tuguruk worogolat wolmarik, olengen tuju kali enam pulu dua (62) ereya wolma-t nde, ereya tarem-e mondok angin worak tarem-er-o.

MATIUS 13:35

Iri kwarid iri-ge, Mbal Pem Nagawan ene lomboksa yoso nap-nen yosolar-e: ”Nde, an-nen it yak ondosolar-e, nden karuk wene bem nak yak indimin-o. Nggweyak ndak wirid kuri-net enaru buk woragwi wene na yak indi-min-o” luk yid iri na ndak ndak tak posolat-nen kwarij-o.

MATIUS 19:29

Nde, an nebem ala at uwi worak nde owe owot nde iridtak nde eid ija nde ilirak nde eyabu nde keya buruk nuwa nab-e, iri mende ondolmasa seratus pem wanosolat, pem-et uruk wolmomtak elem winde yosolat ma-o.

MATIUS 20:23

Yogolikma-ge, at-nen it yak ondosolar-e: ”Nidmbe arem kenanggo iri-ge ndemeret nunggub-et nde, an ninggi kigit nggwe, kware nggwe kore yurak iri-ge an-nen koreyak unpurag-e meya-o. Are, an Neid-nen: ’At iri aret pimin-o’ luk enperasu nap iri koreyak unpuwa-o” luk yak indij-o.

MATIUS 21:5

”Sion ara yak ter-o: Yu nde ki-o. Kat Nagawan na-ge keram lobok yusu-o. At iri-ge indi yanggonak me, kelerai wam ombolwak pem kore luk lobok yusu-o. Angin worak mende waruk noso kelerai wam amarik na ombolwak pem kore luk lobok yusu-o.”

MATIUS 25:21

Yosoloma-ge, at eid-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

MATIUS 25:23

Yosoloma-ge, at eid na-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

MATIUS 27:37

Nde, at anggul nduk abam nggwe-ge at ebem pidnak wene mbara bogolar-e: ”At yu-ge Yesus Yawuri nap nagawan-nen yusu-o” luk mbarak piga-o.

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

MATIUS 5:19

Iri bem-e, ta-nen nde imiri mbarak pidnak wene enggendumu-nen wene marik komosa iri na kuruk turuk, kuruk tugwi iri na nin nap na mul unduwa nap iri-ge Mbal Pem Nagawan-nen tenagaidnak wi iri me-ge iri yidnak nab-e unu lak, teberak irit wolma-o. Alat nde, ta-nen nde imiri mbarak pidnak wene-nen yidnak yidnak nak kwarosolat, nde, iri kwarugwi-ge nin nap na mul unduwa nap iri-ge Mbal Pem Nagawan-nen tenagaidnak wi iri me-ge ap kek tak irit wolma-o.

MARAKUS 10:17

Yesus na mbururak sa nggwe mborosoma-ge, ap misik at eram puburak lobok yarik, at urugom endaru yunggusa kore luk-nen kin wok obosolar-e: ”Mul Nondoso Nap, Konak Nap wa-e. Nurug-et woralik nalik wolmomtak waneyek-nen an-e ngge nde kwarimin-o?” luk kin wanij-o.

MARAKUS 10:40

an ninggi kigit nggwe, kware nggwe kore yurak iri-ge an nebem-e lag-o. Iri me kore yurak iri-ge Mbal Pem Nagawan nak-nen koreyak unpuwa-o” luk yak indij-o.

LUKAS 11:28

Yesus-nen yosolar-e: ”Iri yigen-et nde, Mbal Pem Nagawan-nen yidnak wene na kuluruk, iri-nen yidnak yidnak kwatli nab-e enalen-e terak menna kagolat wolma-o” luk yij-o.

LUKAS 11:50

Mbal Pem Nagawan-nen iri inpil lobok yuwa iri-ge Mbal Pem Nagawan ene lomboksa yugwi nap pidsa nggweyak yu ndak wirid kuri-net enderenak ti-net yawo na indili iri na enmena-ge kit yawo worali nap kenpeyekluk-nen kwaruwa-o.

LUKAS 12:32

Yuruk, Yesus-nen yosolar-e: ”Nolomba wam wonarak kit yu-ge wa-e. Kit Kineid-nen at-nen tenagaidnak wi wok kundurag-e indi parik me, kwiye kali meyog-o.

