MATIUS 25:24 - Nanduk Ngget Tul Pidnak Wene

²⁴ Iri luk, at tol misiget wanid nap na lobok yarik at yak tosolar-e: ’Nap wa-e. Kat kisilepma yoso iri-ge an-e naru-o. Kat-nen uwi yakit lak sa-t nde, engen mbarosolat, kat-nen uwi pil kagit lak sa-t nde, engen wanosolat yoso iri-ge an-e naru me,

MATIUS 25:24 ပူးပေါင်းရင်းမြစ်များ

YESAYA 58:3

Nde, it ap enlem iri na-nen yogolar-e: ”No manggim-nen Nagawan Indo-ge neneyagit lak worala-t nde, nit nak-nen nunggwi mende ninggit lak, tepan nak yogolat, at-nen-e kwara lombot ninpigit lak yosola-t nde, nit nak-nen at eram tebe yili-o?” luk yogola, Nagawan Indo-nen yosolar-e: ”Kit-nen nunggwi mende keya buruk, tepan nak yogolar-et nde, kit kondomok-nen ukwe pidnak ereba na kore yogolat, onggo wok undurak pem keneyabu wanugwi nap enmberam lali-o.

YEREMIA 2:31

Isarael nap wa-e. An-nen yusu wene yu kwara koler-o. An-e kit kenmanggim-e nembaga usu nggwarak nggal kwat yosolat, nggweyak ndamuk mom ndirik nggal kwat yosolat yigi-a? Alat nde, kit-nen yogolar-e: ’Nir-e weserak nindi-n pidnak yeba-t nul-o. At eram tuguruk mbururag-e ninmbir-o’ yili iri-ge noluk-nen yili-o?

MATIUS 18:24

Namat wanidnak ereba na uwi yaguwakluk, mbenaridnggal-e, it-nen pil lobok yogolar-e, nagawan na arengge namat wanosolar-e, tol mondok wonarurak puk nggal (berjuta juta rupiah) wanidnak nap mbi pil lobok yiga-o.

MATIUS 20:12

Ujwa mbarogolar-e: ’It abok nggwiga nap yeba-ge yabu-ge satu jam pem nak waniga-t nde, nir-e ap tu sa nggwigerik yabu wanogola mo eyak nenpem tela mbij-et nde, kar-e onggo-ge it wok indigen iri na ndak ndak wok nundusu yu-ge ngge-o’ luk yiga-o.

MATIUS 25:25

an mbirigirig-e kat kaye-nen kat korol na nggweyak arem kura bigi-o. Kat kangge yu-o. Tuguruk winde yi-o’ luk yak tij-o.

MATIUS 25:26

Yak tosoloma-ge, at eid iri-nen at yak tosolar-e: ’Ndegel noboso nap meya keberari worak yu-ge wa-e. An-e an-nen yakit lak sa-t nde, engen mbarosolat, an-nen uwi pil kagit lak sa-t nde, engen wanosolat yoso iri-ge kar-e karu bug-a?

MATIUS 7:21

”An nimin-e: ’Nagawan Indo wa-e. Nagawan Indo wa-e’ yugwi nap oboksa-nen-e Mbal Pem Nagawan-nen tenagaidnak wi ngguwa bug-o. Are, an Neid aid arem woraso na indi-n pidnak nak kwarugwi nap it nak-nen ngguwa-o.

LUKAS 15:29

Alat nde, owe na-nen eid na ene erep nggarosolar-e: ’Yu nde ki-o. An-e olengen lasolat mbosolat kat kwara ndegel kobosolat, kat-nen yidnak yidnak nak kwarosolat woragi-t nde, kar-e no wok nirigen-o? An nanggamirak inmin kijak wuruwaklug-e, kambing wam misiget ter-o luk wok niriget lak yigen-o.

LUKAS 19:13

Awo mbirigit lak ma-net at ndegel ubugwi nap sepulu na yonggo unpuruk, kerep tol ondomok tak tembesa wok ondosolat-nen yosolar-e: ’An mborosola-ge, kir-e kerep tol yeba wene wutluk, erep lesa wanogolar-e, kwarat tak per-o’ luk yak indij-o.

LUKAS 6:46

Yuruk, at-nen yosolar-e: ”Kir-e an-nen yidnak yidnak kwatli bug-et nde, noluk-nen ’Nit Nagawan Indo wa-e. Nit Nagawan Indo wa-e’ yak nitli-o?

OROMA 8:7

Nde, ki nap-nen kwarugwi mende-t yebet kasu nab-e Mbal Pem Nagawan-nen imiri mbarak pidnak wene-nen yidnak yidnak kwaroso buk me, Mbal Pem Nagawan imin sirid nap-net yusu-o. Nde, ndemeret ar-e Mbal Pem Nagawan-nen imiri mbarak pidnak wene-nen yidnak yidnak kwarurag-e meyar-o.

OROMA 9:20

Alat nde, naptak wa-e. Kir-e Mbal Pem Nagawan imin eyak wururag-e ndag-a? Nde, nggweyak yimbe-nen at ndak worak ibid nap na yak tosolar-e: ”Kar-e noluk-nen yu nggal ndak wat nibigen-o?” luk yak turag-e ndag-a?