MATIUS 25:1 - Nanduk Ngget Tul Pidnak Wene

¹ ”Iri tarem-e Mbal Pem Nagawan-nen tenagaidnak wi-ge yu nggal-et ma-o. Kwami ndugum sepulu iri-ge it ental wanogoluk, it wok unpurak nap imin lid pid yuwokluk mbiriga-o.

MATIUS 25:1 ပူးပေါင်းရင်းမြစ်များ

YESAYA 54:5

Kat ndak wat kibij-e kat kun nggal ma-o. Isarael Embal Pem Nagawan Marak iri-ge kimiri yoso-nen yusu-o. At unu-ge Nagawan Indo Mondok Amawi Worak irir-o. Ar-e yi wi ndi wi tena woraso-o.

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

MATIUS 13:24

Yesus-nen nden karuk wene misik it yak ondosolar-e: ”Mbal Pem Nagawan-nen tenagaidnak wi iri-ge ap mbi-nen konak uwi at eyapmu pil kagaid iri nggal-nen yusu-o.

MATIUS 13:31

Yesus-nen nden karuk wene misik yak ondosolar-e: ”Mbal Pem Nagawan-nen tenagaidnak wi iri-ge sawi uwi nggal-nen yusu-o. Nde ap misik-nen sawi uwi iri-ge at eyapmu yagaidj-o.

MATIUS 13:38

Nde, yabu iri-ge nggweyak ma yu-net yusu-o. Nde, uwi konak ereba-ge Mbal Pem Nagawan-nen tenagaidnak wi winde yili nab-er-o. Nde, kuri ereba-ge Sere ilirak-nen yili-o.

MATIUS 13:47

”Iri nggal-et Mbal Pem Nagawan-nen tenagaidnak wi iri-ge keyane wanugwi sum misik yi koma arem mberak pogola, keyane nin tak nan tak yat yoso sum iri nggal-nen yusu-o.

MATIUS 20:1

”Mbal Pem Nagawan-nen tenagaidnak wi iri-ge anggut yabu winde-nen-e eyabu wanuwakluk ap onkore kubu kabu mbirid iri nggal-nen yusu-o.

MATIUS 22:2

”Mbal Pem Nagawan-nen tenagaidnak wi-ge yu nggal-nen yusu-o: Nagawan misig-e at ambara na kwe wanosola-ge, nunggwi mende nggulok sagaij-o.

MATIUS 25:7

Yogolikma-ge, kwami ereba na oboksa men yigarik, ental paiga-o.

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

MATIUS 5:16

Nde, iri nggal-et kit-nen konak nak kwaridnak na karuk yuwarig-e, it-nen-e Kineid aid arem woraso iri erembel wanuwakluk, kit keneyaya-ge ap ennggendumu yaya yuwag-o.”

MATIUS 9:15

Kin wok obogolikma-ge, Yesus-nen it yak ondosolar-e: ”Kwe wanurak nap iri na anggamirak-nen-e kwe wanurak nap na it inmin worasola-ge, inndi puru pera yugwi-a? Mondok lag-o! Alat nde, kwe wanurak nap na it ennggendumu-nen wok uburak tarem wok yosola-n perak nde mburu ninggit lak, we wolma-o.

YOANES 18:3

Aru me, Oroma nap san winde ap kere misik min tepan ombo nagawan min Parisi nap min-nen wirik inpidnak Mbal Pem Nagawan uwi yik karok woragwi erep min-e Yuras na imin luk iri me wok yiga-o. Wok yogolar-e, tege wanugwi, san wanugwi luk, tal pem lobok yiga-o.

YOANES 3:29

Kwe ap wanurak kwe iri-ge at wok uburak nap iri na ogwer-o. Nde, kwe iri wok uburak nap anggam mbi-ge an ene kolosolat at eram mendak worasolar-e, kwe wanurak nap iri na ene-ge alen min-et koloso-o. Nde, iri nggal-et an yawo na nalen kwarat kasu-o.

YIDNAK YIDNAK WENE 20:8

Nde, nit ndok woraige sa teram wi iri me-ge tal kwarat paga bidnak woragaij-o.

1 KORINTUS 11:2

Kir-e pempa kinndi-nen yebet yebet tak woragolat, an-nen nggomo kindidnak wene wanogolat yili bem-e an-e kit kentembel wanusu-o.

2 KORINTUS 11:2

Ap misiget nak wanobokluk ebem panggarak kinpigirik me, kir-e imin nene yugwi buk kwe ndugum nggal Kerisut wok kunpuwakluk-nen Mbal Pem Nagawan-nen kit kenpem ala erengen ale yusu nggal, an-nen na kit kenpem ala nerengen ale yusu-o.

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

NAM PARA WENE 14:4

It iri na-ge kwami inmin nene yugwi buk me, kopkap lak-nen yili-o. Ir-e kwami wanugwi buk-nen yili-o. Nde, ir-e Lomba Wam Marik na mbiridnak sa nak imbirik nak nugwi-o. It iri-ge nggweyak ma nap ennggenggerak-nen onnggo bidnak nap me, ir-e nanduk nandug-et Mbal Pem Nagawan min Lomba Wam Marik min enmanggim wosa inpidnak-nen yili-o.

NAM PARA WENE 19:7

Lomba Wam Marik-nen kwe wanurak tarem wok yarik, at wok uburuk kwe na at wok ubuwakluk lid lud tak puruk worasu me, nir-e nenalin nenalen kagolat, kijik kijak worogolat, at nak kek tak pogolat yuwog-o!

NAM PARA WENE 21:2

Nde, an yik kaginggal-e, Mbal Pem Nagawan-nen idnak o siri Yerusalem ngget iri-ge Mbal Pem Nagawan eram aid arem-nen mbuwasola kagi-o. Nde, o siri iri mondok konidnak abage-ge kweyap ndugum-nen unun wanuwokluk inmirik unmuruk pugwi nggal-o.

NAM PARA WENE 21:9

Aid nap tuju worok tak posolat (yang ketuju) andi bandi mende kenanggo yimbe tuju iri tena worali nap ereya na ennggendumu-nen aid nap misik an neram lobok yarik-nen yosolar-e: ”Lobok yi-o. Lomba Wam Marik iri na wanurak ogwe mirik kibimin-o” luk yij-o.

NAM PARA WENE 4:5

Nagawan koreyak woraso ondoro iri na-nen-e o pinel yebek kasolat, o nggu pang yosolat, nde, nagawan koreyak woraso ondoro urugwe nggwe-ge tal tuju iri pago kagi-o. Nde, tal iri-ge Mbal Pem Nagawan indi tuju iri-net yili-o.

NAM PARA WENE 8:10

Iri luk, aid nap imbirik (yang ketiga) iri-nen oboba ene pu yosola-ge, wonaru nggulok misig-e tal pago nggal mbal pem-nen mbuwasolar-e, yi min yi ulusu min erep menggesa (sepertiga) ebem mbuwagaij-o.