LUKAS 19:38

”Nagawan Indo unu bem lobok yusu nagawan yu-ge imbiringgat tak puwag-o! Aid arem-nen yamuksa woragolat, Mbal Pem Nagawan unu kek tak wolmag-o!” luk yil mbiriga-o.

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

YOANES 12:13

Kulurug-e, it-nen-e mbari ngga yendera wanuruk, at abuwok mbirigarig-e, enne nggoksa-t yogolar-e: ”Mbal Pem Nagawan wa-o! Nagawan Indo unu bem lobok yusu nap yu-ge imbiringgat-nen yusu-o! Isarael nap nagawan yu-ge imbiringgat-nen yusu-o!” luk yiga-o.

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

YOANES 19:15

Yak ondosoloma-ge, it-nen enne nggoksa yogolar-e: ”Werer-o! Werer-o! E lang pang tak pem panggarak per-o!” luk yogolikma-ge, Pilatus-nen it kin wok onposolar-e: ”Kit-nen idnak nagawan-et nde, e lang pang tak pem panggarak pimin-a?” luk yosoloma-ge, tepan ombo nagawan-nen yogolar-e: ”Nit-nen idnak nagawan-e Kaisat misiget nag-o!” luk yiga-o.

YIDNAK YIDNAK WENE 15:18

nanduk-net wene yu kwarosolat enaru rak pid nap Nagawan Indo-nen-e irit yij-o.’

YIDNAK YIDNAK WENE 3:26

Nde, kit kenmanggim-et nanduk nandug-et Mbal Pem Nagawan-nen at Ndegel Oboso Nap mendak puruk, kit kinmbiringgat tak konposolar-e, kit komondomok meya yogolat woraidnak keya buruk, nden yaga kinpil lobok yekluk, wirik pij-o” luk yij-o.

OROMA 8:17

Nde, nir-e at ilirak nde ala-ge, Mbal Pem Nagawan-nen at ilirak tembesa wok undurak lid lud tak pidnak mende iri-ge nit na winde mul-o. Nde, Mbal Pem Nagawan-nen Kerisut wok turak lid lud tak pidnak mende na nit na at totno winde mul-o. Nde, Kerisut yane worosola, at totno yane wurul nde ala-ge, at unu kek tak posolar-e, nit na irit totno nunnu kek tak puwa-o.

1 KORINTUS 15:50

Nanggamirak wa-e. Yu nggal yosolat-nen yigi-o: Nenaboro min nenmep min worali yu bem-e Mbal Pem Nagawan-nen tenagaidnak wi winde yurag-e meya-o. Nde, piri yoso mende-nen piri yoso buk mende winde yurag-e meya-o.

1 KORINTUS 2:9

Alat nde, Mbal Pem Nagawan engga mbarak pem-nen yosolar-e: ”Ap enlengen-nen kagwi buk mende min eneyanggo-nen kulugwi buk mende min ap inndi-nen peragwi buk mende min iri perak nde Mbal Pem Nagawan-nen at abuwa kagwi nap enmanggim lid lud tak pamu-o” yij-o.

1 KORINTUS 6:9

Mot mot yugwi buk nap-nen-e Mbal Pem Nagawan-nen tenagaidnak wi winde yuwa buk na-ge kir-e kenaru bug-a? Kenambikpebe konmbol pem lali meyog-o. Mbabi kwarugwi min kugi erembel wanugwi min ap onkwe yebugwi min ap-net ap ye unpugwi min

NGGALATIA 5:21

at nak nggok yusu-a? luk insilepma yugwi nde, anggut engen amburu ndonggosa nuruk inndi wawa yugwi nde, meya kwarurak pem inik inik sakwi nde, ereba nggal erep min kwarogolat woragwi-o. Nanduk yak kindigi na nggal-et yawo na yak kundusu-o. Iri mende kwarugwi nab-e Mbal Pem Nagawan-nen tenagaidnak wi-ge winde yuwa bug-o.

EPESUS 5:5

Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

1 TESALONIKA 2:12

Mbal Pem Nagawan-nen tenagaidnak wi min at unu kek tak pidnak min at totno wanobok-nen wene mbo kinpid Mbal Pem Nagawan na alen tak pobokluk-nen nit-nen-e nggomo kondogolat, keneyak marogolat, kiri keresa yak kondogolat yige-o.

