MATIUS 25:32 - Nanduk Ngget Tul Pidnak Wene

³² Iri luk, ap enlem oboksa-ge at eram ndok wuruwama-ge, lomba wam yik karok woraso nap-nen lomba wam min kambing wam min lena arik tak pugwi nggal, iri nggal-et Ap Ambara-nen-e ap enlem oboksa na lena enarik tak onposolar-e,

MATIUS 25:32 ပူးပေါင်းရင်းမြစ်များ

NDAWI ENGGA 1:5

Nde, meya yugwi nab-e enpem wene mbaroso Mbal Pem Nagawan-nen enpem wene mbarosolat, at ilirak ennggendumu-nen lenak unpuwa-o.

NDAWI ENGGA 96:13

Iri yugup iri-ge Nagawan Indo-ge nggweyakma wi yu me tenageyekluk lobok yosolar-e, at-nen ap enlem oboksa enpem wene mbenarosolar-e, ndemeret mot mot, lud tak pem-et enpem wene mbenaruwa-o.

MALEAKI 3:18

Nde, an nilirak-nen-e konak kwarugwi nap min meya kwarugwi nap min an ndegel nubugwi nap min an ndegel nubugwi buk nap min enpem mbuwa mende iri-ge nam-et arik tak mbenak irit kujwa-o” luk yij-o.

MATIUS 13:49

Nde, i worok yuwa tarem-e iri nggal aid nap lobok yogolar-e, lud tak nak kwarugwi nap ennggenggerak-nen meya kwarugwi nap na lenak unpuruk,

MATIUS 28:19

Iri bem-e, kit mburugupndig-e, ap enlem oboksa-ge an nowosirak tak unpuruk, yi mat onpogolar-e, Eid unu bem, Ambara unu bem, Konak Indi unu bem yi mat unpuruk,

MATIUS 3:12

Nggandum mbato ebe min ababul min lena arik tak pugwi mende-ge at inggem worasu-o. Lena arik tak purug-e, nggandum mbato ebe-ge ndok wosa pil nggugwi sa posolat, abapno-ge nigi yoso buk kanduk iri na me kan puwa-o” luk yij-o.

YOANES 10:14

Lomba wam ombo konag-e an-net yusu-o. Nde, an Neid-nen an aru worasu nggal, an-nen na Neid naru worasu iri nggal-et an-nen-e an nolomba naru worasu-o. Nde, it-nen na an enaru worali-o. Nde, an nolomba enmanggim-e wat yimin-o luk perasu-o.

YOANES 10:27

An nolomba-nen-e an nene kulili-o. Nde, an-nen-e ir-e naru me, an nimin nili-o.

OROMA 2:12

Enlem nin nab-e Musa-nen imiri mbarak pidnak wene na-ge onlol-et woraiga-o. Iri bem-e it meya yidnak pem lak yogolar-e, imiri mbarak pidnak wene onlol-net lak ma-o. Nde, Yawuri nap na-ge Musa-nen imiri mbarak pidnak wene enaru-t nde, meya kwatli me, imiri mbarak pidnak wene iri bem-net it enpem wene mbaruwa-o.

OROMA 2:16

Mbal Pem Nagawan-e Yesus Kerisut ebem-nen-e ap-nen yebet kagwi kura woraso pidsa bem enpem wene mbaruwa tarem-e an-nen aid wene yoso iri nggal ndak ndag-et tak puwa-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

2 KORINTUS 5:10

Lag-e lag-o. Nit oboksa-ge Kerisut-nen ap enpem wene mbareyekluk kore yurak sa iri me wok yul-o. Iri me-nen-e ap enariktak-nen unluk woragolat-nen kwarogolat woraidnak na onggo wanogolar-e, konak nak kwaridnak ala na, meya kwaridnak ala na, onggo-ge ndak ndag-et wanuwa-o.

1 SEMUEL 2:10

Nagawan Indo uwim nab-e yigisa lak tak onposola, kwiye yili-o. It enpem mbal pem-nen ene o nggu nggal yoso-o. Nagawan Indo-nen nggweyakma woragwi nap oboksa enpem wene mbenaruwa-o. At amawi nggok iri na-ge at-nen lenak pid nap nagawan iri na wok tuwa-o” luk yij-o.