MATIUS 24:7 - Nanduk Ngget Tul Pidnak Wene

⁷ Ap enlem misik-nen-e ap enlem misik inmin wim mbarogolat, nagawan misik-nen tenagaidnak wi woragwi-nen-e nagawan misik-nen tenagaidnak wi woragwi inmin wim mbarogolat ma-o. O nin me nan me nogoro mbud yosolat, o lele yosolat ma-o.

MATIUS 24:7 ပူးပေါင်းရင်းမြစ်များ

LUKAS 21:11

Nin me nan me o lele nggok yosolat, nogoro mbud yosolat, kugi enpem mbosolat ma-o. Kwiye kudtak mende min kwiye worak mende min mbal nggwe-nen kwat ma-o.

YIDNAK YIDNAK WENE 11:28

It ereya na ennggendumu ap misik unu-ge Agapus na-nen men luk Konak Indi-ge ebem worala-nen yosolar-e: ”Nogoro nggulok enpem mbosolar-e, yi wi ndi wi oboksa wok yuwa-o” luk yij-o. Iri na ndak yosolar-e, Nagawan Kelaudius iri worasola tarem-nen kwat yij-o.

YIDNAK YIDNAK WENE 2:19

Nde, an-nen kwarosolar-e, wi yurak mende na teram nggwe mbal pem-nen kwarosolat, nggweyak ma ena nggwe-nen na yenggerak purak mende-ge eyabi min kanduk min kule min irit nam tak pimin-o.

IBERANI 12:27

Nde, at-nen-e ”Tuguruk misik pem-o” luk yid iri-ge lele rak puwarig-e, ndak wiridnak mende oboksa lele rak puruk, lak tak purak pem yij-o. Iri bem-e, tugup lak wolma mende iri nak wolma-o.

NAM PARA WENE 6:12

Iri luk, an-nen yik karok worasoma-ge, Lomba Wam Marik iri-nen lop nok tak pugwi mende imbirik (yang keenam) iri pinggirij-o. Ponggorosola-ge, o lele mondok kwiye worak yosolat, molengen na miri tup luk, kolpo woraga labuk yidnak nggal yosolat, waneya na mimi luk, mep tam yosolat,

NAM PARA WENE 6:5

Iri luk, Lomba Wam Marik iri-nen lop nok tak pugwi mende imbirik iri (yang ketiga) ponggorosola-nen kuliginggal-e, urugup worak mende imbirik (yang ketiga) iri-nen-e: ”Lobok yi-o” luk yosola kuligi-o. Iri yosola, yik kaginggal-e, kuda wam usu miri mbi kagi-o. Nde, kuda wam na ombolwak pem kore yidnak nap iri na inggem-e angin ndak wurugwi mende mberen tena kagi-o.

NAM PARA WENE 6:6

Nde, an kuliginggal-e, ene misik ap enne nggoksa yugwi nggal untugup worak mende empat ereya na enggenggerak-nen yosola kuligi-o. Nde, ene iri-nen yosolar-e: ”Yabu misiget pem wanidnak onggo-ge gandum yimbe misiget pem waga wok undurag-o. Nde, yabu misiget pem wanidnak onggo-ge mbato yimbe kenan pem waga wok undurag-o. Alat nde, saitun amburu min anggut engen amburu min-e meya rak purak pug-o” luk yij-o.

NAM PARA WENE 6:8

Iri yosola, yik kaginggal-e, kuda wam usu meya iri kagi-o. Nde, kuda wam na ombolwak pem kore yidnak nap iri unu-ge Wat Yugwi Elem-o. Nde, at imbirig-e Wat Yugwi Elem-nen Tenagaidnak Wi-ge at langgal luk imbirik imbirik nij-o. Nde, nggweyak ma yu me woragwi nap erep menggesa (seperempat) undurak amawi-ge it ininggem posola, it-nen ondogolar-e, yalawi bem-nen na, nere bem-nen na, andi bandi mende bem-nen na, nggweyak ma woraso ndakngge isilepma worak pem-nen na undurak amawi irit it ininggem pij-o.