2 TIMOTIUS 2:12

Nde, nir-e neneyak linggirik nde wulmulndig-e, at imin nagawan wulmul-o. Nde, nit-nen nde at imin-e ’Naru bug-o’ luk yogola-ge, at-nen na nit ninmin-e ’Naru bug-er-o’ luk yuwa-o.

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.

IBERANI 1:14

Iri ala-ge, it aid nap iri-ge no mende-nen yili-o? It oboksa-ge Mbal Pem Nagawan ndegel obogolat, Mbal Pem Nagawan-nen urul pidnak inmiri yurak wene iri na wanurak nap yongga unduwakluk wirik onposo indi-nen yili-o.

IBERANI 11:16

Alat nde, it iri-nen-e konak uwi misik iri nak kore yogolat woraiga-o. O iri-ge aid arem irir-o. Nde, Mbal Pem Nagawan-nen-e iri yidnak nap enmanggim-e o siri misik kona keya bamu me, it-nen-e Mbal Pem Nagawan imin-e ”Nit Nenmbal Pem Nagawan-o” luk yogola-ge, Mbal Pem Nagawan-e inggiri kasu bug-o.

IBERANI 4:3

Nde, nit ninndi angin tubu yige nab-e Mbal Pem Nagawan indisep kwaroso sa iri me-t nindisep kwaril nggul-o. Iri-ge Mbal Pem Nagawan-nen yosolar-e: ”An nisilepma luk owak mbarosolar-e: ’It iri-ge an nindisep kwaroso sa iri me mondok pem ngguma bug-o’ luk owak mbarigi-o” luk yij-o. Iri yid iri-ge o nggweyak yu me ndak worak pidnak kuri-net at eyabu pidsa worak tak pij-et nde, at-nen iri yij-o.

IBERANI 9:26

Kwarat pem wirik peyekluk-nen nggwidnggal-e, nggweyak yu ndak worak pid kuri-nen kwarat pem yane wat tenak woraleb-o. Alat nde, i worok tak purak tarem panggo yidnak worali yu tarem-nen Kerisut-e misik pem nak nam yid iri-ge at-net at iminep wesel koraruk, meya yogolat woraidnak iri-ge mondok lak tak peyekluk-nen nam yij-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.

1 PETERUS 1:9

Kit-nen Nagawan Indo ebem kinndi angin tubu yidnak iri na ebe kwat yosolar-e, kinmiri yuwa irir-o.

1 PETERUS 3:9

Mbal Pem Nagawan-nen wene mbo kinpid iri-ge, at-nen idnak imbiringgat mende wok kendeyekluk wene mbo kinpidnak me, ap-nen meya rak konpogola, onggo it meya rak unpurak pug-o. Ap-nen meya wene yak kondogola, onggo meya wene yak undurak pug-o. Are, inmbiringgat tak enper-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.

NAM PARA WENE 17:8

Ndakngge isilepma worak kaigen iri-ge, nandug-e uruk woragaij-et nde, yawo-ge uruk worasu bug-o. At iri-ge yanem were mbun arem-nen lumarig-e, at lak tak uburak sa mburuwa-o. Nde, nggweyak ma worali nap, o nggweyak yu ndak worak pigit lak ma-net unluk wolmomtak engga arem unnu mbarigit lak nap oboksa-nen-e ndakngge isilepma worak iri karug-e, wi yuwa iri-ge ndakngge isilepma worak iri-ge nanduk uruk woragaij-et nde, yawo-ge uruk worasu bug-o. Nde, tuguruk nam ma iri bem-nen wi yuwa-o.

NAM PARA WENE 19:16

Nde, at usum pem min at awak pem min-e at unu-ge ”Nggweyak ma nagawan oboksa onmbol pem Nagawan-o. Ap nggok oboksa onmbol pem Nagawan Indo-nen yusu-o” luk mbarag-o.

NAM PARA WENE 21:7

Amawi luk, ombol nggwe yuwa nab-e yeba oboksa winde ma-o. Nde, an-e it Enmbal Pem Nagawan kwat yosolat, ir-e an nilirak kwat ma-o.

NAM PARA WENE 5:10

Nde, it onnggo pigen nap iri-nen Nembal Pem Nagawan eyabu wanogolat, nggweyak ma yu me tena woragolat makluk, kat-nen tepan ombo rak onposolar-e, ap enlem misiget tak inpigen-o” luk yiga-o.