MATIUS 24:5 - Nanduk Ngget Tul Pidnak Wene

⁵ Ap kwarar-e an nggal kwasa lobok yuwarig-e: ’Kerisut na-ge an-er-o’ luk yogolar-e, ap kwarat onmbol pem lujwa-o.

MATIUS 24:5 ပူးပေါင်းရင်းမြစ်များ

YEREMIA 14:14

Yosolakmu, Nagawan Indo-nen onggo yosolar-e: ”It iri-ge an-nen yidnak nggal kwasa enesiget yili-o. It iri-ge an-nen na wirik inpigit lak, ’Iri nggal yurag-o’ luk enpem na pigit lak, inmin na wene yigit lag-er-o. It-nen nabi nggal pem kaidnak kiringgili ereba-ge an-nen mirik inpidnag-e lag-o. ’Iri nggal kwat ma-o’ luk yili ereba-ge it ondomok inndi-nen yebet kaidnak ebe lak ereba na yili-o.

YEREMIA 23:21

Nagawan Indo-nen yosolar-e ”Ennesiget an nene lomboksa yugwi nap ereba-ge an-nen-e wirik inpigit lag-et nde, ir-e yil mborogolat nak worali-o. An nene it enpem pigit lag-et nde, it-nen-e: ’At unu bem yak kindili-o’ luk yili-o.

YEREMIA 23:25

Ennesiget an nene lomboksa yugwi nap-nen yili ereba-ge an-e naru worasu-o. An nunu bem ennesiget yogolar-e: ’An neresa-nen nabi bem yak nendamu-o’ luk yili-o.

YEREMIA 37:9

Kit kinndi-nen yebet kagolar-e, Mbabel nab-e abu mbirikma-o. Abog-e mondok lobok yuwa bug-o luk yebet kudtak pug-o. Nagawan Indo an-nen kenaru rak kunpusu-o. Mondok ndemeret it iri-ge tuguruk lobog-et yuwa-o.

MATIUS 24:11

Nde, enesiget Mbal Pem Nagawan ene lomboksa yugwi nap kwarat men yogolar-e, ap kwarat onmbol pem lujwa-o.

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

YOANES 5:43

An-e Neid unu bem-et lobok yigi-t nde, kit-nen-e wok nibigit lak yili-t nde, ap misik at ambik unu bem lobok yosola-ge, wok ubugub-o.

YOANES 8:24

Iri bem-e, ’Kit meya yidnak min woragolat-nen wat yugub-o’ luk yak kindigi nar-o. Nde, kit-nen-e an nimin-e ’Ar-e Ar-e woraso-net yusu-o’ luk kinndi an nebem angin tubu yigit lak ala-ge, kit meya yidnak min woragolat-nen war-et yugub-o” luk yak indij-o.

YOANES 8:28

Iri ala karuk, Yesus-nen it yak ondosolar-e: ”Kit-nen-e Ap Ambara an mendak nubugupmu-ge, ’Ar-e Ar-e woraso-net yusu-o’ luk kenaru yogolat, nde, at-nen kwaroso na-ge misiger-o luk tet at indi-n pidnak pem kwaroso buk, are, at-nen yoso-ge Eid-nen mul tidnak wene nak yamu-o luk kenaru yugub-o.

1 YOANES 2:18

Nilirak wa-e. Woroksiyem-e panggo yij-o! ”Kerisut imin sirid nab-e lobok yuwa-o” luk yak kindiga na-ge yawo-ge Kerisut imin sirid nab-e kwarat men yigarik me, iri bem-nen worok tak purak tarem panggo yusu-o luk nenaru yili-o.

1 YOANES 2:22

Iri bem-e, enesiget yoso nab-e ta-o? Iri-ge ”Yesus iri-ge Kerisut-nen yusu-ge lag-o” luk yoso nap irir-o. Iri yoso nab-e Kerisut imin sirid nap-nen yusu-o. At iri-nen-e: ”Eid na irit, Ambara na irit, naru bug-o” yoso-o.

1 YOANES 4:3

Alat nde, ”Yesus Kerisut iri-ge ki nap nggal luk lobok yij-o” luk yusu buk nab-e Mbal Pem Nagawan-nen idnak Konak Indi-ge at arem worasu-ge lag-o. Nde, at arem-e Kerisut uwim nap indi worasu-o. Nde, iri yidnak indi lobok yuwa-o luk kuligep na-ge yawo nggweyak ma yu me wok yarik worasu-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.